Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଓଡିଶାରେ ବିଜେପି ସରକାରକୁ ଆସିଲେ କେନ୍ଦୁଝରରେ ଆଉ ଏକ ମେଡିକାଲ କଲେଜ ପ୍ରତିଷ୍ଠା ହେବ : ଅମିତ ଶାହ

12/04/2019 at 1:46 PM

କେନ୍ଦୁଝର ୧୨|୪: ଓଡିଶା ଗସ୍ତରେ ଆସିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ । କେନ୍ଦୁଝରଠାରେ ଆୟୋଜିତ ବିଜୟ ସଂକଳ୍ପ ସମାବେଶରେ ଯୋଗ ଦେଇଛନ୍ତି ଶାହ । ଏହି ଅବସରରେ ଉଦବୋଧନ ଦେଇ ସିଧାସଳଖ ନବୀନଙ୍କୁ ଟାର୍ଗେଟ୍ କରିଛନ୍ତି ଅମିତ ଶାହ । ସେ କହିଛନ୍ତି ଦେଶରେ ମୋଦି ଲହର ଚାଲିଛି। ଓଡିଶାରୁ ନବୀନ ବାବୁଙ୍କୁ ବିଦା କରିବା ଦରକାର । ଜଣେ ଓଡିଆ କହିପାରୁଥିବା ଲୋକକୁ ମୁଖ୍ୟମନ୍ତ୍ରୀ କରିବା ଦରକାର ବୋଲି ଅମିତ ଶାହ କହିଛନ୍ତି। କେନ୍ଦୁଝରରେ ଇସ୍ପାତ କାରଖାନା କରାଯିବ ବୋଲି ସେ କହିଛନ୍ତି।

ରାଜ୍ୟରେ ବିଜେପି ସରକାର ଆସିଲେ ଚିଟଫଣ୍ଡ ଅଭିଯୁକ୍ତମାନଙ୍କୁ ଜେଲ୍‌ ପଠାଯିବ ବୋଲି କହିଛନ୍ତି । ବିଜେପି ସରକାର ଆସିଲେ କେନ୍ଦୁଝର ଜିଲ୍ଲାରେ ଆଉ ଏକ ମେଡିକାଲ୍ କଲେଜ ପ୍ରତିଷ୍ଠା ହେବ । ଥରେ ବିଜେପିକୁ ଦାୟିତ୍ବ ଦେଲେ, ୫ ବର୍ଷରେ ଓଡିଶା ୧ ନମ୍ବର ହେବ ବୋଲି ସେ କହିଛନ୍ତି ।୧୯ ବର୍ଷ ହେଲା ନବୀନ ଓଡିଶାରେ ଅଛନ୍ତି, ଏଠି ପିଇବା ପାଣି ମିଳୁନି, ଡାକ୍ତରଖାନାରେ ଡାକ୍ତର ନାହାନ୍ତି ବୋଲି କହିଛନ୍ତି ଅମିତ ଶାହ।

   Related Posts