Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୬୭ ମୃତ
  • ||
  • ଆସୁଛି ବାତ୍ୟା: ପ୍ରଭାବିତ ହେବ ଓଡ଼ିଶା, ୩ ରାତିରୁ ଉପକୂଳରେ ପ୍ରବଳ ବର୍ଷିବ ଓ ପବନ ବୋହିବ
  • ||
  • ୨୦୧୭ ହତ୍ୟା ଘଟଣାର ଖୋଳତାଡ କରିବ କ୍ରାଇମବ୍ରାଞ୍ଚ, ୪ ପୋଲିସ ଅଧିକାରୀଙ୍କ ବିରୋଧରେ ହତ୍ୟା ମାମଲା ରୁଜୁ
  • ||
  • ମିଚିଗାନ ସ୍କୁଲରେ ୧୫ ବର୍ଷର ଛାତ୍ରର ଉନ୍ମତ୍ତକାଣ୍ଡ, ଆଖିବୁଜା ଗୁଳିମାଡ଼ରେ ୩ ମୃତ
  • ||
  • ଭଦ୍ରକ ବରପଦା ନିକଟରେ ଦୁଇ ଅପରାଧୀଙ୍କୁ ଏନକାଉଣ୍ଟର
  • ||

ବିଜେପି ବିଧାୟକଙ୍କୁ ୫ ବର୍ଷ ଜେଲ ଦଣ୍ଡାଦେଶ ଶୁଣାଇଲେ କୋର୍ଟ, ଜାଲ ମାର୍କ ସିଟ୍‌ ଦେଇ ବିଶ୍ବବିଦ୍ୟାଳୟରେ କରିଥିଲେ ଆଡମିସନ୍‌

19/10/2021 at 4:31 PM

ଅଯୋଧ୍ୟା ୧୯/୧୦ : ବିଜେପି ବିଧାୟକଙ୍କୁ ୫ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି ଏକ ସ୍ବତନ୍ତ୍ର କୋର୍ଟ । ୨୮ ବର୍ଷ ତଳର ଏକ ମାମଲାର ଶୁଣାଣି କରି ଉତ୍ତର ପ୍ରଦେଶ ଗୋସାଇଗଞ୍ଜ ବିଜେପି ବିଧାୟକ ଇନ୍ଦ୍ର ପ୍ରତାପ ତିଓ୍ବାରୀଙ୍କୁ ଏହି ଦଣ୍ଡାଦେଶ ମିଳିଛି । କଲେଜରେ ଜାଲ ମାର୍କ ସିଟ୍‌ ଦାଖଲ ମାମଲାର ଶୁଣାଣିକରି ସୋମବାର ରାୟ ପ୍ରକାଶ କରିଛନ୍ତି କୋର୍ଟ । ସ୍ବତନ୍ତ୍ର ଜଜ୍‌ ପୁଜା ସିଂହ ମାମଲାର ଶୁଣାଣି କରି ରାୟ ପ୍ରକାଶ କରିଛନ୍ତି । ଏହା ପରେ କୋର୍ଟ​‌ରେ ଉପସ୍ଥିତ ବିଧାୟକଙ୍କୁ ଜେଲ ପଠାଇଦିଆଯାଇଛି ।  

