Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚମକିଲେ ଆୟର-ତ୍ରିପାଠୀ, ଏମଆଇକୁ ୭ ଓ୍ବିକେଟ୍‌ରେ ମାତ୍‌ ଦେଲା କେକେଆର
  • ||
  • ଭୁବନେଶ୍ବର : ଜଳଦ କୁମାର ତ୍ରିପାଠୀ ହେଲେ ମୁଖ୍ୟ ସୂଚନା କମିଶନର, ନିଯୁକ୍ତିକୁ ଅନୁମୋଦନ କଲେ ରାଜ୍ୟପାଳ
  • ||
  • ମୋରଡା : ବନ୍ୟା ପ୍ରଭାବିତ ଗାଁ ବୁଲିଲେ ବିଧାୟକ ପ୍ରଣବ ପ୍ରକାଶ ଦାସ, ମୃତକଙ୍କ ପରିବାରକୁ ପ୍ରଦାନ କଲେ ଆର୍ଥିକ ସହାୟତା
  • ||
  • ଝାରସୁଗୁଡା : ନକଲି ମାଓବାଦୀ ଗିରଫ, କମ୍ପାନୀର ସାଇଟ୍ ଇନଚାର୍ଜଙ୍କୁ ମାଗୁଥିଲା ଟଙ୍କା
  • ||
  • ଖଲ୍ଲିକୋଟ : ବିଦ୍ୟୁତ ଆଘାତ ଲାଗି ଚାଲିଗଲା ବୃଦ୍ଧଙ୍କ ଜୀବନ
  • ||
  • ଭୁବନେଶ୍ବର : ମୋଟୁ ଥାନା IICଙ୍କୁ ଗିରଫ କଲା ଭିଜିଲାନ୍ସ, କାର୍‌ରୁ ଜବତ ହୋଇଥିଲା ୨ ଲକ୍ଷ ୮୦ ହଜାର ଟଙ୍କା
  • ||
  • ପୁରୀ : ସରକାରୀ ଗାଡିରୁ ଧଳା ଜହର ଜବତ, ୪୦ଗ୍ରାମ୍ ବ୍ରାଉନସୁଗାର ସହ ୩ ଅଭିଯୁକ୍ତ ଗିରଫ
  • ||
  • କଳାହାଣ୍ଡି : କର୍ଲାପାଟ ବକ୍ସାଇଟ୍ ଖଣିର ନିଲାମ ଉପରେ ହାଇକୋର୍ଟଙ୍କ ରହିତାଦେଶ
  • ||
  • ସମ୍ବଲପୁର : ବେଆଇନ ଭାବେ ବନ୍ଧୁକ ତିଆରି ଓ ବିକ୍ରି : ଦମ୍ପତ୍ତିଙ୍କ ସମେତ ୫ ଗିରଫ, ୪ଟି ଦେଶୀ ବନ୍ଧୁକ ଜବତ
  • ||
  • ବୌଦ୍ଧ : ରାସ୍ତାରେ ପଡିଛି ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||

ସମ୍ବଲପୁରରେ ପଣ୍ଡା ଇନ୍ଫ୍ରା ଦ୍ବାରା ନିର୍ମାଣାଧୀନ ଫ୍ଲାଏ ଓଭରରୁ ଲୁହାଖଣ୍ଡ ପଡ଼ି ବାଇକ୍ ଆରୋହୀ ଆହତ ଘଟଣା : ଜିଲ୍ଲାପାଳଙ୍କ ଅଫିସ ଘେରିଲା ବିଜେପି

23/01/2019 at 6:13 PM

ସମ୍ବଲପୁର୨୩|୧: ସମ୍ବଲପୁରରେ ପଣ୍ଡା ଇନ୍‌ଫ୍ରା ଦ୍ବାରା ନିର୍ମାଣାଧୀନ ପ୍ଲାଏ ଓଭରରୁ ଲୁହାଖଣ୍ଡ ପଡ଼ି ଆହତ ହୋଇଥିବା ବାଇକ୍‌ ଆରୋହୀଙ୍କ ସ୍ବାସ୍ଥ୍ୟାବସ୍ଥା ସ୍ଥିର ରହିଛି । ବୁର୍ଲା ମେଡିକାଲରେ ତାଙ୍କର ଚିକିତ୍ସା ଚାଲିଥିବା ବେଳେ ଏପର୍ଯ୍ୟନ୍ତ ପଣ୍ଡା ଇନ୍‌ଫ୍ରା ବିରୋଧର କୌଣସି ମାମଲା ଦାୟର ହୋଇନି । ପ୍ରତିବାଦରେ ଜିଲ୍ଲାପାଳଙ୍କ ଅଫିସ ଘେରିଛି ବିଜେପି । ହେଲେ ଜିଲ୍ଲାପାଳ କହୁଛନ୍ତି  ସ୍ଥିତି ସମୀକ୍ଷା ପରେ କାର୍ଯ୍ୟାନୁଷ୍ଠାନ ସମ୍ପର୍କରେ ଚିନ୍ତା କରିବେ । …..

