ମୁମ୍ବାଇ ୧୩।୦୧- ତିନି ଭିନ୍ନ ଭିନ୍ନ ଆଦର୍ଶର ଦଳ ମାନଙ୍କୁ ନେଇ ଗଠିତ ମହାରାଷ୍ଟ୍ର ବିକାଶ ଅଗାଡି ସରକାର ଭାଙ୍ଗିଯିବ । ବିଜେପି ଖୁବଶିଘ୍ର ସରକାରକୁ ଫେରିବ । ଏପରି ଦୃଢୋକ୍ତି କରିଛନ୍ତି ବିଜେପି ସାଂସଦ ନାରାୟଣ ରାଣେ । ବଡ କଥାଟି ହେଲା ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ନାରାୟଣ ରାଣେ। ଏହା କହିବା ବେଳେ ସିଧାସଳଖ ସେ ମୁଖ୍ୟମନ୍ତ୍ରୀ ଉଦ୍ଦବ ଠାକରେଙ୍କୁ ହିଁ ଟାର୍ଗେଟ କରିଛନ୍ତି । କହିଛନ୍ତି , ଶିବସେନାର ୫୬ ବିଧାୟକଙ୍କ ମଧ୍ୟରୁ ୩୫ ଅସନ୍ତୁଷ୍ଟ । କୌଣସି ମୂହୁର୍ତ୍ତରେ ଶିବସେନା ନେତା ଉଦ୍ଧବ ବିଦ୍ରୋହର ସମ୍ମୁଖାନ ହୋଇପାରିନ୍ତି ବୋଲି ପରୋକ୍ଷରେ ଚେତାବନୀ ଦେଇଛନ୍ତି ରାଣେ ।
{"id":210683,"width":577,"height":432,"sizeSlug":"large"}
ନାରାୟଣ ରାଣେ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ । ସେ ୨୦୦୫ ମସିହା ପର୍ଯ୍ୟନ୍ତ ଶିବସେନାରେ ଥିଲେ । ତାପରେ ସେ କଂଗ୍ରେସରେ ଯୋଗ ଦେଇଥିଲେ । କଂଗ୍ରେସ ଛାଡି ସେ ବିଜେପିକୁଆସିଲେ । ତେବେ ମଝିରେ ସେ ମହାରାଷ୍ଟ୍ର ସ୍ବାଭିମାନ ପକ୍ଷ ନାମରେ ନିଜର ଏକ ଦଳ ଗଢିଥିଲେ । ପରେ ସେ ବିଜେପି ସମର୍ଥନରେ ରାଜ୍ୟସଭାକୁ ଯିବା ସହ ବିଜେପିରେ ଯୋଗ ଦେଇ ତାଙ୍କ ଦଳକୁ ବିଜେପିରେ ମିଶାଇ ଦେଇଥିଲେ । ଏବେ ସେ କହୁଛନ୍ତି ଶିବସେନାରେ ଅସନ୍ତୋଷ ଜେର । ଆଉ ସେହି ଆଧାରରେ ମହାରାଷ୍ଟ୍ର ବିକାଶ ଅଗାଡି ସରକାର ଏକ କ୍ଷଣସ୍ଥାୟୀ ସରକାର ବୋଲି ଯୁକ୍ତି ରଖିଛନ୍ତି ନାରାୟଣ ରାଣେ ।
{"id":210684,"sizeSlug":"large"}
ରାଣେ କହିଛନ୍ତି , ବିଜେପିର ବର୍ତ୍ତମାନ ବିଧାନ ସଭାରେ ୧୦୫ ବିଧାୟକ ଅଛନ୍ତି । କିନ୍ତୁ ଶିବସେନାର ମାତ୍ର୫୬ ଜଣ । ତେବେ ସେଥିରୁ ୩୫ ବିଧାୟକ ଅସନ୍ତୁଷ୍ଚ । ଏହି ଦାବି କରିଛନ୍ତି ଭେଟେରାନ ରାଜନେତା । ସଂଖା ଦୃଷ୍ଟିରୁ ବିଜେପି ଖୁବଶିଘ୍ର କ୍ଷମତାକୁଫେରିବ ବୋଲି ରାଣେ ଆଶାବାଦୀ । ଏହା ସହ ଉଦ୍ଧବଙ୍କୁ ସମାଲୋଚନା କରିଛନ୍ତି ରାଣେ । କହିଛନ୍ତି, ସରକାର ଗଢିବାକୁ ମହାରାଷ୍ଟ୍ର ବିକାଶ ଅଗାଡିକୁ ୫ ସପ୍ତାହ ଲାଗିଗଗଲା । ଶାସନ କରିବାକୁ ଆଉ କେତେ ଦିନ ଲାଗିବ ବୋଲି ପ୍ରଶ୍ନ କରିଛନ୍ତି ରାଣେ । ଏପରିକି ଉଦ୍ଧବଙ୍କ ଅଭିଜ୍ଞତା ନଥିବା ମଧ୍ୟ କହିଛନ୍ତି ।
{"id":210685,"sizeSlug":"large"}
ତେବେ ପୂର୍ବରୁ ମନ୍ତ୍ରୀ ପଦ ନେଇ ଅସନ୍ତୋଷ କାରଣରୁ ଶିବସେନା ବିଧାୟକ ଅବଦୁଲ୍ ସତ୍ତାର ଇସ୍ତାଫା ଗୁଜବ ହୋଇଥିଲା । ସେହିଭଳି କଂଗ୍ରେସର ତିନି ତିନି ଥର ବିଧାୟକ କୈଳାଶ ଗୋରାଣ୍ଟାୟଲ ମଧ୍ୟ ମନ୍ତ୍ରୀ ପଦ ନମିଳିବାରୁ ସମସ୍ତ ଦଳୀୟ ପଦରୁ ଇସ୍ତାଫା ଦେଇଥିଲେ । ଏହି ପରିପ୍ରେକ୍ଷେିରେ ଏବେ ରାଣେଙ୍କ ବୟାନ ପୁଣି ଥରେ ମହାରାଷ୍ଟ୍ର ରାଜନୀତିକୁ ସରଗରମ କରିଛି । ତେବେ ଅନ୍ୟ ଏକ ଗୁରୁତ୍ୱପୂର୍ଣ୍ଣ ଘଟଣା ହେଲା ରାଜଥାକରେ ଙ୍କ ସହ ବି ନେତା ଦେବେନ୍ଦ୍ର ପଡନବିଶ୍ଙ୍କ ବୁଝାମଣା । ଏମଏନଏସ୍- ବିଜେପି ମେଣ୍ଟ ଶିବସେନାଖୁ ସମସ୍ୟା ହେବା ଆଶଙ୍କା ବି ରହିଛି । ତେବେ ଏନେଇ ରାଣେଙ୍କ ବକ୍ତବ୍ୟକୁ ନେଇ ଶିବସେନାପକ୍ଷରୁ ସେଭଳି କିଛି ପ୍ରତିକ୍ରିୟା ରଖାଯାଇନି ।
