Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରିଷ୍ଠ ସାମ୍ୱାଦିକ ବିନୋଦ ଦୁଆଙ୍କ ପରଲୋକ, କରୋନାରେ ହୋଇଥିଲେ ଆକ୍ରାନ୍ତ
  • ||
  • ଚାଲିପାରିଲାନି ବିଧାନସଭା, ସୋମାବାର ପର୍ଯ୍ୟନ୍ତ ମୁଲତବୀ ଘୋଷଣା କଲେ ବାଚସ୍ପତି
  • ||
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||

ଉତ୍ତର ପ୍ରଦେଶ ସମେତ ୫ ରାଜ୍ୟର ବିଧାନସଭା ନିର୍ବାଚନ, ରୋଡମ୍ୟାପ୍ ପ୍ରସ୍ତୁତି ପାଇଁ ଅଣ୍ଟା ଭିଡିଲା ବିଜେପି

15/06/2021 at 5:19 PM

ନୂଆଦିଲ୍ଲୀ ୧୫।୬: ଆଗାମୀ ବର୍ଷ ଉତ୍ତରପ୍ରଦେଶ, ଉତ୍ତରାଖଣ୍ଡ ସମେତ ୫ଟି ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏଣୁ ଗୁରୁତ୍ୱପୂର୍ଣ୍ଣ ବୈଠକ ଜରିଆରେ ବିଜେପି ନିର୍ବାଚନ ଲାଗି ରୋଡ ମ୍ୟାପ୍‌ ପ୍ରସ୍ତୁତି କରିବାକୁ ଏବେ ଅଣ୍ଟା ଭିଡିଛି।  ବିଜେପି ଜାତୀୟ ସଭାପତି ଜେ.ପି.ନଡ୍ଡା ରାଜ୍ୟ ଶାଖାମାନଙ୍କୁ ଚିନ୍ତନ ଶିବିର ଆୟୋଜନ ସମେତ ରଣନୀତି ପ୍ରସ୍ତୁତି ଲାଗି ନିର୍ଦ୍ଦେଶ ଜାରି କରିଛନ୍ତି। ଜୁଲାଇ ୧୦ ସୁଧା ନିର୍ବାଚନକୁ ଯାଉଥିବା ରାଜ୍ୟମାନଙ୍କର ବିଜେପି ଶାଖା ଜାତୀୟ ସଭାପତିଙ୍କୁ ସେମାନଙ୍କର ରଣନୀତି ପ୍ରସ୍ତାବ କରିବେ।

ଅନୁଷ୍ଠିତ ହେବାକୁ ଯାଉଥିବା ନିର୍ବାଚନରେ ୫ରୁ ୪ଟି ରାଜ୍ୟରେ ୟୁପି, ଉତ୍ତରାଖଣ୍ଡ, ଗୋଆ ଓ ମଣିପୁରରେ ବିଜେପି ଓ ସହଯୋଗୀଙ୍କ ସରକାର ରହିଛି। ଏଣୁ ଦଳ ଲାଗି ଏହି ସବୁ ରାଜ୍ୟଙ୍କ ବିଧାନସଭା ନିର୍ବାଚନ ଏତେ କଷ୍ଟକର ନ ହୋଇପାରେ ବୋଲି ଆକଳନ କରାଯାଉଛି। ତେବେ ରାଜ୍ୟସ୍ତରୀୟ ବୈଠକ ପରେ ଛୋଟ ଛୋଟ ଟିମ୍‌ରେ ବିଜେପି ରାଜ୍ୟ ଶାଖା କାର୍ଯ୍ୟକର୍ତ୍ତାମାନେ ଦିଲ୍ଲୀ ଯାଇ ନିର୍ବାଚନ ପ୍ରସ୍ତୁତିର ରିପୋର୍ଟ କରିବେ। ସେହି ଅନୁଯାୟୀ ଦଳ ୫ଟି ରାଜ୍ୟର ବିଧାନସଭା ନିର୍ବାଚନ ଲାଗି ବିଜେପି ନିଜର ଚୂଡ଼ାନ୍ତ ରଣନୀତି ପ୍ରସ୍ତୁତ କରିବ ବୋଲି ଅନୁମାନ କରାଯାଉଛି।

ତେବେ ଗତ ବିଧାନସଭା ନିର୍ବାଚର ତ୍ରୁଟି ଏଥର ବିଜେପି ଦୋହରାଇବାକୁ ଚାହଁନା। ଏଣୁ କାର୍ଯ୍ୟକର୍ତ୍ତା ଓ କର୍ମୀଙ୍କ ପ୍ରଶିକ୍ଷଣ ଉପରେ ଦଳ ଜୋର ଦେଉଛି। ସେହି ଅନୁସାରେ ବିଜେପି ପ୍ରଶିକ୍ଷଣ ଓ ବୌଦ୍ଧିକ ଲାଗି ଏକ ବିସ୍ତୃତ ସୂଚୀ ପ୍ରସ୍ତୁତ କରିଛି। ଏଣୁ ସାଙ୍ଗଠନିକ ଗତିବିଧି ଲାଗି କାର୍ଯ୍ୟକର୍ତ୍ତା ଓ କର୍ମୀଙ୍କୁ ଅଣ୍ଟାଭିଡିବା ନିମନ୍ତେ ନିର୍ଦ୍ଦେଶ ଦିଆଯାଇଛି। ସେହି ଅନୁସାରେ ବିଜେପି ରାଜ୍ୟ ଶାଖାମାନଙ୍କୁ ୨୧ରୁ ୩୦ ଜୁଲାଇ ମଧ୍ୟରେ କାର୍ଯ୍ୟକାରୀ ପରିଷଦର ଅନଲାଇନ ବୈଠକ କରିବାକୁ କୁହାଯାଇଛି।

ଜାତୀୟ ସ୍ତରର ପ୍ରଶିକ୍ଷଣ ଶିବିର ପ୍ରତି ରବିବାର ସକାଳ ୧୦ଟା ୩୦ରୁ ୧୧ଟା ୩୦ ମଧ୍ୟରେ ଆୟୋଜନ କରାଯିବ। ସେହିପରି ରାଜ୍ୟସ୍ତରୀୟ ବୈଠକ ମଙ୍ଗଳବାର ଓ ବୁଧବାର ସକାଳ ୧୦ଟାରୁ ଆରମ୍ଭ କରିବାକୁ କାର୍ଯ୍ୟସୂଚୀ ସ୍ଥିରିକୃତ ହୋଇଛି। ବରିଷ୍ଠ ବିଜେପି ନେତା ଦୁଷ୍ୟନ୍ତ ଗୌତମ ଓ ମୂରଲୀଧର ରାଓ ଏହି ସବୁ ପ୍ରଶିକ୍ଷଣ ଶିବିର ସଂଯୋଜନା କରିବେ। ସେହି ଅନୁସାରେ ପାର୍ଟି ରାଜ୍ୟମାନଙ୍କୁ ମଧ୍ୟ ପ୍ରଶିକ୍ଷଣ ଓ ଅନ୍ୟ ପ୍ରସ୍ତୁତିରେ ଲାଗିପଡିବାକୁ ନିର୍ଦ୍ଦେଶ ଦେଇଛି।

   Related Posts