Sunday, July 21, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଅଚ୍ୟୁତ ସାମନ୍ତଙ୍କ ପାଇଁ ସୋସିଆଲ୍ ମିଡିଆରେ ଭୋଟ୍ ଭିକ୍ଷାକରି ବିବାଦରେ ପଡିଲେ ଦୂତି ଚାନ୍ଦ, ସିଇଓଙ୍କ ପାଖରେ ଫେରାଦ ହେଲା ବିଜେପି

ଭୁବନେଶ୍ବର ୧୭|୪: ଓଡ଼ିଆ ଦୌଡ଼ରାଣୀ ଦୂତି ଚାନ୍ଦଙ୍କ ନାଁରେ ବିଜେପିର ଅଭିଯୋଗ । ଦୂତିଙ୍କ ବିରୋଧରେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ଫେରାଦ ହୋଇଛି ବିଜେପି । ଦୂତି ନିର୍ବାଚନ କମିଶନଙ୍କ ବ୍ରାଣ୍ଡ ଆମ୍ବାସଡର ଥିବାବେଳେ କନ୍ଧମାଳ ଲୋକସଭା ବିଜେଡି ପ୍ରାର୍ଥୀଙ୍କ ପାଇଁ ଭୋଟ୍‌ ଭିକ୍ଷା କରିବା ବେଆଇନ୍‌ ବୋଲି ସିଇଓଙ୍କୁ ଜଣାଇଛି ବିଜେପି ।

ନୂଆ ବିବାଦରେ ଦୌଡରାଣୀ ଦୂତି ଚାନ୍ଦ । କନ୍ଧମାଳ ଲୋକସଭା ବିଜେଡି ପ୍ରାର୍ଥୀ ଅଚ୍ୟୁତ ସାମନ୍ତଙ୍କ ପାଇଁ ସୋସିଆଲ୍‌ ମିଡିଆରେ ଭୋଟ୍‌ ଭିକ୍ଷାକରି ବିବାଦରେ ପଡିଛନ୍ତି ଦୂତି । ଦେଖନ୍ତୁ ଦୂତିଙ୍କର ଏହି ଅଫିସିଆଲ୍‌ ଫେସବୁକ୍ ଆକାଉଣ୍ଟକୁ । ଏଥିରେ ଦୂତି ଅଚ୍ୟୁତସାମନ୍ତଙ୍କ ପାଇଁ ଭୋଟ୍‌ ଦେବାକୁ ନିବେଦନ କରିଛନ୍ତି । ତେବେ ଯେ କୌଣସି ବ୍ୟକ୍ତି ଜଣେ ପ୍ରାର୍ଥୀଙ୍କ ପାଇଁ ସୋସିଆଲ୍ ମିଡିଆରେ ଭୋଟ୍‌ ମାଗିପାରିବ । ହେଲେ ଦୂତି ହେଉଛନ୍ତି ନିର୍ବାଚନ କମିଶନଙ୍କର ଆମ୍ବାସଡର । ଏହି ଦାୟିତ୍ବରେ ଥିବା ବ୍ୟକ୍ତି କୌଣସି ପ୍ରାର୍ଥୀଙ୍କ ପାଇଁ ଭୋଟ୍‌ ମାଗିବା ନିର୍ବାଚନ ଆଚରଣ ବିଧିର ଖିଲାପ । ଯେଉଁଥିପାଇଁ ବିଜେପି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ଦ୍ବାରସ୍ଥ ହୋଇଛି ।

ବିଜେପିର ଅଭିଯୋଗ ପରେ ସିଇଓ ଏହାକୁ ଅନୁଧ୍ୟାନ କରିବେ ବୋଲି କହିଛନ୍ତି । ତେବେ ଏ ସଂପର୍କରେ ବିଜେଡି କୌଣସି ପ୍ରତିକ୍ରିୟା ପ୍ରକାଶ କରିନାହିଁ । କାଲି ଦ୍ବିତୀୟ ପର୍ଯ୍ୟାୟ ମତଦାନ ପରେ ହିଁ ଦଳ କୌଣସି ମତ ରଖିବ ବୋଲି କହିଛି । ସେପଟେ ଦୂତୀ ଏନେଇ ଫେସ୍‌ବୁକ୍‌ରେ ପୁଣି ଏକ ପ୍ରତିକ୍ରିୟା ରଖିଛନ୍ତି । ମୁଁ ବ୍ୟକ୍ତିଗତ ହିସାବରେ ଡକ୍ଟର ଅଚ୍ୟୁତ ସାମନ୍ତସାର୍ ଙ୍କୁ ଶୁଭେଚ୍ଛା ବାର୍ତ୍ତା ଜଣାଇଛି । ନିର୍ବାଚନ ପାଇଁ ମୁଁ ଭୋଟ୍ ମାଗିନାହିଁ । ଏହାକୁ ନେଇ ରାଜନୀତି କରିବା ଠିକ୍ ନୁହେଁ ବୋଲି ଦୂତି ଲେଖିଛନ୍ତି ।ଏହି ଘଟଣାକୁ ନେଇ ଏବେ ରାଜ୍ୟବ୍ୟାପୀ ଚର୍ଚ୍ଚା ଚାଲିଛି ।…

249 Views

   ସମ୍ବନ୍ଧିତ ଖବର