Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୬୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୦୯ କରୋନା ସଂକ୍ରମିତ, ୩୨୦୮୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଯାଜପୁର : ରାସ୍ତା ନିର୍ମାଣକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ, ୭ ଆହତ
  • ||
  • ବୁର୍ଲା ଭୀମସାରରେ ଅଘଟଣ, ବିଦ୍ୟୁତ ତାର ଛିଣ୍ଡି ପୋଡିଗଲା ରକ୍ତ ଭଣ୍ଡାର ଓ ପ୍ଲାଜମା ବ୍ୟାଙ୍କର ୫ଟି ଫ୍ରିଜର
  • ||
  • ଯୁକ୍ତ ୨ କଲେଜ୍ ଖୋଲିବାକୁ ପ୍ରସ୍ତୁତି ! ବିଶୋଧନ ଓ ସଫା କରି କ୍ଲାସ୍ ରୁମ୍ ପ୍ରସ୍ତୁତ କରିବାକୁ ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶ
  • ||
  • ଫ୍ରାନ୍ସରେ ବିଜୟ ମାଲ୍ୟାଙ୍କ ବିରୋଧରେ EDଙ୍କ ବଡ କାର୍ଯ୍ୟାନୁଷ୍ଠାନ, ଜବତ ହେଲା ୧.୬ ମିଲିୟନ ୟୁରୋ ସମ୍ପତ୍ତି
  • ||

ସୁଶୀଲ ମୋଦୀ ଆଉଟ୍ ! ବିଜେପି ନେତା କାମେଶ୍ୱର ଚୌପାଲ ହୋଇପାରନ୍ତି ବିହାରର ନୂଆ ଉପ ମୁଖ୍ୟମନ୍ତ୍ରୀ

13/11/2020 at 12:06 PM

ପାଟନା, ୧୩|୧୧:  ବିହାର ବିଧାନସଭା ନିର୍ବାଚନ ଫଳାଫଳ ପ୍ରକାଶିତ ହେବା ପରେ ସରକାର ଗଠନ ପାଇଁ ପ୍ରକ୍ରିୟା ଆରମ୍ଭ ହୋଇଯାଇଛି । ବିହାରରେ ଏନଡିଏ ସରକାର ଗଢିବ । ମୁଖ୍ୟମନ୍ତ୍ରୀ ଭାବେ ଜେଡିୟୁ ସୁପ୍ରିମୋ ନୀତିଶ କୁମାର ଶପଥ ନେବେ । କିନ୍ତୁ କିଏ ରାଜ୍ୟର ଉପ ମୁଖ୍ୟମନ୍ତ୍ରୀ ହେବେ ତାକୁ ନେଇ ଲାଗି ରହିଛି ସସପେନ୍ସ ।

ସୂତ୍ରାନୁସାରେ, ଅଯୋଧ୍ୟାରେ ନିର୍ମିତ ହେବାକୁ ଥିବା ରାମ ମନ୍ଦିର ପାଇଁ ପ୍ରଥମ ଇଟା ରଖିଥିବା କାମେଶ୍ୱର ଚୌପାଲ ବିହାରର ଉପ ମୁଖ୍ୟମନ୍ତ୍ରୀ ହୋଇପାରନ୍ତି । ଏହି ଚର୍ଚ୍ଚା ମଧ୍ୟରେ କାମେଶ୍ୱର କହିଛନ୍ତି ଯେ, ସେ ହେଉଛନ୍ତି ଦଳର ଜଣେ ଶୃଙ୍ଖଳିତ କାର୍ଯ୍ୟକର୍ତ୍ତା । ଦଳ ତାଙ୍କୁ ଯେଉଁ ଦାୟିତ୍ୱ ଦେବ ସେ ସୂଚାର ରୂପେ ସମ୍ପାଦନ କରିବେ ।

କାମେଶ୍ୱର ହେଉଛନ୍ତି ରାମ ମନ୍ଦିର ଟ୍ରଷ୍ଟର ଦଳିତ ସେବକ ଓ ବିଜେପିର ବରିଷ୍ଠ ନେତା । ଏବେ ସେ ପାଟନାରେ ପହଁଚିଛନ୍ତି । ଯାହାକୁ ନେଇ ନୂଆ ସରକାରରେ ତାଙ୍କୁ ଗୁରୁତ୍ୱପୂର୍ଣ୍ଣ ଭୂମିକା ମିଳିପାରେ ବୋଲି ଚର୍ଚ୍ଚା ଆରମ୍ଭ ହୋଇଯାଇଛି । କାମେଶ୍ୱର ଯଦି ଉପ ମୁଖ୍ୟମନ୍ତ୍ରୀ ହୁଅନ୍ତି ତେବେ ସୁଶୀଲ ମୋଦୀ ସରକାରରୁ ବାଦ୍ ପଡିପାରନ୍ତି ।

ସୂଚନାଯୋଗ୍ୟ, ବିଜେପିର ବିଧାୟକ ଦଳ ବୈଠକ ଦୀପାବଳି ପରେ ଆସନ୍ତା ୧୫ ତାରିଖରେ ଅନୁଷ୍ଠିତ ହେବ । ଶନିବାର ବିଜେପିର ସଂସଦୀୟ ବୈଠକ ଶେଷ ହେବା ପରେ ବିହାର ପାଇଁ ପର୍ଯ୍ୟବେକ୍ଷକ ନିଯୁକ୍ତ ହେବେ । ଏହାପରେ ୧୫ ତାରିଖରେ ପାଟନାରେ ବିଜେପି ବିଧାୟକ ଦଳ ବୈଠକ ବସିବ ।

   Related Posts