ଭୁବନେଶ୍ବର ୫।୩: ପ୍ରବାଦ ପୁରୁଷ ବିଜୁ ବାବୁଙ୍କ ଜୟନ୍ତୀରେ ବିଜେଡିର ବିଶାଳ ସାଇକେଲ ଶୋଭାଯାତ୍ରା । କଟକ ଆନନ୍ଦ ଭବନରୁ ବିଜୁ ପଟ୍ଟନାୟକ ବିମାନ ବନ୍ଦର ସମ୍ମୁଖ ବିଜୁ ବାବୁଙ୍କ ପ୍ରତିମୂର୍ତ୍ତି ପର୍ଯ୍ୟନ୍ତ ଗଡିଲା ହଜାର ହଜାର ସାଇକେଲ । ପ୍ରବାଦ ପୁରୁଷ ବିଜୁଙ୍କ ୧୦୫ତମ ଜୟନ୍ତୀରେ ଫରେଷ୍ଟ ପାର୍କରେ ବିଜୁ ବାବୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଛନ୍ତି ମୁଖ୍ୟମନ୍ତ୍ରୀ । ବିଜୁ ବାବୁଙ୍କ ବିରଳ ଫଟୋଚିତ୍ରକୁ ନେଇ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଆୟୋଜିତ ହୋଇଯାଇଛି ବିରଳ ଫଟୋଚିତ୍ର ପ୍ରଦର୍ଶନୀ ।
ମହାନ ଜନ ନାୟକ ବିଜୁ ବାବୁଙ୍କ ୧୦୫ତମ ଜନ୍ମ ଜୟନ୍ତୀରେ ବିଜେଡି ପକ୍ଷରୁ ଆୟୋଜିତ ହୋଇଥିଲା ବିଶାଳ ସାଇକେଲ ଶୋଭାଯାତ୍ରା । କଟକ ଆନନ୍ଦ ଭବନରୁ ବାହାରିଥିବା ସାଇକେଲ ଶୋଭାଯାତ୍ରାରେ ମନ୍ତ୍ରୀ, ବିଧାୟକ, ସାଂସଦ ବିଜେଡି ସାଙ୍ଗଠନିକ ସମ୍ପାଦକଙ୍କଠାରୁ ଆରମ୍ଭ କରି ବିଜୁ ଛାତ୍ର ଓ ଯୁବ ଜନତା ଦଳର ବହୁ କର୍ମୀ ଓ ନେତା ଚଳାଇଥିଲେ ସାଇକେଲ । ୧୯୩୨ ବିଜୁ ବାବୁଙ୍କ ଭିଜିଟି ଇଣ୍ଡିଆ ମିଶନର ସ୍ମୃତିକୁ ଉଦଜୀବିତ କରିବା ଲକ୍ଷ୍ୟରେ ହଜାର ହଜାର ବିଜେଡି କର୍ମ ସାଇକେଲ ଚଳାଇ ସାହାସୀ, ସ୍ବାଭିମାନୀ ବିଜୁ ବାବୁଙ୍କୁ ମନେ ପକାଇଥିଲେ । କଟକରୁ ଭୁବନେଶ୍ବର ଅତିକ୍ରମ କରିବା ବେଳେବେଳ ଫୁଲ ନଖରା, ପାହାଳ ଛକ, ରସୁଲଗଡ ସାଇେକଲ ଚାଳକଙ୍କୁ ଉପରେ ପୁଷ୍ପ ବୃଷ୍ଟି କରିବା ଦେଖିବାକୁ ମିଳିଥିଲା ।
ସେପଟେ ବିଜୁ ପଟ୍ଟନାୟକ ପାର୍କରେ ଥିବା ବିଜୁ ବାବୁଙ୍କ ପ୍ରତିମୂର୍ତ୍ତି ଓ ବିଧାନସଭା ପରିସରରେ ଥିବା ବିଜୁ ବାବୁଙ୍କ ପ୍ରତିମୂର୍ତ୍ତିରେ ପୁଷ୍ପଗୁଚ୍ଛ ଦେଇ ଶ୍ରଦ୍ଧା ସୁମନ ଅର୍ପଣ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଜୁପଟ୍ଟନାୟକ ବିମାନ ବନ୍ଦର ସମ୍ମୁଖରେ ଥିବା ବିଜୁ ବାବୁଙ୍କ ପ୍ରତିମୂର୍ତ୍ତି ନିକଟରେ ସାଇକେଲ ଶୋଭାଯାତ୍ରା ପହଞ୍ଚିବା ପରେ ବିଜୁ ବାବୁଙ୍କୁ ଶ୍ରଦ୍ଧା ସୁମନ ଅର୍ପଣ କରାଯାଇଥିଲା । ଫରେଷ୍ଟ ପାର୍କରେ ଥିବା ବିଜୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ ମୁଖ୍ୟମନ୍ତ୍ରୀ । ଏହି ଅବସରରେ ବିଜୁ ଜନତା ଦଳର ବହୁ ସାଂସଦ, ମନ୍ତ୍ରୀ, ବିଧାୟକ, କର୍ମୀ ଉପସ୍ଥିତ ଥିଲେ । ସେପଟେ ଜୟଦେବ ଭବନରେ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଆୟୋଜିତ ହୋଇଥିବା ବିଜୁ ବାବୁଙ୍କ ବିରଳ ଫଟୋଚିତ୍ର ପ୍ରଦର୍ଶନୀ ଆୟୋଜିତ ହୋଇଥିଲା । ଶିଲ୍ପ, ଶିଳ୍ପାୟନ, ରାଜ୍ୟ ଗାଁର ଉନ୍ନତି, ରଥଯାତ୍ରାରେ ବିଜୁ ବାବୁ, ପାରାଦ୍ବୀପ ବନ୍ଦର ଶିଳାନ୍ୟାସ, ପରିବାର ଲୋକଙ୍କ ସହ ବିରଳ ଫଟୋ, ବିମାନ ସହ ବିଜୁ ବାବୁଙ୍କ ଫଟୋ ବିଜୁ ବାବୁଙ୍କ ଅମର ସ୍ମୃତିକୁ ଉଦଜୀବିତ କରିଥିଲା । ବିରଳ ଫଟୋ ଚିତ୍ର ବେଶ ମନୋଲୋଭା ହୋଇଥିଲା ।
ପ୍ରବାଦ ପୁରୁଷ, ଜନନାୟକ ବିଜୁ ପଟ୍ଟନାୟକଙ୍କ ଜୟନ୍ତୀ । ଓଡିଶାର ପୂର୍ବତନ ମୁଖ୍ୟମନ୍ତ୍ରୀଙ୍କ ଜୟନ୍ତୀକୁ ସାରା ରାଜ୍ୟରେ ପଞ୍ଚାୟତିରାଜ ଦିବସ ଭାବେ ପାଳନ କରାଯାଉଛି । ଓଡିଶା ସ୍ବାଭିମାନର ପ୍ରତୀକ, ସାହାସୀ, ସ୍ବାଭିମାନୀ ବିଜୁ ବାବୁଙ୍କ ମନେ ପକାଇ ଥିଲେ ସମସ୍ତେ ।