ସୂଚନାଯୋଗ୍ୟ, ୧୯୯୨ ମସିହାରେ ବିଧାୟକ ଇନ୍ଦ୍ର ପ୍ରତାପ ତିଓ୍ବାରୀ ଗୋଟିଏ ଶ୍ରେଣୀରୁ ଉପର ଶ୍ରେଣୀକୁ ଉତ୍ତୀର୍ଣ୍ଣ ହେବା ପାଇଁ ଜାଲ ମାର୍କ ସିଟ୍‌ ଦାଖଲ କରିଥିଲେ । ଏହି ଘଟଣା ବାବଦରେ ଜଣାପଡିବା ପରେ ଥାନାରେ ମାମଲା ରୁଜୁ ହୋଇଥିଲା । ସେବେଠାରୁ ମାମଲା ବିଚାରଧୀନ ରହିଥିଲା । ଏବେ ଏହାର ଶୁଣାଣି କରି ବିଧାୟକଙ୍କୁ ୫ ବର୍ଷ ଜେଲଦଣ୍ଡରେ ଦଣ୍ଡିତ କରିଛନ୍ତି କୋର୍ଟ । ଘଟଣାରେ ସଂପୃକ୍ତ ଆଉ ୨ ଜଣଙ୍କୁ ମଧ୍ୟ ୫ ବର୍ଷ ଲେଖାଏଁ ସଜା ହୋଇଛି ।

ସେତେବେଳେ ବିଶ୍ବବିଦ୍ୟାଳୟର ଅଧ୍ୟାପକ ଥିବା ଯଦୁବଂଶରାମ ତ୍ରିପାଠୀ ଥାନାରେ ଜାଲ ମାର୍କସିଟ୍‌ ଦାଖଲ ନେଇ ଅଭିଯୋଗ କରିଥିଲେ । ଜାଲ ମାର୍କ ସିଟ୍‌ ଦାଖଲ କରି ବିଧାୟକ ଇନ୍ଦ୍ର ପ୍ରତାପ ଏବଂ ତାଙ୍କର ୨ ଜଣ ବନ୍ଧୁ ପ୍ରବେଶ କରିଥିଲେ । କିନ୍ତୁ ଏ ବାବଦରେ ଜଣାପଡିବା ପରେ ସମସ୍ତଙ୍କ ଗିରଫ କରିଥିଲା ପୋଲିସ । ପରେ ଅବଶ୍ୟ ବେଲ ମିଳିଯାଇଥିଲା । ଏବେ ଏହାର ଶୁଣାଣିକରି କୋର୍ଟ ତାଙ୍କୁ ୫ ବର୍ଷ ଲେଖାଏଁ ସଜା ଶୁଣାଇଛନ୍ତି ।

ସେତେବେଳେ ତାଙ୍କ ବିରୁଦ୍ଧରେ ଅଭିଯୋଗ ହୋଇଥିଲା ଯେ, ବିଧାୟକ ଜାଲ ମାର୍କ ସିଟ୍‌ ଦାଖଲ କରି ଯୁକ୍ତ ୩ରେ ଆଡମିସନ୍‌ କରିଥିଲେ । ଛାତ୍ର ସଂଘ ନିର୍ବାଚନରେ ପ୍ରତିଦ୍ବନ୍ଦିତା କରି ବିଜୟୀ ହୋଇଥିଲେ ସୁଦ୍ଧା ପରେ ତାହାକୁ ଅବୈଧ ଘୋଷଣା କରାଯାଇଥିଲା । ତଥାପି ତାଙ୍କର ଦବଦବା ବଢିଥିଲା । ତେବେ ସବୁଠାରୁ ବଡ କଥା ହେଉଛି ଇନ୍ଦ୍ର ପ୍ରତାପ ସିଂହ ବର୍ତ୍ତମାନ ଭାରତୀୟ ଜନତା ପାର୍ଟିର ବିଧାୟକ ଅଛନ୍ତି । ଏବେ ମାମଲାର ଶୁଣାଣିକରି ବିଧାୟକଙ୍କୁ ୫ ବର୍ଷ ଜେଲ ଦଣ୍ଡାଦେଶ ଶୁଣାଇବା ପରେ ତାଙ୍କୁ ଜେଲକୁ ପଠାଇଦିଆଯାଇଛି । ତେବେ ସେ ରାୟକୁ ଚ୍ୟାଲେଞ୍ଜ କରି ଉପରିସ୍ଥ କୋର୍ଟଙ୍କ ଆଶ୍ରୟ ନେଇପାରନ୍ତି ।

   Related Posts