Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସିସିଆଇ ନୂତନ କୋଚ୍ ଏବଂ ସପୋର୍ଟିଂ ଷ୍ଟାଫ ପାଇଁ ମଗାଇଲା ଆବେଦନ, ଏମିତି ରହିଛି ସର୍ତ୍ତ
  • ||
  • ରାଜ୍ୟରେ ଆସନ୍ତା ୨୪ ଘଣ୍ଟା ମଧ୍ୟରେ ହେବ ବଜ୍ରପାତ, ୧୭ ଜିଲ୍ଲାକୁ ସତର୍କ ସୂଚନା
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

‘ମୈ ଭି ଚୌକିଦାର’ କ୍ୟାମ୍ପେନ୍‌ର ଶୁଭାରମ୍ଭ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କହିଲେ ଦେଶର ପ୍ରତ୍ୟେକ ନାଗରିକ ଚୌକିଦାର

16/03/2019 at 12:02 PM

ନୂଆଦିଲ୍ଲୀ ୧୬|୩ : ଲୋକସଭା ନିର୍ବାଚନ ପାଇଁ ଭାରତୀୟ ଜନତା ପାର୍ଟି ଆକ୍ରାମକ ଢଙ୍ଗରେ ପ୍ରଚାର ଆରମ୍ଭ କରିଦେଲାଣି । ଏହି ପରିପ୍ରେକ୍ଷୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ଟ୍ବିଟର ହାଣ୍ଡଲରୁ ଗୋଟିଏ ଭିଡିଓ ଜାରି କରିବା ସହ ‘ମୈ ଭି ଚୌକିଦାର’ କ୍ୟାମ୍ପେନ୍ ର ଶୁଭାରମ୍ଭ କରିଛନ୍ତି । ନିଜକୁ ପୁଣି ଥରେ ଚୌକିଦାର କହିଛନ୍ତି ମୋଦି । କେବଳ ସେ ନୁହଁନ୍ତି ଦେଶର ପ୍ରତ୍ୟେକ ନାଗରିକ ଚୌକିଦାର ବୋଲି ମଧ୍ୟ କହିଛନ୍ତି । ଏହି ଭିଡିଓରେ କେନ୍ଦ୍ର ସରକାରଙ୍କ ଯୋଜନା ସମ୍ବନ୍ଧରେ ସୂଚନା ଦିଆଯାଇଛି । ଭିଡିଓର ଶେଷରେ ୩୧ ମାର୍ଚ୍ଚ ସନ୍ଧ୍ୟା ୬ଟାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ସାମିଲ ହେବାକୁ ଆହ୍ବାନ କରାଯାଇଛି ।

ପ୍ରଧାନମନ୍ତ୍ରୀ ଟ୍ବିଟ୍ କରି କହିଛନ୍ତି, ଆପଣଙ୍କ ଚୌକିଦାର ଦୃଢତାର ସହ ଶତ୍ରୁକୁ ସାମ୍ନା କରି ଦେଶର ସେବା କରୁଛି । ମାତ୍ର ଏଠାରେ ମୁଁ ଏକା ନାହିଁ । ଯେଉଁମାନେ ଭ୍ରଷ୍ଟାଚାର, ଦୁର୍ନୀତି, ସାମାଜିକ ବିଶୃଙ୍ଖଳତା ସହ ଲଢୁଛନ୍ତି ସେମାନେ ଜଣେ ଜଣେ ଚୌକିଦାର । ଯିଏ ବି ଦେଶର ବିକାଶ ପାଇଁ କାମ କରୁଛି ସେ ଚୌକିଦାର । ଆଜି ସବୁ ଭାରତୀୟ କହୁଛନ୍ତି ମୈ ଭି ଚୌକିଦାର ହୁଁ । ପ୍ରଧାନମନ୍ତ୍ରୀ ହ୍ୟାସ୍ ଟାଗ୍ ର ମଧ୍ୟ ବ୍ୟବହାର କରିଛନ୍ତି ଯେଉଁଥିଲେ ଲେଖାଅଛି #MainBhiChowkidar ।

ପ୍ରଧାନମନ୍ତ୍ରୀ ତାଙ୍କ ଟ୍ବିଟରରେ ୩.୪୫ ମିନିଟ୍ ର ଭିଡିଓ ଜାରି କରିଛନ୍ତି । ଏହି ଭିଡିଓରେ ସରକାରଙ୍କ ସଫଳତାକୁ ମଧ୍ୟ ଦର୍ଶାଯାଇଛି । ଭିଡିଓ ଶେଷରେ ‘ମୈ ଭି ଚୌକିଦାର’ କ୍ୟାମ୍ପେନ୍ ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ମାର୍ଚ୍ଚ ୩୧ ରେ ସନ୍ଧ୍ୟା ୬ଟାରେ ସାମିଲ ହେବାକୁ ଆହ୍ବାନ ଦିଆଯାଇଛି ।

କିଛି ମାସ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ଜନସାଧାରଣଙ୍କୁ ସମ୍ବୋଧିତ କରି ନିଜକୁ ଚୌକିଦାର ବୋଲି କହିଥିଲେ । ପ୍ରଧାନମନ୍ତ୍ରୀଙ୍କ ଏହି ବୟାନ ପରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ତାଙ୍କ ଉପରେ ରାଫେଲ ଡିଲ୍ ଘୋଟାଲାର ଅଭିଯୋଗ ଆଣିଥିଲେ । ରାହୁଲ ଗାନ୍ଧି ରାଫେଲ୍ ଡିଲ୍ ରେ ଭ୍ରଷ୍ଟାଚାରର ଅଭିଯୋଗ ଆଣି ରାଲି ଗୁଡିକରେ ଚୌକିଦାର ଚୋର୍ ହୈ ର ନାରା ଦେଇଥିଲେ । ଏବେ ପ୍ରଧାନମନ୍ତ୍ରୀ ମୋଦି ଏହାର ଜବାବରେ ଟ୍ବିଟ୍ କରି କହିଛନ୍ତି ଯେ, ଭ୍ରଷ୍ଟାଚାର ବିରୋଧରେ ଲଢେଇ ଜାରି ରହିବ ଏବଂ ଏହି ଲଢେଇରେ ସାମିଲ ହୋଇଥିବା ଦେଶର ପ୍ରତ୍ୟେକ ନାଗରିକ ଚୌକିଦାର ।

   Related Posts