Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୫୦ ନେତାଙ୍କୁ ପ୍ରିୟଙ୍କା ଗାନ୍ଧୀଙ୍କ ଫୋନ୍ : ‘ଆପଣଙ୍କ ଟିକେଟ୍ କନଫର୍ମ୍, ନିର୍ବାଚନ ପାଇଁ ପ୍ରସ୍ତୁତ ହୁଅ’
  • ||
  • ଆଜିଠୁ ବଢିବ ବର୍ଷା, ୧୧ ଜିଲ୍ଲାରେ ପ୍ରବଳ ଛେଚିବ
  • ||
  • ୨୮୬ ବସ୍ତା ପିଡିଏସ ଚାଉଳ ଜବତ, ଚୋରାରେ ବିକ୍ରି ପାଇଁ ଯାଉଥିବା ବେଳେ ଧରିଲେ ଲୋକେ
  • ||
  • ଭୟ ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୩ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୦୩୧ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଜାମ୍ମୁ କାଶ୍ମୀର ସପୋରରେ ଏନକାଉଣ୍ଟର: ଲସ୍କର କମାଣ୍ଡର ସମେତ ୩ ଆତଙ୍କୀ ନିହତ
  • ||
  • ଆମେରିକା-ମେକ୍ସିକୋ ସୀମାରେ ହିଂସାକାଣ୍ଡ, ଦୁର୍ବୃତ୍ତଙ୍କ ଆଖିବୁଜା ଗୁଳିମାଡରେ ୧୮ ମୃତ
  • ||
  • ଆଜି ଅନ୍ତର୍ଜାତୀୟ ଯୋଗ ଦିବସ, ଏବର୍ଷର ଥିମ୍ ‘ୟୋଗା ଫର ୱେଲନେସ୍’
  • ||
  • ଆଜିଠୁ କ୍ୟାମ୍ପେନ୍ ମୋଡ୍‌ରେ ଟିକାକରଣ, ରାଜ୍ୟରେ ଦୈନିକ ୩ ଲକ୍ଷ ଭାକସିନେସନ୍ ଟାର୍ଗେଟ୍
  • ||

ପୁଣି ଜଣେ ବିଜେପି ନେତାଙ୍କୁ ହତ୍ୟା : ଶିବରାଜ କହିଲେ ଏଇଟା କ’ଣ କଂଗ୍ରେସର ପରିବର୍ତ୍ତନ ?

20/01/2019 at 3:39 PM

ଭୋପାଲ ୨୦/୧ : ମଧ୍ୟପ୍ରଦେଶରେ ଆଉ ଜଣେ ବିଜେପି ନେତାଙ୍କୁ ହତ୍ୟା କରାଯାଇଛି | ମୃତ ବିଜେପି ନେତା ହେଲେ ମନୋଜ ଠାକରେ | ତାଙ୍କ ମୃତଦେହ ବଲବାଡ଼ି- ସେଂଢ଼ୱା ରାସ୍ତାରୁ ମିଳିଛି | ପ୍ରାଥମିକ ତଦନ୍ତରୁ ତାଙ୍କୁ ହତ୍ୟା କରାଯାଇଥିବ ଜଣାପଡିଛି | ତାଙ୍କ ମୁହଁରେ ଗଭୀର ଆଘାତ ଲାଗିଥିବା ଦେଖିବାକୁ ମିଳିଛି | ଗତ ୪ ଦିନ ମଧ୍ୟରେ ଦୁଇଜଣ ବିଜେପି ନେତାଙ୍କୁ ହତ୍ୟା କରାଯାଇଛି | ଏହା ପୂର୍ବରୁ ମନ୍ଦସଉରରେ ବରିଷ୍ଠ ବିଜେପି ନେତା ତଥା ନଗର ପାଳିକା ଅଧ୍ୟକ୍ଷ ପ୍ରହ୍ଲାଦ ବନ୍ଦବାରଙ୍କୁ ଗୁଳି କରି ହତ୍ୟା କରାଯାଇଥିଲା | ମାମଲାରେ ପୋଲିସ ଜଣେ ଅଭିଯୁକ୍ତକୁ ଗିରଫ କରିଥିଲା | ଗତ ୪ ଦିନ ମଧ୍ୟରେ ମଧ୍ୟପ୍ରଦେଶରେ ୨ଜଣ ବିଜେପି ନେତାଙ୍କୁ ହତ୍ୟା କରାଯିବା ରାଜ୍ୟ ସରକାରଙ୍କୁ ଅଡୁଆରେ ପକାଇପାରେ |


ବିଜେପି ନେତାଙ୍କୁ ହତ୍ୟା ପରେ ମର୍ମାହତ ହୋଇ ପୂର୍ବତ୍ତନ ମୁଖ୍ୟମନ୍ତ୍ରୀ ଶିବରାଜ ଚୌହାନ କହିଛନ୍ତି ଯେ, କଂଗ୍ରେସ ପରିବର୍ତ୍ତନର କଥା କହୁଛି | ଏଇଟା କଣ ପରିବର୍ତ୍ତନ | ରାଜ୍ୟରେ ଗୋଟିଏ ପରେ ଗୋଟିଏ ନେତାଙ୍କୁ ହତ୍ୟା କରାଯାଉଛି | ସେ କହିଛନ୍ତି ଯେ, ରାଜ୍ୟରେ ଆଇନ ଏବଂ ବ୍ୟବସ୍ଥା ସମ୍ପୂର୍ଣ ଢିଲା ହୋଇଯାଇଛି | ତେବେ ବିଜେପି ନେତାଙ୍କ ହତ୍ୟା ପଛରେ ଏକ ବଡ ଷଡଯନ୍ତ୍ର ହେଉଥିବା ସେ କହିଛନ୍ତି | ଘଟଣା ସିବିଆଇ ତଦନ୍ତ ହେବ ଦରକାର ବୋଲି ଶିବରାଜ କହିଛନ୍ତି | ଏଭଳି ହତ୍ୟାକାଣ୍ଡରେ ରୋକ ଲଗାଇବା ପାଇଁ ସେ ସରକାରଙ୍କୁ କହିଛନ୍ତି | ନଚେତ ବିଜେପି ରାସ୍ତାକୁ ଓହ୍ଲାଇବା ବୋଲି ଚେତାବନୀ ଦେଇଛନ୍ତି |


ସୂଚନାଯୋଗ୍ୟ ଯେ, ମନୋଜ ଠାକରେ ସକାଳୁ ମର୍ନିଙ୍ଗୱାକ ପାଇଁ ଯାଇଥିଲେ |ସେତେବେଳେ ତାଙ୍କୁ ହତ୍ୟା କରାଯାଇଛି । ମୃତଦେହ ପାଖରେ ପଥର ପଡିଥିବା ପୋଲିସ କହିଛି | ସେହି ପଥରରେ ଛେଚି ମନୋଜଙ୍କୁ ହତ୍ୟା କରାଯାଇଥିବ ପୋଲିସ ସନ୍ଦେହ କରୁଛି |ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି | ଶବ ବ୍ୟବଚ୍ଛେଦ ରିପୋର୍ଟ ଆସିଲେ ସ୍ପଷ୍ଟ ହେବ ବୋଲି ପୋଲିସ କହିଛି |

   Related Posts