ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଦାରୁ ଚୟନରେ ଫିକ୍ସିଂ ପ୍ରସଙ୍ଗରେ ଶାସକ ଦଳକୁ ଟାର୍ଗେଟ୍ କଲା ବିଜେପି, ପୂର୍ବତନ ଆଇନମନ୍ତ୍ରୀଙ୍କୁ ଟାଣିଲା କଂଗ୍ରେସ : ଅଡୁଆରେ ଶାସକ ଦଳ

15/11/2018 at 6:32 PM

ଭୁବନେଶ୍ବର ୧୫|୧୧: ଦାରୁ ଚୟନରେ ଫିକ୍ସିଂ ହୋଇଛି । ମହାପ୍ରଭୁଙ୍କ ବିଶ୍ବକର୍ମା ନବକଳେବର ଦାରୁ ଚୟନ ଉପରେ ଏପରି ମୁହଁ ଖୋଲିବା ପରେ ରାଜନୈତିକ ହଟଚମଟ ଆରମ୍ଭ ହୋଇଛି । ଦାରୁ ଫିକ୍ସିଂ ପଛରେ ଶାସକ ଦଳର ନେତାଙ୍କ ହାତ ଥିବା ଅଭିଯୋଗ ଆଣିଛନ୍ତି ବିରୋଧୀ ।

ଦାରୁ ଫିକ୍ସିଂକୁ ପୂର୍ବତନ ଆଇନ ମନ୍ତ୍ରୀଙ୍କୁ ଟାଣିଛି କଂଗ୍ରେସ । ଗୋଟିଏ ଅଞ୍ଚଳରୁ ମହାପ୍ରଭୁଙ୍କ ତିନି ଦାରୁ କିପରି ମିଳିଲା ପୋଲାଦାରୁ ଫିକ୍ସିଂ ଲାଗି କିଏ ଅର୍ଥ ଦେଇଥିଲା ତାର ତଦନ୍ତ ଜଣେ ସିଟିଂ ଜଜଙ୍କ ଦ୍ବାରା ତଦନ୍ତ କରିବାକୁ ଦାବି କରିଛନ୍ତି ବିରୋଧୀ  ।

ସେପଟେ ବିଜେଡି କହିଛି ପ୍ରମାଣ ନଥାଇ ଏପରି ଆରୋପ ଠିକ୍ ନୁହେଁ, ଠାକୁର ଥରେ ପ୍ରତିଷ୍ଠା ହୋଇସାରିଲେ ଆଉ ସମାଲୋଚନା କରିବା କଥା ନୁହେଁ । ଏହାକୁ ନେଇ ବିଜେପି ଅବିଶ୍ବାସର ବାତାବରଣ ସୃଷ୍ଟି କରୁଛି ।

ଦାରୁ ଫିକ୍ସିଂ ପଛରେ କିଏ ? ଗୋଟିଏ ଅଞ୍ଚଳରୁ ତିନିଟି ଦାରୁ ଚୟନ ଲାଗି କିଏ ଦେଇଛନ୍ତି ଟଙ୍କା । ଦାରୁ ଚୟନ ଷଡଯନ୍ତ୍ରର ରଚନାକାରୀ ଓ ଯୋଗସୂତ୍ରକାରୀ ନେତା କିଏ ।  ପୋଲାଦାରୁକୁ ବିଗ୍ରହ ଲାଗି ଚୟନ ପଛରେ ଶାସକ ଦଳର କେଉଁ ନେତାଙ୍କ ହାତ ଅଛି । ବ୍ରହ୍ମ ବିଭ୍ରାଟ ପଛରେ ଦାରୁ ଫିକ୍ସିଂ ହୋଇଥିବା ବିଗ୍ରହ ଗଢିବାର  ବିଶ୍ବକର୍ମା କହିବା ପରେ ଏମିତି ଆରୋପ ଆଣିଛନ୍ତି ବିରୋଧୀ ।

ବିଜେପି କହିଛି ଦାରୁ ଫିକ୍ସିଂରେ ଧାର୍ମିକ ଓ ଅର୍ଥନୈତିକ ଷଡଯନ୍ତ୍ର ହୋଇଛି । ସେପଟେ କଂଗ୍ରେସ ଘଟଣାରେ ହାଇକୋର୍ଟ କିମ୍ବା ସୁପ୍ରିମକୋର୍ଟର ଜଣେ ବିଚାରପତିଙ୍କ  ଦ୍ବାରା ତଦନ୍ତ କରିବାକୁ ଦାବି କରିଛି । ଶାସକ ଦଳର ଜଣେ ରାଜ୍ୟସଭା ସାଂସଦଙ୍କ ଏଥିରେ  ହାତ ଥିବା କହିଛି କଂଗ୍ରେସ । ସେହିପରି ଘଟଣାରେ ପୂର୍ବତନ ଆଇନମନ୍ତ୍ରୀ ଅରୁଣ ସାହୁଙ୍କୁ ମଧ୍ୟ ଛନ୍ଦିଛି କଂଗ୍ରେସ ।

ନବକଳେବର ସମୟରେ ବନଜାଗଯାତ୍ରା ଠାରୁ ଆରମ୍ଭ କରି ଦାରୁ ଚୟନକୁ ନେଇ ବିବାଦ ଆସିଥିଲା । ଦାରୁ ଚୟନରେ ଫିକ୍ସିଂ ହୋଇଥିବା ବି ଅଭିଯୋଗ ଆସିଥିଲା । ହେଲେ ବ୍ରହ୍ମ ବିଭ୍ରାଟ ଆଳରେ ଦାରୁ ଚୟନ ଫିକ୍ସିଂକୁ ଚାପି ଦେଇଥିବା କଥା ବି ଉଠିଥିଲା । ହେଲେ ଏବେ ମୁଖ୍ୟ ବିଶ୍ବକର୍ମା ମୁହଁ ଖୋଲିବା ପରେ ପୁଣି ପ୍ରସଙ୍ଗ ଉଠାଇଛନ୍ତି ବିରୋଧୀ ।

ସେପଟେ ବିଜେଡି କହିଛି ପ୍ରମାଣ ଯୋଗ୍ୟ ତଥ୍ୟ ନଥାଇ ବିରୋଧୀ ଅବିଶ୍ବାସନୀୟ ତଥ୍ୟ ରଖିଛନ୍ତି । ଏହାର ଅର୍ଥ ପ୍ରତିଷ୍ଠା ହୋଇସାରିଥିବା ଠାକୁରଙ୍କ ପ୍ରତି ଅବିଶ୍ବାସ ଭାବ । ଏପରି ଅବିଶ୍ବାସ ଭାବ ସୃଷ୍ଟି କରିବାଜଘନ୍ୟ ଅପରାଧ ।

ନବକଳେବରର ବେଳେ ହୋଇଥିବା ଦାରୁ ଫିକ୍ସିଙ୍ଗ ଅଭିଯୋଗ ବ୍ରହ୍ଣ ବିଭ୍ରାଟ ତଳେ ଚପିଥିଲା । ହେଲେ ବ୍ରହ୍ମ ବିଭ୍ରାଟ ରିପୋର୍ଟ ଆସିବା ପରେ ଏହି ପ୍ରସଙ୍ଗ ପୁଣି ଉଠିଛି ।

 

   Related Posts