ନିର୍ମାଣାଧୀନ ଫ୍ଲାଏ ଓଭରରୁ ଲୁହାଖଣ୍ଡ ଖସିଲା । ଆହତ ହେଲେ ରାସ୍ତାରେ ଯାଉଥିବା ଜଣେ ବାଇକ୍‌ ଆରୋହୀ । ଗୁରୁତର ଅବସ୍ଥାରେ ବୁର୍ଲା ଡାକ୍ତରଖାନାରେ ଚାଲିଛି ଚିକିତ୍ସା । ହେଲେ ପଥଚାରୀଙ୍କ ସୁରକ୍ଷା ପ୍ରତି ସମ୍ପୂର୍ଣ୍ଣ ଅବହେଳା କରି ସମ୍ବଲପୁରରେ ଫାଏଓଭର କାମ କରୁଥିବା ପଣ୍ଡା ଇନ୍‌ଫ୍ରା ବିରୋଧରେ ଏପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନି ଜିଲ୍ଲା ପ୍ରଶାସନ । ପଣ୍ଡା କମ୍ପାନୀ ପ୍ରତି ପ୍ରଶାସନର ଏଭଳି ଅନୁକମ୍ପା ବିରୋଧରେ ରାସ୍ତାକୁ ଓହ୍ଲାଇଥିଲା ବିଜେପି । ଆହତ ବ୍ୟକ୍ତିଙ୍କୁ କ୍ଷତିପୂରଣ ଓ କମ୍ପାନୀ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି ଜିଲ୍ଲାପାଳଙ୍କ ଅଫିସ ଘେରାଉ କରିଥିଲା ।

ସେପଟେ ଜିଲ୍ଲାପାଳଙ୍କ ସଫେଇ ହେଲା ଦୁର୍ଘଟଣା ପରେ ପଣ୍ଡା ଇନ୍‌ଫ୍ରାର ନିର୍ମାଣ କାର୍ଯ୍ୟକୁ ବନ୍ଦ କରାଯାଇଛି । ପଥଚାରୀଙ୍କ ସୁରକ୍ଷା ଓ ନିର୍ମାଣକାମ ଅଗ୍ରଗତି ସମ୍ପର୍କରେ ପୂର୍ତ୍ତ ବିଭାଗର ନିର୍ବାହୀ ଯନ୍ତ୍ରୀ, ପଣ୍ଡା ଇନ୍‌ଫ୍ରା କମ୍ପାନୀ ମ୍ୟାନେଜର, ଅତିରିକ୍ତ ଏସପିଙ୍କ ସହ କଥାବାର୍ତ୍ତା ହୋଇଛି । ସ୍ଥିତି ସମୀକ୍ଷା ପରେ କମ୍ପାନୀ ବିରୋଧରେ କାର୍ଯ୍ୟାନୁଷ୍ଠାନ ନେଇ ଚିନ୍ତା କରାଯିବ ।

ଭୁବନେଶ୍ବରରେ ଫ୍ଲାଏ ଓଭର ଟ୍ରାଜେଡି ପରେ ବ୍ଲାକ୍‌ ଲିଷ୍ଟେଡ୍‌ ହୋଇଥିବା ପଣ୍ଡା ଇନ୍‌ଫ୍ରାକୁ କେମିତି ପୁଣି ସମ୍ବଲପୁରରେ ଫ୍ଲାଏ ଓଭର ନିର୍ମାଣ ପାଇଁ ଅନୁମତି ଦିଆଯାଇଛି ? ଏବେ ପୁଣି କମ୍ପାନୀର ଅବହେଳା ପାଇଁ ଆଉ ଜଣେ ସାଧାରଣ ପଥଚାରୀଙ୍କ ଅବସ୍ଥା ସଙ୍କଟାପର୍ଣ୍ଣ ହୋଇଛି, ଏଥି ପାଇଁ କାହିଁକି କମ୍ପାନୀ କର୍ତ୍ତୃପକ୍ଷଙ୍କ ବିରୋଧରେ କାର୍ଯ୍ୟନୁଷ୍ଠାନ ଗ୍ରହଣ କରାଯିବନି ? 

   Related Posts