Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ ୨୦୨୧ରେ ଉଡିଲା ଚେନ୍ନାଇର ବିଜୟ ବାନା, କେକେଆରକୁ ୨୭ ରନରେ ହରାଇ ଚତୁର୍ଥ ଥର ଚାମ୍ପିଅନ
  • ||
  • ପଞ୍ଜାବ କଂଗ୍ରେସର ଅଧିନାୟକ ରହିବେ ସିଦ୍ଧୁ, ରାହୁଲଙ୍କୁ ଭେଟିବା ପରେ ଫେରାଇ ନେଲେ ଇସ୍ତଫା ପତ୍ର
  • ||
  • ସିଙ୍ଘୁ ବର୍ଡରରେ ଜଣେ ନିହଙ୍ଗଙ୍କ ଆତ୍ମ ସମର୍ପଣ, ଯୁବକଙ୍କ ହତ୍ୟାର ୧୫ ଘଣ୍ଟା ପରେ ସାମ୍ନାକୁ ଆସିଲା ପ୍ରଥମ ଅଭିଯୁକ୍ତ
  • ||
  • ପଣ୍ଡାଲ ଉପରେ ହୋଇଥିବା ଆକ୍ରମଣ ମଧ୍ୟରେ ବାଂଲାଦେଶ ପ୍ରଧାନମନ୍ତ୍ରୀ ଭାରତକୁ ଦେଲେ ଏହି ପରାମର୍ଶ
  • ||
  • ପୁଞ୍ଛରେ ଯବାନ-ଆତଙ୍କବାଦୀ ମୁହାଁମୁହିଁ, ୫ଦିନରେ ୭ ଯବାନ ସହିଦ: ରାଜପଥ ବନ୍ଦ, ଅପରେସନ୍ ଜାରି
  • ||
  • ଅକ୍ଟୋବର ୨୧ରୁ ଏକାଦଶ, ୨୫ରୁ ଖୋଲିବ ଅଷ୍ଟମ ଶ୍ରେଣୀ: ଗଣଶିକ୍ଷା ମନ୍ତ୍ରୀ
  • ||
  • ୨୫୦ ଲିଟର ଦେଶୀ ମଦ ଜବତ, ୫ ଗିରଫ
  • ||
  • ଅଭାବନୀୟ ଘଟଣା: ଯୁବକଙ୍କ ଗଳା କାଟି ବିଭତ୍ସ ହତ୍ୟା, କାରଣ ଅସ୍ପଷ୍ଟ
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ : ଘଉଡାଇଲା ବେଳେ ଅଳ୍ପକେ ବର୍ତ୍ତିଲେ ଚାଷୀ
  • ||
  • ସାଇକେଲରେ ଯାଉଥିଲେ କକା-ପୁତୁରା, ଟାଣି ଆଣି ଦଳିଦେଲା ହାତୀ
  • ||

ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’

24/09/2021 at 8:46 AM

ମୁମ୍ବାଇ, ୨୩।୦୯ :  ରାଜ୍ୟସଭା ଉପ ନିର୍ବାଚନକୁ ନେଇ ମହାରାଷ୍ଟ୍ର ରାଜନୀତି ସରଗରମ ହୋଇ ଉଠିଛି । ଏହାମଧ୍ୟରେ କଂଗ୍ରେସ ନେତା ନାନା ପଟୋଲ ଓ ରାଜସ୍ୱ ମନ୍ତ୍ରୀ ବାଲା ସାହେବ ଥୋରାଟ ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେପି ନେତା ଦେବେନ୍ଦ୍ର ଫଡନାଭୀସଙ୍କୁ ଭେଟିଛନ୍ତି । କଂଗ୍ରେସ ନେତାମାନେ ସେମାନଙ୍କ ପ୍ରାର୍ଥୀ ନିର୍ବାଚନରେ ଅପ୍ରତିଦ୍ୱନ୍ଦ୍ୱୀ ଭାବେ ଜିତିବାକୁ ଚାହୁଁଛନ୍ତି । ତେଣୁ ଉଭୟ କଂଗ୍ରେସ ନେତା ଫଡନାଭୀସଙ୍କୁ ଭେଟି ବିଜେପି ପ୍ରାର୍ଥୀଙ୍କ ନାମାଙ୍କନ ଫେରସ୍ତ ନେବାକୁ ଅନୁରୋଧ କରିଛନ୍ତି ।

ଏନେଇ ଫଡନାଭୀସ କହିଛନ୍ତି ଯେ, ନିଷ୍ପତ୍ତି ସେ ଏକା ନେଇପାରିବେନି । ଦଳର କୋର୍ କମିଟି ନିଷ୍ପତ୍ତି ନେବ । ସେ ଅନୁସାରେ ଦଳୀୟ କାର୍ଯ୍ୟପନ୍ଥା ସ୍ଥିର କରାଯିବ ।ଗଣମାଧ୍ୟମକୁ ସମ୍ବୋଧନ କରି ଉଭୟ କଂଗ୍ରେସ ନେତା କହିଛନ୍ତି ଯେ, ସେମାନେ ନିଜର ଅନୁରୋଧ ଜଣାଇଛନ୍ତି । ବିଜେପି ତାଙ୍କ କଥା ଶୁଣିବ । ଏନେଇ ସେମାନଙ୍କର ଭରସା ରହିଛି  । ଏବେ ବିଜେପି ନିଜର ପ୍ରାର୍ଥୀ ସଞ୍ଜୟ ଉପାଧ୍ୟାୟଙ୍କ ନାମାଙ୍କନ ଫେରସ୍ତ ନେଉଛି ନା ନାହିଁ ତାହା ଉପରେ ସମସ୍ତଙ୍କ ନଜର ରହିଛି ।

ସୂଚନାଯୋଗ୍ୟ, ମହାରାଷ୍ଟ୍ରରେ କଂଗ୍ରେସ ନେତା ରାଜୀବ ସାତବଙ୍କ ଦେହାନ୍ତ ପରେ ରାଜ୍ୟସଭା ଆଶନ ଖାଲି ଥିଲା । ଏହି ଆସନ ପାଇଁ କଂଗ୍ରେସ ଓ ବିଜେପି ସମେତ ୪ ପ୍ରାର୍ଥୀ ନାମାଙ୍କନ ଦାଖଲ କରିଛନ୍ତି ।

ବୁଧବାର ନାମାଙ୍କନ ଦାଖଲର ଶେଷ ଦିନ ଥିଲା । ରାଜ୍ୟ ବିଧାନସଭାରେ ୨୮୭ ସଦସ୍ୟଙ୍କର ମତଦାନ ଅଧିକାର ରହିଛି । ଉପ ନିର୍ବାଚନ ପାଇଁ ମହାବିକାଶ ଅଘାଡି ତରଫରୁ ୧୭୯ ବିଧାୟକଙ୍କ ସମର୍ଥନ ଥିବା ଦାବି କରାଯାଇଥିଲା । ବିଜେପି ମଧ୍ୟ ସ୍ୱାଧିନ ବିଧାୟକଙ୍କୁ ମିଶାଇ ୧୧୯ ସଦସ୍ୟଙ୍କ ସମର୍ଥନ ଥିବା ଦର୍ଶାଇଥିଲା । ନିର୍ବାଚନରେ ସିଧାସଳଖ ଭାବେ କଂଗ୍ରେସ ପ୍ରାର୍ଥୀ ରଜନୀ ପାଟିଲ ଓ ବିଜେପିର ସଞ୍ଜୟ ଉପାଧ୍ୟାୟଙ୍କ ମଧ୍ୟରେ ମୁକାବିଲା ହେଉଛି ।

   Related Posts