Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

NPRକୁ ବିରୋଧ କରିବନି ବିଜେଡି

28/01/2020 at 3:14 PM

ଭୁବନେଶ୍ବର ୨୮।୧: ନବୀନ ନିବାସରେ ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିଥିଲା ବିଜେଡି ସଂସଦୀୟ ଦଳ ବୈଠକ। ଆସନ୍ତା ୩୧ରୁ ପାର୍ଲାମେଣ୍ଟର ବଜେଟ୍ ଅଧିବେଶନ ଆରମ୍ଭ ହେଉଥିବାରୁ କଣ ରହିବ ବିଜେଡିର ରଣନୀତି ସେନେଇ ଆଲୋଚନା ହୋଇଛି । ଏହି ବୈଠକରେ ବିଜେଡିର ସମସ୍ତ ଲୋକସଭା ଓ ରାଜ୍ୟସଭା ସାଂସଦ ଉପସ୍ଥିତ ଥିଲେ।

ଜାତୀୟ ଜନସଂଖ୍ୟା ପଞ୍ଜିକା-ଏନପିଆରକୁ ସଂସଦରେ ବିରୋଧ କରିବନି ବିଜେଡି। ଏଥିରେ ଥିବା କ୍ଲଜ ୧୩/୨କୁ ଇଚ୍ଛାଧୀନ କରାଯାଇଥିବାରୁ ବାପା ମା’ଙ୍କ ଜନ୍ମ ବିଷୟରେ ସୂଚନା ଦେବା ସଂପୃକ୍ତ ବ୍ୟକ୍ତିଙ୍କ ଉପରେ ନିର୍ଭର କରେ । ସେଥିପାଇଁ ଏନପିଆରକୁ ସମର୍ଥନ କରିବା ଲାଗି ନିଷ୍ପତ୍ତି ନେଇଛି ବିଜେଡି। ଆଜି ନବୀନ ନିବାସରେ ଦଳ ସୁପ୍ରିମୋ ନବୀନ ପଟ୍ଟନାୟକଙ୍କ  ଅଧ୍ୟକ୍ଷତାରେ ବସିଥିବା   ବିଜେଡି ସଂସଦୀୟ ଦଳ ବୈଠକରେ  ଏ ସଂପର୍କରେ ଆଲୋଚନା ହୋଇଛି । ବଜେଟ୍ ଅଧିବେଶନରେ ସଂସଦର ଉଭୟ ଗୃହରେ ବିଜେଡିର  ରଣନୀତି ଏବଂ ଆଭିମୁଖ୍ୟ କଣ ରହିବ ସେନେଇ ଆଲୋଚନା ହୋଇଛି ।

ପୂର୍ବରୁ ଜିଏସଟି ବାବଦକୁ ବାକିଥିବା ଅର୍ଥ ଏବଂ ଅଧପନ୍ତରିଆ ହୋଇ ରହିଥିବା ରେଳ ପ୍ରକଳ୍ପକୁ ଶେଷ କରିବାକୁ ଦାବି କରିବ ବିଜେଡି । ସେହିଭଳି ମହାନଦୀ ପୋଲାଭରମ୍ ଭଳି ଆନ୍ତରାଜ୍ୟ ନଦୀଜଳ ବିବାଦ ଉଠାଇବା ପ୍ରସଙ୍ଗକୁ ସଂସଦରେ ଉଠାଇବାକୁ ନିଷ୍ପତ୍ତି ହୋଇଛି । ୨୦୨୧ ଜନ ଗଣନାରେ ଜାତିଭିତ୍ତିକ ପରିସଂଖ୍ୟାନ ପାଇଁ ବ୍ୟବସ୍ଥା କରିବାକୁ ବିଜେଡି ସଂସଦରେ ଦାବି କରିବ।

ସେହିଭଳି କୋଲ ରୟାଲଟି ପ୍ରସଙ୍ଗ ଉଠାଇବାକୁ ନିଷ୍ପତ୍ତି ନିଆଯାଇଛି। ବିଧାନ ପରିଷଦ ଗଠନ ପାଇଁ କେନ୍ଦ୍ର ପ୍ରତିଶ୍ରୁତି ଦେଇଥିବାରୁ ସେ ପ୍ରସଙ୍ଗ ଆଉ ଉଠାଯିବ ନାହିଁ ବୋଲି ସାଂସଦ ପିନାକୀ ମିଶ୍ର କହିଛନ୍ତି। ଆସନ୍ତା ୩୧ରୁ ପାର୍ଲାମେଣ୍ଟର ବଜେଟ୍ ଅଧିବେଶନ ଆରମ୍ଭ ହେବ ।

   Related Posts