Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯାଜପୁର : ରାସ୍ତା ନିର୍ମାଣକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ, ୭ ଆହତ
  • ||
  • ବୁର୍ଲା ଭୀମସାରରେ ଅଘଟଣ, ବିଦ୍ୟୁତ ତାର ଛିଣ୍ଡି ପୋଡିଗଲା ରକ୍ତ ଭଣ୍ଡାର ଓ ପ୍ଲାଜମା ବ୍ୟାଙ୍କର ୫ଟି ଫ୍ରିଜର
  • ||
  • ଯୁକ୍ତ ୨ କଲେଜ୍ ଖୋଲିବାକୁ ପ୍ରସ୍ତୁତି ! ବିଶୋଧନ ଓ ସଫା କରି କ୍ଲାସ୍ ରୁମ୍ ପ୍ରସ୍ତୁତ କରିବାକୁ ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶ
  • ||
  • ଫ୍ରାନ୍ସରେ ବିଜୟ ମାଲ୍ୟାଙ୍କ ବିରୋଧରେ EDଙ୍କ ବଡ କାର୍ଯ୍ୟାନୁଷ୍ଠାନ, ଜବତ ହେଲା ୧.୬ ମିଲିୟନ ୟୁରୋ ସମ୍ପତ୍ତି
  • ||

ଋଣ ଖିଲାପ ପାଇଁ ଦୁଷ୍କର୍ମ ଧମକ : ବିଜେପି ନେତାଙ୍କ ସାଙ୍ଘାତିକ ନିର୍ଦ୍ଦେଶକୁ ନେଇ ଆଲୋଡନ, ଜଣେ ଋଣୀ ପାଇଁ ସାରା ସଂପ୍ରଦାୟକୁ ବଦନାମ କରିବାକୁ କହିଲେ

9/11/2020 at 5:14 PM

ବେଙ୍ଗାଲୁରୁ, ୦୯୧୧:   ଲୋନ୍ ନ ଫେରାଇଲେ ଯୁବତୀଙ୍କୁ ଦୁଷ୍କର୍ମ କର । ଜଣେ ବ୍ୟକ୍ତିଙ୍କୁ ଏପରି ସାଙ୍ଘାତିକ ପରାମର୍ଶ ଦେଇଥିବା କର୍ଣ୍ଣାଟକର ଜନୈକ ବିଜେପି ନେତାଙ୍କୁ ପୋଲିସ ଗିରଫ କରଛି ।ଗିରଫ ନେତା ହେଲେ ଜଗାଲୁରୁ ଜିଲ୍ଲାର ବିଜେପି ଓବିସି ମୋର୍ଚ୍ଚା ଉପସଭାପତି । ଏହି ନେତାଙ୍କର ଏକ ଅଡିଓ କ୍ଲିପ୍ ମଧ୍ୟ ଭାଇରାଲ ହୋଇଛି ।

ଗିରଫ ବିଜେପି ନେତା ହେଲେ ଉଜ୍ଜୟିନୀ ସାଗର ଅଞ୍ଜନାପ୍ପା । ତାଙ୍କର ଏକ ଅଡିଓ କ୍ଲିପ୍ ଭାଇରାଲ ହୋଇଛି । ଯେଉଁଥିରେ ସେ ଜଣେ ବ୍ୟକ୍ତିଙ୍କୁ କିପରି ଦେଇଥିବା ଲୋନ୍ ଫେରାଇ ଆଣିପାରିବେ ସେନେଇ ପରାମର୍ଶ ଦେଉଛନ୍ତି ।

ସୂଚନାନୁସାରେ, ଉଜ୍ଜୟିନୀ ସାଗରଙ୍କୁ ରେଭାନସିଦ୍ଦାପ୍ପା କୌଣସି ଏକ ଲୋନ୍ କିପରି ଭରଣା କରାଯିବ ପଚାରିଥିଲେ । କାରଣ ରେଭାନସିଦ୍ଦାପ୍ପା ଜଣେ ବ୍ୟକ୍ତିଙ୍କୁ ଲୋନ୍ ଦେଇଥିଲେ । ବ୍ୟକ୍ତିଜଣଙ୍କ ମାଡିଓ୍ୱାଲା ସଂପ୍ରଦାୟର ଥିଲେ । ସେ ନେଇଥିବା ଲୋନ୍ ଫେରାଉ ନଥିଲେ । ତେବେ ଏହି ସଂପ୍ରଦାୟର ଜଣେ ଯୁବତୀଙ୍କୁ ଦୁଷ୍କର୍ମ କରିବାକୁ ଉଜ୍ଜୟିନୀ ରେଭାନସିଦ୍ଦାପ୍ପାଙ୍କୁ ପରାମର୍ଶ ଦେଇଥିଲେ । ଏପରିକି ରେଭାନଙ୍କୁ ଜେଲରୁ ମୁକୁଳାଇବାରେ ସେ ସାହାଯ୍ୟ କରିବେ ବୋଲି ମଧ୍ୟ ପ୍ରତିଶ୍ରୁତି ଦେଇଥିଲେ ।

ଉଜ୍ଜୟିନୀଙ୍କ ଏହି ଅଡିଓ କ୍ଲିପ୍ ଭାଇରାଲ ହେବା ପରେ ବିବାଦ ବଢିଥିଲା । ଅନେକ ସଂପ୍ରଦାୟର ବ୍ୟକ୍ତି ଥାନା ଆଗରେ ଧାରମା ଦେବା ସହ ଉଜ୍ଜୟିନୀଙ୍କୁ ଗିରଫ ପାଇଁ ଦାବି କରିଥିଲେ । ପରେ ପୋଲିସ ଅଭିଯୋଗ ଆଧାରରେ ଉଜ୍ଜୟିନୀଙ୍କୁ ଗିରଫ କରିଛି । ଏପରିକି ତାଙ୍କୁ ଦଳରୁ ବହିଷ୍କାର ମଧ୍ୟ କରାଯାଇଛି ।

   Related Posts