ନୂଆପଡା ୧|୯: ଆଜି ୬ଘଣ୍ଟିଆ ନୂଆପଡା ଜିଲ୍ଲା ବନ୍ଦ । ଚାଷୀଙ୍କୁ ପ୍ରଧାନମନ୍ତ୍ରୀ ଫସଲ ବୀମା ଅର୍ଥ ପ୍ରଦାନ ଦାବିରେ ନୂଆପଡା ଜିଲ୍ଲା ବିଜେପି ବନ୍ଦ ଡାକରା ଦେଇଛି । ନୂଆପଡା ଏକତା ଛକଠାରେ ବ୍ୟାନର ମାରି ଜାତୀୟ ରାଜପଥ ୩୫୩ ଅବରୋଧ କରିଛନ୍ତି ଆନ୍ଦୋଳନକାରୀ । ଖରିଆର ରୋଡ୍ ଠାରୁ ଖଡିଆଳ ପର୍ଯ୍ୟନ୍ତ ବିଭିନ୍ନ ସ୍ଥାନରେ ଜାତୀୟ ରାଜପଥକୁ ବିଜେପି ତରଫରୁ ଅବରୋଧ କରାଯାଇଛି । ସକାଳୁ ଗାଡି ଚଳାଚଳ ଓ ଦୋକାନ ବଜାର ବନ୍ଦ ରହିଛି । କେନ୍ଦ୍ର ସରକାର ଚାଷୀଙ୍କ ସୁବିଧା ପାଇଁ ପ୍ରଧାନମନ୍ତ୍ରୀ ଫସଲ ବୀମା ଯୋଜନା କରିଛନ୍ତି । କିନ୍ତୁ ରାଜ୍ୟ ସରକାର ବୀମା ଅର୍ଥ ପ୍ରଦାନରେ ଟାଳଟୁଳ ନୀତି ଅବଲମ୍ବନ କରୁଥିବା ଅଭିଯୋଗ ହୋଇଛି ।