Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ସଂସଦୀୟ କମିଟିର ପାଇଲଟ ବନିଗଲେ ବିଜେପି ସାଂସଦ, ଖୁସିରେ ନାଚିଉଠିଲେ ମନୋଜ ତିଓ୍ୱାରୀଙ୍କ ୬ ମାସର ଝିଅ

18/07/2021 at 12:14 PM

ନୂଆଦିଲ୍ଲୀ ୧୮/୭ : ଆଜିକାଲି ସୋସିଆଲ ମିଡିଆରେ ବେଶ୍ ଚର୍ଚ୍ଚାରେ ଅଛନ୍ତି ବିଜେପି ସାଂସଦ ତଥା ପୂର୍ବତନ କେନ୍ଦ୍ର ମନ୍ତ୍ରୀ ରାଜୀବ ପ୍ରତାପ ରୁଡି । ସର୍ବଦା ସେ ସୋସିଆଲ ମିଡିଆରେ ବହୁତ ଆକ୍ଟିଭ ରହିଥାନ୍ତି । ନିଜର ବ୍ୟବସାୟିକ ପାଇଲଟ୍ ଭାବରେ କରାଯାଉଥିବା କାର୍ଯ୍ୟକୁ ସେ ସର୍ବଦା ସେୟାର କରିଥାନ୍ତି । ନିକଟରେ ସେ ତାଙ୍କ ଅଫିସିଆଲ୍ ଟ୍ୱିଟର ଆକାଉଣ୍ଟରୁ ଏକ ଭିଡିଓ ଟ୍ୱିଟ୍ କରିଥିଲେ ।

ଯେଉଁଥିରେ ସେ ପାଇଲଟଙ୍କ ପୋଷାକରେ ଏକ ବିମାନ ଭିତରେ ଛିଡା ହୋଇ କିଛି ଘୋଷଣା କରୁଥିବା ନଜର ଆସିଥିଲା । ଏହି ଭିଡିଓ ସେୟାର କରି ସେ ଲେଖିଛନ୍ତି, ‘ପିଲାମାନଙ୍କ ବାତ୍ସଲ୍ୟ ଏବଂ ନିଶ୍ଚଳ ଭାବର ମୋର ଅଲୌକିକ ଅନୁଭବ ରହିଛି । ଜାହାଜରେ ସଂସଦ କମିଟି ଗସ୍ତ କରୁଥିବା ସମୟରେ ସାଂସଦ ମନୋଜ ତିୱାରୀଙ୍କ ୬ ମାସର ଝିଅ ସାନଭିକାଙ୍କ ସହ ବିମାନ ଯାତ୍ରା ଏକ ସ୍ମୃତି ହୋଇ ରହିବ ।

ସୋସିଆଲ ମିଡିଆରେ ଆସିଥିବା ଭିଡିଓରେ ରାଜୀବ ପ୍ରତାପ ରୁଡିଙ୍କୁ ଇଣ୍ଡିଗୋ ବିମାନରେ ପାଇଲଟ ଭାବରେ ଦେଖିବାକୁ ମିଳିଥିଲା । ଭିଡିଓରେ ସେ ପର୍ଯ୍ୟଟନ ଏବଂ ବିମାନ ଚଳାଚଳ ସଂସଦୀୟ କମିଟିର ସଦସ୍ୟମାନଙ୍କୁ ପରିଚିତ କରୁଥିବା ଦେଖିଥିବା ମିଳିଥିଲା । ଏହା ସହିତ ସେ ବିମାନର ଅଧିନାୟକ ଏବଂ କ୍ରୁ ମେମ୍ବରଙ୍କୁ ମଧ୍ୟ ପରିଚିତ କରାଇଥିଲେ । ଏହା ବ୍ୟତୀତ ଭିଡିଓରେ ସେ କହିଛନ୍ତି ଯେ ୬ ମାସର କନିଷ୍ଠ ଯାତ୍ରୀ ମଧ୍ୟ ବିମାନରେ ଅଛନ୍ତି ।

ଯେଉଁଥିପାଇଁ ଲୋକମାନେ ମଧ୍ୟ ପ୍ରଶଂସା କରିଥିଲେ । ଏହି ଯାତ୍ରାରେ ପର୍ଯ୍ୟଟନ ଏବଂ ବିମାନ ଚଳାଚଳ ସଂସଦୀୟ କମିଟିର ସଦସ୍ୟମାନେ ବିମାନରେ ଯାତ୍ରା କରୁଥିଲେ । ଭିଡିଓରେ ଲୋକମାନଙ୍କୁ ଶୁଭେଚ୍ଛା ଜଣାଇବା ସହିତ ରାଜୀବ ପ୍ରତାପ ରୁଡି କହିଛନ୍ତି ଯେ ଏହା ଭାରତ ଇତିହାସରେ ସବୁଠାରୁ ଅନନ୍ୟ ଏବଂ ଅତ୍ୟନ୍ତ ସ୍ୱତନ୍ତ୍ର ଯାତ୍ରା । ସେ କହିଛନ୍ତି ଯେ ବିମାନରେ କମିଟି ସଭାପତି ଭେଙ୍କଟେଶ, ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତିରଥ ସିଂ ରାୱତ, ବିଜେପି ସାଂସଦ ମନୋଜ ତିୱାରୀ, ବିହାରର ପୂର୍ବତନ ଡେପୁଟି ସିଏମ ସୁଶୀଲ ମୋଦୀଙ୍କ ସମେତ ଅନେକ ସାଂସଦ ଉପସ୍ଥିତ ଅଛନ୍ତି ।

ସୂଚନାଥାଉ କି, ରାଜୀବ ପ୍ରତାପ ରୁଡି ବ୍ୟବସାୟିକ ବିମାନର ପାଇଲଟ୍ ଲାଇସେନ୍ସଧାରୀ ଅଟନ୍ତି । ତାଙ୍କୁ ଅନେକ ସମୟରେ ବିମାନ ଉଡ଼ାଣ କରୁଥିବା ଦେଖିବାକୁ ମିଳିଥାଏ । ସେ ସୋସିଆଲ ମିଡିଆରେ ଏହା ସହ ଜଡିତ ଭିଡିଓ ସେୟାର କରିଥାନ୍ତି । ନିକଟରେ ଦକଭଙ୍ଗା ପାଇଁ ଇଣ୍ଡିଗୋର ପ୍ରଥମ ସେବା ଆରମ୍ଭ ହୋଇଥିଲା । ଯେଉଁଥିରେ ରାଜୀବ ନିଜେ ଦାରଭଙ୍ଗା ଯାତ୍ରା କରିଥିଲେ ।

   Related Posts