Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୃଷକଙ୍କ ପରି ଆମକୁ ମଧ୍ୟ ଦେବାକୁ ପଡିବ ବଳିଦାନ, ତେବେ ଯାଇ ଜାମ୍ମୁ-କାଶ୍ମୀରରେ ଲାଗୁ ହେବ ୩୭୦: ଫାରୁକ ଅବଦୁଲ୍ଲା
  • ||
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||

ଲଦ୍ଦାଖ ହିଲ କାଉନସିଲ ନିର୍ବାଚନରେ ବିଜେପିର ବାଜିମାତ, ୨୬ରୁ ମିଳିଲା ୧୫ଆସନ

26/10/2020 at 9:48 PM

ଲେହ ୨୬।୧୦: ଲଦ୍ଦାଖ ସ୍ୱାୟତ୍ତ ପାର୍ବତୀୟ ବିକାଶ ପରିଷଦ (ଏଲଏଏଚଡିସି) ନିର୍ବାଚନରେ ବିଜେପିକୁ ବିପୁଳ ସଫଳତା ମିଳିଛି।  ପରିଷଦର ୨୬ଟି ଆସନ ଲାଗି ହୋଇଥିବା ନିର୍ବାଚନରେ ୧୫ଟି ଆସନ ବିଜେପିକୁ ମିଳିଥିବା ବେଳେ କଂଗ୍ରେସକୁ ୯ ଓ ୨ଟି ଆସନରେ ସ୍ୱାଧୀନ ପ୍ରାର୍ଥୀ ବିଜୟୀ ହୋଇଛନ୍ତି। ତେବେ ଏହି ନିର୍ବାଚନରେ ଆଞ୍ଚଳିକ ଦଳ ନ୍ୟାସନାଲ କନଫରେନ୍ସ ଓ ପିଡିପି ଅଂଶଗ୍ରହଣ କରିନଥିଲେ।

ବିଜେପିର ଏହି ବିଜୟରେ ଅମିତ ଶାହ ପାର୍ଟି କାର୍ଯ୍ୟକର୍ତ୍ତାଙ୍କୁ ଅଭିନନ୍ଦନ ଜଣାଇଛନ୍ତି । ଲଦ୍ଦାଖବାସୀ ନିଜ ଲାଗି ବିକାଶ ଓ ସମୃଦ୍ଧିକୁ ବାଛିଥିବାରୁ ଶାହ ଧନ୍ୟବାଦ ଜଣାଇଛନ୍ତି। ଏଲଏଏଚଡିସି ନିମନ୍ତେ ଗତ ୨୨ ତାରିଖ ଦିନ ନିର୍ବାଚନ ଅନୁଷ୍ଠିତ ହୋଇଥିଲା। ସୋମବାର କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ଭୋଟ ଗଣନା ହୋଇଥିବା ବେଳେ ଅପରାହ୍ନ ସୁଦ୍ଧା ଫଳାଫଳ ଆସିଯାଇଥିଲା। ଲୋକେ ଏଠାରେ ଇଭିଏମ ଦ୍ୱାରା ଭୋଟ ଦେଇଥିଲେ।

ଏହି ମତଦାନରେ ଲଦ୍ଦାଖର ୮୯ ହଜାର ୭୭୬ ମତଦାତାଙ୍କ ମଧ୍ୟରୁ ୬୫ ପ୍ରତିଶତ ମତଦାନ କରିଛନ୍ତି।   ୨୬ଟି ନିର୍ବାଚନ ମଣ୍ଡଳୀର ୨୯୪ଟି ମତଦାନ କେନ୍ଦ୍ରରେ ଭୋଟ ଗ୍ରହଣ ହୋଇଥିଲା। ଏଥିରେ ବିଭିନ୍ନ ଦଳରୁ ଓ ସ୍ୱାଧୀନ ଭାବେ ୯୪ ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱୀତା କରିଥିଲେ। ବିଜେପି ଓ କଂଗ୍ରେସ ସମସ୍ତ ଆସନରେ ସେମାନଙ୍କର ପ୍ରାର୍ଥୀ ଦେଇଥିଲେ। ଏଥିରୁ ବିଜେପି ପ୍ରାର୍ଥୀଙ୍କୁ ୧୫ଟି ଆସନରେ ସଫଳତା ମିଳିଥିବା ବେଳେ କଂଗ୍ରେସକୁ ୯ଟି ଆସନ ମିଳିଛି। ଏଠାରେ ଆମ ଆଦମୀ ପାର୍ଟି ( ଆପ)ପ୍ରଥମ ଥର ପ୍ରାର୍ଥୀ ଦେଇଥିଲା। ୧୯ଟି ଆସନରୁ ପ୍ରତିଦ୍ୱନ୍ଦ୍ୱୀତା କରିଥିବା ଆପ୍‌ ପ୍ରତ୍ୟାସୀମାନେ ପରାସ୍ତ ହୋଇଛନ୍ତି।

   Related Posts