ଭୁବନେଶ୍ବର ୨|୩: ଇଷ୍ଟକୋଷ୍ଟ ରେଲୱେକୁ କେନ୍ଦ୍ର ସରକାର ଦୁଇ ଭାଗ କରି ୱାଲଟିଅର ଡିଭିଜନ ଅଲଗା କରିନେବା ପ୍ରତିବାଦରେ ରାସ୍ତାକୁ ଓହ୍ଲାଇଛି ବିଜୁ ଛାତ୍ର୍ର ଓ ଯୁବ ସଂଗଠନ । ଇଷ୍ଟକୋଷ୍ଟ ରେଲୱେ ଭୁବନେଶ୍ବର ମୁଖ୍ୟାଳୟ ଆଗରେ ଧାରଣା । ରେଳବାଇକୁ ବାର୍ଷିକ ୨୦ ହଜାର କୋଟିର ରାଜସ୍ବ ଦେଉଥିବା ପୂର୍ବତଟ ରେଳବାଇ ବା ଇଷ୍ଟକୋଷ୍ଟ ରେଲୱେକୁ କେନ୍ଦ୍ର ସରକାର ରାଜନୈତିକ ସ୍ବାର୍ଥ ସାଧନ ପାଇଁ ଦୁଇ ଭାଗ କରି ଦେଇଥିବା ଅଭିଯୋଗ ହୋଇଛି । ନୂଆକରି ବିଶାଖାପଟ୍ଟନମରେ ଦକ୍ଷିଣତଟ ରେଳବାଇର ମୁଖ୍ୟାଳୟ ଖୋଲିଛି ଓ ଇଷ୍ଟକୋଷ୍ଟ ରେଲୱେର ୱାଲଟିୟର ଡିଭିଜନର ପ୍ରମୁଖ ଅଂଶକୁ ଦକ୍ଷିଣତଟ ରେଳବାଇ ସହ ମିଶାଇ କେନ୍ଦ୍ର ସରକାର ଇଷ୍ଟକୋଷ୍ଟ ରେଲୱେକୁ ଦୁର୍ବଳ କରିଦେବାକୁ ଚାହୁଁଥିବା ଅଭିଯୋଗ କରିଛି ବିଜେଡି ।