Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ପରାଜୟର ବିଭିନ୍ନ ଦିଗକୁ ନେଇ ତର୍ଜମା କରିଛି ବିଜେପି କୋର୍ କମିଟି : ଦଳୀୟ ଲୋକଙ୍କ ଅନ୍ତର୍ଘାତୀ କାର୍ଯ୍ୟ ହିଁ ପରାଜୟର କାରଣ ବୋଲି କହିଲେ ରାଧାରାଣୀ ପଣ୍ଡା

9/06/2019 at 6:53 PM

ପରାଜୟର ପୋଷ୍ଟମର୍ଟମ । ରାଜ୍ୟ ବିଜେପିରେ ଏବେ ମାନସମନ୍ଥନର ସମୟ । ଦଳ କୋର୍ କମିଟି ସହ ଜିଲ୍ଲା ସଭାପତିମାନଙ୍କ ବୈଠକ ବସିଛି । ନିର୍ବାଚନୀ ନିରାଶାର କାରଣ ଖୋଜିଛି ଦଳ । ଏ ନେଇ ଅନେକ ଦିଗ ସାମ୍ନାକୁ ଆସିଛି । ସେପଟେ ପୂର୍ବତନ ବିଧାୟକ ରାଧାରାଣୀ ପଣ୍ଡା ଦେଇଛନ୍ତି ବିସ୍ଫୋରକ ବୟାନ । ରାଧାରାଣୀ କହିଛନ୍ତି, ଦଳୀୟ ଲୋକଙ୍କ ଅନ୍ତର୍ଘାତୀ କାର୍ଯ୍ୟ ହିଁ ପରାଜୟର କାରଣ ।

କେଉଁଠି ଭୁଲ୍ ହେଲା?  କାହିଁକି ମିଶନ ୱାନ୍-ଟ୍ୱେଣ୍ଟିକୁ ମିସ୍‌ କଲା ବିଜେପି। ଅଟକି ଗଲା ମାତ୍ର ୨୩ରେ? କାରଣ ଖୋଜିବାକୁ ବସିଥିଲା ରାଜ୍ୟ ବିଜେପିର ବୈଠକ । ପ୍ରଥମେ ଦଳର କୋର୍ କମିଟି ସଦସ୍ୟ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପ୍ରଭାରୀ ଅରୁଣ ସିଂ, ସଭାପତି ବସନ୍ତ ପଣ୍ଡା, ବୈଜୟନ୍ତ ପଣ୍ଡା, କେଭି ସିଂହଦେଓ, ବିଜୟ ମହାପାତ୍ର ପ୍ରମୁଖ ବସି ମାନସ ମନ୍ଥନ କରିଥିଲେ ।

ପରେ ରାଜ୍ୟ ପଦାଧିକାରୀ ଓ ଜିଲ୍ଲା ସଭାପତିମାନଙ୍କ ସହ ବୈଠକ ବସିଥିଲା । ପରାଜୟର ବିଭିନ୍ନ ଦିଗକୁ ନେଇ ତର୍ଜମା ହୋଇଥିଲା । କିଏ କହିଥିଲା, ବିଜେଡି-କଂଗ୍ରେସ ଭୋଟ୍ ତୃଣମୂଳ ସ୍ତରରେ ଏକାଠି ହୋଇଗଲା । ଆଉ କିଏ ଉଠାଇଥିଲା ଦଳର ସାଂଗଠନିକ ଦୁର୍ବଳତା କଥା । ଏତିକିବେଳେ ପୂର୍ବତନ ବିଧାୟକ ରାଧାରାଣୀ ପଣ୍ଡାଙ୍କ ବିସ୍ଫୋରକ ବୟାନ ସାମ୍ନାକୁ ଆଣିଥିଲେ । ଦଳୀୟ ଲୋକଙ୍କ ଅନ୍ତର୍ଘାତୀ କାର୍ଯ୍ୟ ହିଁ ପରାଜୟର କାରଣ ବୋଲି ସେ ସଫା ସଫା ଶୁଣାଇଥିଲେ ।

ପରାଜୟର ପୋଷ୍ଟମର୍ଟମ ସହ ଅନ୍ୟ ପ୍ରସଙ୍ଗକୁ ନେଇ ମଧ୍ୟ ଆଲୋଚନା ହୋଇଥିଲା । ରାଜ୍ୟ ସରକାରଙ୍କୁ ଘେରିବାକୁ ଆଗକୁ କଣ ରଣନୀତି ରହିବ ସେ କଥା ବି ଉଠିଥିଲା । ଏହା ସହ ପାଟକୁରା-ବିଜେପୁର ନିର୍ବାଚନ, ଦଳର ସାଂଗଠନିକ ନିର୍ବାଚନ ପ୍ରକ୍ରିୟା ସଂପର୍କରେ ମଧ୍ୟ ବିଚାରବିମର୍ଶ ହୋଇଥିଲା ।

ତେବେ ରାଜ୍ୟ ପଦାଧିକାରୀ ଓ ଜିଲ୍ଲା ସଭାପତିଙ୍କ ସହ ବୈଠକରେ କୋର୍ କମିଟିର ସବୁ ସଦସ୍ୟ ଉପସ୍ଥିତ ଥିବା ବେଳେ ବାହାରକୁ ଚାଲି ଆସିଥିଲେ ପାଟକୁରା ପ୍ରାର୍ଥୀ ବିଜୟ ମହାପାତ୍ର ।

ନିର୍ବାଚନର ନିରାଶା ପରେ ଏହାଥିଲା ଦଳର ପ୍ରଥମ ବୈଠକ । ଆଗକୁ ବିଭିନ୍ନ ପର୍ଯ୍ୟାୟରେ ଏଭଳି ବୈଠକ ବସିବ ।  ସେପଟେ ବସନ୍ତ ପଣ୍ଡାଙ୍କ କାର୍ଯ୍ୟକାଳ ସରିଥିବାରୁ ତାଙ୍କୁ ପୁଣି ସଭାପତି ଦାୟିତ୍ୱ ଦିଆଯିବ ନା ନୂଆ ଚେହେରାକୁ ନେଇ ଦଳ ଆଗକୁ ବଢିବ ସେ ନେଇ ମଧ୍ୟ କାର୍ଯ୍ୟକର୍ତ୍ତାଙ୍କ ମତ ଲୋଡ଼ିଥିଲେ କେନ୍ଦ୍ରୀୟ ପର୍ଯ୍ୟବେକ୍ଷକ।….

   Related Posts