Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||
  • ଶୀତ ଖେଳୁଛି ଲୁଚକାଳି : ଆଜି ବଢିବ ଥଣ୍ଡା, କିନ୍ତୁ କାଲି କମିଯିବ
  • ||
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||

ବିଜେପିର ବରିଷ୍ଠ ନେତା କୈଳାଶ ବିଜୟବର୍ଗିୟଙ୍କ ଦାବି, କହିଲେ- ଜାନୁଆରୀରୁ ଲାଗୁ ହେବ CAA

6/12/2020 at 3:45 PM

ଇନ୍ଦୋର ୦୬/୧୨:  ନାଗରିକତା ସଂଶୋଧନ ଆଇନ୍‌ (ସିଏଏ)କୁ ନେଇ ଭାରତୀୟ ଜନତା ପାର୍ଟ(ବିଜେପି)ର ମହାସଚିବ ତଥା ବରିଷ୍ଠ ନେତା କୈଳାଶ ବିଜୟବର୍ଗିୟ ବଡ଼ ବୟାନ ଦେଇଛନ୍ତି। ସିଏଏକୁ ନେଇ ଦେଶରେ ଏବେ ବି ଚର୍ଚ୍ଚା ଥମି ନଥିବା ବେଳେ ବିଜୟବର୍ଗିୟଙ୍କ ମନ୍ତବ୍ୟ ଚର୍ଚ୍ଚାକୁ ଖୋରାକ ଯୋଗାଇଛି। ୨୦୨୧ ଜାନୁଆରୀରୁ ଦେଶରେ ସିଏଏ ଲାଗୁ ହୋଇପାରେ ବୋଲି କହିଛନ୍ତି କୈଳାଶ ବିଜୟବର୍ଗିୟ। ଏହା ଦ୍ବାରା କେନ୍ଦ୍ର ସରକାର ପଶ୍ଚିମବଙ୍ଗରେ ଥିବା ବହୁ ଶରଣାର୍ଥୀଙ୍କୁ ନାଗରିକତା ଦେଇପାରନ୍ତି ବୋଲି ସେ କହିଛନ୍ତି।

ବିଜୟବର୍ଗିୟ ଶନିବାର ପଶ୍ଚିମବଙ୍ଗର ୨୪ ପ୍ରାଗଣା ଜିଲ୍ଲାରେ ଏକ ସଭାକୁ ସମ୍ବୋଧନ କରି ଏନେଇ କହିଛନ୍ତି। ଆଗାମୀ ବର୍ଷ ଏପ୍ରିଲ-​‌ମେରେ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ହେବାକୁ ଥିବା ବେଳେ ବିଜେପି ଜୋରଦାର କ୍ୟାମ୍ପେନ ଆରମ୍ଭ କରିଛି। ଏକ ନିର୍ବାଚନୀ ରାଲିକୁ ସମ୍ବୋଧନ କରି ବିଜେପି ନେତା ବିଜୟବର୍ଗିୟ କହିଛନ୍ତି, ‘ସିଏଏ ଦ୍ବାରା କେନ୍ଦ୍ର ସରକାର ରାଜ୍ୟର ଶରଣାର୍ଥୀମାନଙ୍କୁ ନାଗରିକତା ଦେବା ପ୍ରକ୍ରିୟା ଜାନୁଆରୀରୁ ଆରମ୍ଭ କରିପାରନ୍ତି। ପଡ଼ୋଶୀ ଦେଶରୁ ପ୍ରତାଡ଼ିତ ହୋଇ ଭାରତ ଆସିଥିବା ଶରଣାର୍ଥୀମାନଙ୍କୁ ମୋଦି ସରକାର ନାଗରିକତା ଦେବା ପାଇଁ ଏହି ନିୟମ ତିଆରି କରିଛନ୍ତି।’

କିନ୍ତୁ ଏହା ପୂର୍ବରୁ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା କହିଥିଲେ, କରୋନା ମହାମାରୀ ପାଇଁ ସିଏଏ ଲାଗୁ କରିବାକୁ ସମୟ ଲାଗିବ। ଅନ୍ୟପଟେ ବିଜୟବର୍ଗିୟଙ୍କ ସିଏଏକୁ ନେଇ ମନ୍ତବ୍ୟ ଉପରେ ଟିଏମସି ନେତା ଫିରହାଦ ହକିମ କହିଛନ୍ତି, ବିଜେପି ପଶ୍ଚିମବଙ୍ଗ ଲୋକଙ୍କୁ ମୁର୍ଖ ବନାଇବାକୁ ଚେଷ୍ଟା କରୁଛି।

   Related Posts