ଗାନ୍ଧୀନଗର, ୦୩।୧୧: ଗୁଜୁରାଟ ବିଧାନସଭାର ୮ଟି ଆସନ ପାଇଁ ଭୋଟିଂ ଜାରି ରହିଛି । ମଙ୍ଗଳବାର ଭୋଟିଂ ଆରମ୍ଭ ହେବା ପୂର୍ବରୁ ଏକ ଭିଡିଓ ଭାଇରାଲ ହୋଇଥିଲା । ଯେଉଁଥିରେ ନିର୍ବାଚନ ଆୟୋଗଙ୍କ ନିୟମକୁ ଖୁଲମ ଖୁଲା ଉଲଙ୍ଘନ କରାଯାଇଥିବା ଦେଖିବାକୁ ମିଳିଛି । କଂଗ୍ରେସ ଅଭିଯୋଗ କରିଛି ଯେ, ବିଜେପି ଭୋଟରଙ୍କୁ କିଣିବା ପାଇଁ ଟଙ୍କା ବାଣ୍ଟୁଛି । ବଦୋଦରାର କରଜଣ ଆସନରେ ଭୋଟିଂ ପୂର୍ବରୁ ବିଜେପି କର୍ମୀ ଭୋଟରଙ୍କୁ ଟଙ୍କା ଦେଇ ପ୍ରଭାବିତ କରୁଛନ୍ତି ।
କଂଗ୍ରେସ ଏନେଇ ନିର୍ବାଚନ କମିଶନଙ୍କ ଦ୍ୱାରସ୍ଥ ହୋଇଛି । ଦଳର ରାଜ୍ୟ ଅଧ୍ୟକ୍ଷ ଅମିତ ଚାଓ୍ୱଡା ଭିଡିଓ ଟ୍ୱିଟ୍ କରି ଲେଖିଛନ୍ତି ଯେ, ପ୍ରଥମେ ବିଜେପି ବିଧାୟକଙ୍କୁ କିଣିଥିଲା ଓ ଏବେ ଭୋଟରଙ୍କୁ କିଣୁଛି । ବିଜେପି ନିର୍ବାଚନରେ ବିଜୟ ହାସଲ କରିବାକୁ ଏପରି କରୁଛି । ଏହା ବିରୋଧରେ ସେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
wp:html/wp:htmlપહેલા ધારાસભ્યોને ખરીદ્યા અને હવે મતદારોને ખરીદવા નીકળી ભાજપ
— Amit Chavda (@AmitChavdaINC) November 3, 2020
પેજ પ્રભારી, બુથ મેનેજમેન્ટ, વિકાસના બણગાં ફૂંકતી ભાજપ જીતવા માટે હવાતિયાં મારી મતદારોને રોકડ પૈસાથી ખરીદવા નીકળી છે.@CEOGujarat @dgpgujarat ત્વરિત કાર્યવાહી કરે
મતદારોને ખરીદવાની હિંમત કરનારને મતદારો મતથી જવાબ આપશે. pic.twitter.com/umjWBLQvJr
ଟଙ୍କା ବଣ୍ଟାକୁ ନେଇ ସୋସିଆଲ ମିଡିଆରେ ଭାଇରାଲ ହୋଇଥିବା ଭିଡିଓ କରଜଣର ଇଟାଲା ଅଞ୍ଚଳର ବୋଲି କୁହାଯାଉଛି । ବାଇରାଲ ହେବା ପରେ ପୋଲିସ ତଦନ୍ତ ଆରମ୍ଭ କରିଛି । ଏପରିକି ସ୍ୱାଧିନ ବିଧାୟକ ଜିଗ୍ନେଶ ମେଓ୍ୱାନୀ ମଧ୍ୟ ଏହି ପ୍ରସଙ୍ଗରେ ଟ୍ୱିଟ୍ କରିଛନ୍ତି । ବିଜେପି ଗୁଜୁରାଟର ଗଣତନ୍ତ୍ରକୁ ଖୁଲମ ଖୁଲା ନିଲାମ କରୁଥିବା ସେ ଅଭିଯୋଗ କରିଛନ୍ତି ।
ସୂଚନାଯୋଗ୍ୟ, ଗୁଜୁରାଟର ଆଠଟି ବିଧାନସଭା ଆସନରେ ମତଦାନ ହେଉଛି । କଚ୍ଛ ଜିଲ୍ଲାର ଲଅବଡାସା, ସୁରେନ୍ଦ୍ରନଗରର ଲିମ୍ବଡି, ମୋରବୀ,ଧାରୀ, ଗଟଡା, କରଜଣ, ଡାଙ୍ଗ ଓ କପରାଡରେ ଉପନିର୍ବାଚନ ପାଇଁ ମତଦାନ ଜାରି ରହିଛି ।
