Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||

ପରୀ ରାଜନୀତି ସରଗରମ: ପରୀ ବାପାମା’ଙ୍କୁ ଭେଟିଲେ ବିଜେପି-କଂଗ୍ରେସ, କୃଷିମନ୍ତ୍ରୀଙ୍କ ଇସ୍ତଫା ଦାବିରେ ଅଡି ରହିଛନ୍ତି ବିରୋଧୀ

5/12/2020 at 7:30 PM

ନୟାଗଡ଼ ୦୫/୧୨ : ପରୀ ମୃତ୍ୟୁ ମାମଲାକୁ ନେଇ ଥମୁନି ରାଜନୀତି । ଆଜି ନୟାଗଡ଼ ଯଦୁପୁର ଯାଇ ପରୀ ବାପାମାଆଙ୍କୁ ଭେଟିଛନ୍ତି ଉଭୟ ବିଜେପି ଆଉ କଂଗ୍ରେସ । ପରୀକୁ ନ୍ୟାୟ ନମିଳିବା ପର୍ଯ୍ୟନ୍ତ ଲଢ଼େଇ ଜାରି ରହିବ ବୋଲି ଚେତାବନୀ ଦେଇଛନ୍ତି ବିରୋଧୀ । ସେପଟେ ପରୀ ମୃତ୍ୟୁ ଘଟଣାର ତଦନ୍ତ କରୁଥିବା ଏସଆଇଟି ମୁଖ୍ୟ ଅରୁଣ ବୋଥ୍ରା କହିଛନ୍ତି ଆଉ ୨ସପ୍ତାହ ଭିତରେ ସବୁ କିଛି ସ୍ପଷ୍ଟ ହୋଇଯିବ ।


ରାଜନୀତିର ସେଣ୍ଟରରେ ଏବେ ଯଦୁପୁର । ପରୀ ମୃତ୍ୟୁ ମାମଲାରେ ଅଭିଯୁକ୍ତଙ୍କୁ ଗିରଫ ଦାବିରେ ଅଡ଼ି ବସିଛନ୍ତି ବିରୋଧୀ । ଆଜି ଗୋଟିଏ ଦିନରେ ନୟାଗଡ଼ ଯଦୁପୁର ଯାଇ ପରୀର ବାପା ମାଆଙ୍କୁ ଭେଟିଛନ୍ତି ଉଭୟ ବିଜେପି ଓ କଂଗ୍ରେସ ନେତା । ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ୍ ପାତ୍ରଙ୍କ ନେତୃତ୍ବରେ ନୟାଗଡ଼ରେ ପହଞ୍ଚିଥିବା ବିଜେପି ଟିମ୍ କୃଷିମନ୍ତ୍ରୀଙ୍କ ଇସ୍ତଫା ସହ ଘଟଣାର ସିବିଆଇ ତଦନ୍ତ ଦାବି କରିଛି । ସେପଟେ କଂଗ୍ରେସ ରାଜ୍ୟ ପ୍ରଭାରୀ ଚେଲ୍ଲାକୁମାର, କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ରଙ୍କ ସହ ଦଳୀୟ ନେତା ଏସଆଇଟି ତଦନ୍ତକୁ ସ୍ବାଗତ କରିଛି । ପରୀକୁ ନ୍ୟାୟ ମିଳିବା ପର୍ଯ୍ୟନ୍ତ ଲଢ଼େଇ ଜାରି ରହିବ ବୋଲି କହିଛନ୍ତି ଉଭୟ ବିଜେପି ଓ କଂଗ୍ରେସ । ତେବେ ଏସଆଇଟି ତଦନ୍ତ ଦ୍ବାରା ପରୀକୁ ନିଶ୍ଚିତ ନ୍ୟାୟ ମିଳିବ ଏବଂ ଏହି ଘଟଣାକୁ ନେଇ ବିରୋଧୀ ଅଯଥା ରାଜନୀତି ନକରନ୍ତୁ ବୋଲି କହିଛନ୍ତି ବଜେଡି ମୁଖପାତ୍ର ଲେନିନ୍ ମହାନ୍ତି ।


ପରୀ ମୃତ୍ୟୁ ମାମଲାକୁ ନେଇ ଗ୍ରାଉଣ୍ଡ ଜିରୋରେ ରାଜନୈତିକ ହଲଚଲ ଜୋର୍ ଧରିଥିବା ବେଳେ ଘଟଣାର ତଦନ୍ତ କରୁଥିବା ଏସଆଇଟି ପୂରା ରହସ୍ୟ ଉପରୁ ପରଦା ହଟାଇବାକୁ ଜୋର୍ ଲଗାଇଛି । ହତ୍ୟାକାରୀଙ୍କ ସମ୍ପର୍କରେ ସୂଚନା ଦେଲେ ୧ଲକ୍ଷ ଟଙ୍କା ପୁରସ୍କାର ଘୋଷଣା କରିଛନ୍ତି ଏସଆଇଟି ମୁଖ୍ୟ ଅରୁଣ ବୋଥ୍ରା । ତଦନ୍ତକୁ ମାତ୍ର ୪-୫ଦିନ ହୋଇଥିବାରୁ ଆସନ୍ତା ୨ସପ୍ତାହ ଭିତରେ ଏସଆଇଟ ପୂରା ଘଟଣା ଉପରୁ ପରଦା ହଟାଇବାରେ ସକ୍ଷକ ହେବ ବୋଲି ଭରସା ଦେଇଛନ୍ତି ଅରୁଣ ବୋଥ୍ରା ।

ଗୋଟେ ପଟେ ପରୀ ମୃତ୍ୟୁ ପଛର ରହସ୍ୟ ଖୋଜିବାରେ ଲାଗିଛି ଏସଆଇଟି । ଘଟଣାର ବିଭିନ୍ନ ଦିଗକୁ ନେଇ ଯାଂଚ କରୁଛନ୍ତି ଏସଆଇଟି ମୁଖ୍ୟ ଅରୁଣ ବୋଥ୍ରା । ସେପଟେ ପରୀକୁ ନ୍ୟାୟ ଦାବିରେ ରାଜନୀତି ବି ଖୁବ୍ ଚାଲିଛି ।

   Related Posts