Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ମହାରାଷ୍ଟ୍ରରେ ବିଜେପିକୁ ବଡ଼ ଝଟକା, ଏନସିପିରେ ସାମିଲ ହେବେ ପୂର୍ବତନ ରାଜସ୍ବ ମନ୍ତ୍ରୀ ଏକନାଥ ଖଡସେ

21/10/2020 at 2:20 PM

ମୁମ୍ବାଇ ୨୧/୧୦: ମହାରାଷ୍ଟ୍ରରେ ବିଜେପିକୁ ଲାଗିଛି ବଡ଼ ଝଟକା। ଦଳରୁ ଇସ୍ତଫା ଦେବା ପରେ ବରିଷ୍ଠ ନେତା ଓ ମହାରାଷ୍ଟ୍ରର ପୂର୍ବତନ ରାଜସ୍ବ ମନ୍ତ୍ରୀ ଏକନାଥ ଖଡସେ ଏବେ ସାମିଲ ହେବାକୁ ଯାଉଛନ୍ତି ଏନସିପିରେ। ଏନସିପି ନେତା ଜୟନ୍ତ ପାଟିଲ ଏହି ସୂଚନା ଦେଇଛନ୍ତି।

ସେ କହିଛନ୍ତି ଏକନାଥ ଖଡସେ ମହରାଷ୍ଟ୍ରରେ ବିଜେପିକୁ ଆଗକୁ ନେବାରେ କାମ କଲେ । ଏବେ ସେ ଦଳରୁ ଇସ୍ତଫା ମଧ୍ୟ ଦେବେ। ଏଣୁ ତାଙ୍କୁ ଏନସିପିରେ ସାମିଲ କରିବା ନିଷ୍ପତ୍ତି ନିଆଯାଇଛି। ଆସନ୍ତା ଶୁକ୍ରବାର ଦିପହର ୨ଟାରେ ତାଙ୍କୁ ଆନୁଷ୍ଠାନିକ ଭାବେ ଦଳର ସଦସ୍ୟ ଭାବେ ସାମିଲ କରାଯିବ।

ଜୟନ୍ତଙ୍କ ଏଭଳି ବୟାନ ତଥା ଦାବି ପରେ ମହାରାଷ୍ଟ୍ର ବିଜେପିରେ ଏହାକୁ ନେଇ ଚର୍ଚା ଏବେ ଜୋର ଧରିଛି। ସେପଟେ ଖଡସେଙ୍କ ସମର୍ଥକମାନେ ଏନସିପିରେ ସାମିଲ ହେବା ପୂର୍ବରୁ ତାଙ୍କର ବଡ଼ ବଡ଼ ପୋଷ୍ଟର ଲଗାଇବା ଆରମ୍ଭ କରିଛନ୍ତି। ସୂତ୍ର ଅନୁସାରେ ଖଡସେ ଦଳରେ ନିଜକୁ ବହୁ ଦିନ ହେବ ଉପେକ୍ଷିତ ମନେ କରୁଥିଲେ।

ସୂଚନାଯୋଗ୍ୟ ଗୋପିନାଥ ମୁଣ୍ଡେଙ୍କ ପରଲୋକ ପରେ ଏକନାଥ ଖଡ଼ସେଙ୍କୁ ରାଜ୍ୟରେ ବିଜେପିର ବଡ଼ ବ୍ୟକ୍ତିତ୍ବ ବୋଲି ବିଚାର କରାଯାଉଥିଲା। ଏହା ସହ ଆଶଙ୍କା କରାଯାଉଛି ସେ ଆଜି ସନ୍ଧ୍ୟାରେ ସାମ୍ବାଦିକ ସମ୍ମିଳନୀ ଆୟୋଜନ କରି ବିଜେପିରୁ ଇସ୍ତଫା ଦେବା ଘୋଷଣା କରିପାରନ୍ତି।

   Related Posts