ଢେଙ୍କାନାଳ ୩୧।୫: ଢେଙ୍କାନାଳ ସହର ସ୍ଥିତ ପୁରୁଣା ଡାକ୍ତରଖାନାରେ ଚାଲିଥିବା କୋଭିଡ୍ ହସ୍ପିଟାଲରେ ଚିକିତ୍ସାରେ ଅବହେଳା ଓ ବିଭିନ୍ନ ଅବ୍ୟବସ୍ଥା ନେଇ ବାରମ୍ବାର ଅଭିଯୋଗ ହୋଇଆସୁଛି । ଏପରିକି ବିଭିନ୍ନ ସମୟରେ ଚିକିତ୍ସା ଅବହେଳାକୁ ନେଇ ଉତ୍ତେଜନା ମଧ୍ୟ ପ୍ରକାଶ ପାଉଛି । ତଥାପି ଜିଲ୍ଲା ସ୍ବାସ୍ଥ୍ୟ କର୍ତ୍ତୃପକ୍ଷଙ୍କ ପକ୍ଷରୁ କୌଣସି ଗୁରୁତ୍ବ ଦିଆଯାଉନାହିଁ । ଫଳରେ ଢେଙ୍କାନାଳ କୋଭିଡ୍ ହସ୍ପିଟାଲରେ ଡାକ୍ତର ଓ କର୍ମଚାରୀଙ୍କ ମନମାନୀ ଚରମ ସୀମା ଡେଇଁଯାଉଛି । ଯାହାର ପ୍ରତିବାଦ କରିଛି ବିଜେପି ।
{"id":459554,"sizeSlug":"large","linkDestination":"none"}ସୋମବାର ବିଜେପି ନେତା ରାମଚନ୍ଦ୍ର ପାତ୍ରଙ୍କ ନେତୃତ୍ବରେ ବିଜେପି କର୍ମୀମାନେ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟକୁ ଯାଇ ଘେରିଥିଲେ । ସିଡିଏମଓଙ୍କ ନିକଟରେ ପ୍ରତିକାର ଦାବି କରିଛନ୍ତି ବିଜେପି କର୍ମୀ । ତେବେ ଏହାର ତୁରନ୍ତ ପ୍ରତିକାର ଓ ସୁଧାର ନ ହେଲେ ଆଗାମୀ ସମୟରେ ଭୟଙ୍କର ଆନ୍ଦୋଳନ କରାଯିବ ବୋଲି ବିଜେପି ପକ୍ଷରୁ ଚେତାବନୀ ଦିଆଯାଇଛି ।