Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ : ପ୍ରତିକ୍ଷାର ଅନ୍ତ, ଆଜିଠୁ ବିନା କୋଭିଡ଼ ରିପୋର୍ଟରେ କାଳିଆ ଦର୍ଶନ
  • ||
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||

୫ବର୍ଷରେ ଓଡିଶାକୁ କେନ୍ଦ୍ର ଦେଇଥିବା ଅନୁଦାନର ହିସାବ ଦେଲେ ଶାହ ; ଅଭିଯୋଗ କଲେ ସାଧାରଣ ଲୋକଙ୍କ ପାଖରେ ପହଞ୍ଚିନାହିଁ ପାଣ୍ଠି

29/01/2019 at 2:58 PM

ସାଲେପୁର ୨୯|୧: ଓଡିଶା ଗସ୍ତରେ ଆସି କେନ୍ଦ୍ର ୫ବର୍ଷରେ ଓଡିଶାକୁ କେନ୍ଦ୍ର ଦେଇଥିବା ଅନୁଦାନର ହିସାବ ଦେଇଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ । ସାଧାରଣ ଲୋକଙ୍କ ପାଖରେ କେନ୍ଦ୍ରୀୟ ଅନୁଦାନ ପହଞ୍ଚିନଥିବାର ଅଭିଯୋଗ ମଧ୍ୟ କରିଛନ୍ତି । ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ଶାହ । କେନ୍ଦ୍ର ଦେଉଥିବା ଅନୁଦାନ ଅର୍ଥକୁ ରାଜ୍ୟ ସରକାର ଖର୍ଚ୍ଚ କରିପାରୁନାହାନ୍ତି । କାରଣ ରାଜ୍ୟର ବିକାଶ ଚାହୁଁନାହାନ୍ତି ରାଜ୍ୟ ସରକାର ।

ଓଡିଶାର ନୂଆ ରଚନା ପାଇଁ ସଂକଳ୍ପବଦ୍ଧ ମୋଦି ସରକାର । ସହିଦଙ୍କ ଅଧୁରା ସ୍ବପ୍ନ ପୂରଣ କରିବାକୁ ମୋଦି ହିଁ ସକ୍ଷମ ବୋଲି ଶାହ କହିଛନ୍ତି । ଦିଲ୍ଲୀ ଓ ଭୁବନେଶ୍ବରରେ ବିଜେପିର ସରକାର ହେବ । ଓଡିଶାର ବିକାଶ ପାଇଁ ଓଡିଆ କହୁଥିବା ମୁଖ୍ୟମନ୍ତ୍ରୀ ଦରକାର ବୋଲି ସେ କହିଛନ୍ତି । ବିଜେପି ଆଦିବାସୀ, ଦଳିତଙ୍କ ସ୍ବାର୍ଥରକ୍ଷା ପାଇଁ ସବୁବେଳେ ଯତ୍ନଶୀଳ ।

ବର୍ତ୍ତମାନ ଲୋକଙ୍କ ଘରେ ଘରେ ପହଞ୍ଚିଛି ରୋଷେଇ ଗ୍ୟାସ୍ । ମାଆ, ଭଉଣୀଙ୍କ ପାଇଁ ହୋଇଛି ଶୌଚାଳୟ ସୁବିଧା । ଶ୍ରୀଜିଉଙ୍କ ରତ୍ନଭଣ୍ଡାରକୁ ସୁରକ୍ଷା ଦେଇପାରୁନାହାନ୍ତି ରାଜ୍ୟ ସରକାର । ଓଡିଶାରେ ପ୍ରଚୁର ଖଣିଜ ପଦାର୍ଥ ରହିଛି । ଦାରିଦ୍ର୍ୟ ଲୋକଙ୍କ ପିଛା ଛାଡୁନି, ଏଥିପାଇଁ ଦାୟୀ କିଏ ବୋଲି ପ୍ରଶ୍ନ କରିଛନ୍ତି ଶାହ ।

ମଜଭୁତ ସରକାର କେବଳ ମୋଦିଙ୍କ ନେତୃତ୍ବରେ ସମ୍ଭବ ବୋଲି ସେ କହିଛନ୍ତି । ମୋଦିଙ୍କ ନେତୃତ୍ବକୁ ସାରା ବିଶ୍ବ ପ୍ରଶଂସା କରୁଛି । ଓଡିଶାର ବିକାଶ କରିବାକୁ ବିଜେଡି ଓ କଂଗ୍ରେସ ଅକ୍ଷମ । ୨୦୧୯ର ଭୋଟ୍ ଫଳାଫଳ ଏବେଠୁ ଜଳଜଳ ହୋଇ ଦିଶୁଛି । ମୋଦିଙ୍କୁ ସମର୍ଥନ ଦେଲେ ଦେଶ ଓ ରାଜ୍ୟର ବିକାଶ ବୋଲି ଶାହ କହିଛନ୍ତି । ୟୁପିଏ ସରକାର ଓ ରାହୁଲଙ୍କୁ କଡା ସମାଲୋଚନା କରିଛନ୍ତି ଶାହ । ବିଜେଡି ଓ କଂଗ୍ରେସ ଗୋଟିଏ ମୂଦ୍ରାର ଉଭୟ ପାର୍ଶ୍ବ । ବିଜେପିକୁ ୫ବର୍ଷ ଦିଅ ଓଡିଶାକୁ ୧ ନଂ କରିବୁ ବୋଲି ଶାହ କହିନ୍ତି ।

ଦିନିକିଆ ଓଡିଶା ଗସ୍ତରେ ଆସି ଅମିତ ଶାହ ଭୁବନେଶ୍ବର ବିମାନବନ୍ଦରରେ ପହଞ୍ଚିବା ପରେ ହେଲିକପ୍ଟରରେ ସାଲେପୁର ସତ୍ୟଭାମାପୁରରେ ପହଞ୍ଚିଥିଲେ । ସେଠାରେ ମଧୁବାବୁଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଛନ୍ତି ଅମିତ ଶାହା । ମଧୁବାବୁଙ୍କ ଜନ୍ମପୀଠକୁ ଆସି ଗୌରବାନ୍ବିତ ହେବା ସହ ଓଡିଆ ଭାଷା ଓ ଉତ୍କଳ ପ୍ରଦେଶ ଗଠନ ନେଇ ମଧୁବାବୁଙ୍କ ଅତୁଳନୀୟ ଅବଦାନ ରହିଛି ବୋଲି ଅମିତ କହିଛନ୍ତି । ଏହାପରେ ସେଠାରୁ ସିଧାସଳଖ କୁଳିଆ ପଡିଆ ଜନସଭାରେ ଯୋଗ ଦେଇଥିଲେ ଅମିତ ଶାହ ।

   Related Posts