ନୂଆଦିଲ୍ଲୀ ୬/୬ : ସାରା ଦେଶରେ କରୋନା ସଂକଟରୁ ବର୍ତ୍ତିବାକୁ ସବୁଠି ଟିକାକରଣକୁ ଗୁରୁତ୍ୱ ଦିଆଯାଉଛି । ଯେହେତୁ ମହାମାରୀରୁ ରକ୍ଷା ପାଇବାକୁ ଅନ୍ୟ କୌଣସି ଉପାୟ ନାହିଁ ସେଥିପାଇଁ ଟିକାକୁ ଅଧିକ ପ୍ରାଧାନ୍ୟ ଦିଆଯାଉଛି । ତେବେ ଏହାରି ଭିତରେ ଟିକାକରଣ କେନ୍ଦ୍ରରେ ବିଜେପି ନେତ୍ରୀ ନିଜର ଜନ୍ମଦିନ ସେଲିବ୍ରେସନ କରିବା ନେଇ ଜୋର ଚର୍ଚ୍ଚା ହେଉଛି । ସୋସିଆଲ ମିଡିଆରେ ଭାଇରାଲ ହେଉଛି ମହିଳା ନେତ୍ରୀଙ୍କ ବାର୍ଥ ଡେ ସେଲିବ୍ରେସନ ଭିଡିଓ ।

ଭିଡିଓରେ ଦେଖିବାକୁ ମିଳୁଛି ବିଜେପି ନେତ୍ରୀ ମାଧୁରୀ ଜୟସ୍ୱାଲ ଟିକାକରଣ କେନ୍ଦ୍ରରେ କିପରି କେକ୍ କାଟୁଛନ୍ତି । କେବଳ ସେତିକି ନୁହେଁ ତାଙ୍କ ପାଖରେ କିଛି କର୍ମୀ ବି ଛିଡା ହୋଇଛନ୍ତି । ତେବେ ଆଶ୍ଚର୍ଯ୍ୟର କଥା କେହି ବି ସାମାଜିକ ଦୂରତାକୁ ମାନିନଥିଲେ । ଏହାସହ କେକ୍ କାଟିବା ସମୟରେ କାହାରି ମୁହଁରେ ମାସ୍କ ବି ନଥିଲା । ଏସବୁ ଘଟଣା କେହି ଜଣେ ସୋସିଆଲ ମିଡିଆରେ ଭାଇରାଲ କରିଦେଇଥିଲା ।

wp:html

Indore | In a viral video (pic 1), BJP leader was seen celebrating her birthday at a COVID vaccination centre.

Our workers celebrated my birthday out of happiness. I apologise to my ward members for this: BJP leader Madhuri Jaiswal#MadhyaPradesh pic.twitter.com/OinGFQIpak

— ANI (@ANI) June 5, 2021

/wp:html

ଏହାକୁ ନେଇ ଜୋରଦାର ଚର୍ଚ୍ଚା ବି ହୋଇଥିଲା । ତେବେ ବିଜେପି ନେତ୍ରୀ ମାଧୁରୀ ଜୟସ୍ୱାଲ ଏକଥା ଜାଣିବା ପରେ ନିଜେ କ୍ଷମା ମାଗିଛନ୍ତି । ସେ କହିଛନ୍ତି କର୍ମୀମାନେ ଉତ୍ସାହର ସହ ଜନ୍ମଦିନ ପାଳିଥିଲେ ସେଥିପାଇଁ ମୁଁ କ୍ଷମା ପ୍ରାର୍ଥନା କରୁଛି ।