ଭୁବନେଶ୍ବର୧|୪: ବିଜେଡି ଟିକେଟ ବଣ୍ଟାକୁ ନେଇ ଦଳରେ ରୋଚକ ସ୍ଥିତି । କେତେବେଳେ କିଏ ଦଳ ଚାଡୁଛି ତ ଆଉ କିଏ ପ୍ରେସର ଟାକ୍ଟିସ ପକାଇ ଟିକେଟ ହାତେଇବାକୁ ଲବି କରୁଛି । ବାକିଥିବା ୧୯ ବିଧାନସଭା ଓ ୩ ଲୋକସଭା ପାଇଁ ଆଶାୟୀ ଏଭଳି କିଛି ଫର୍ମୁଲା ଆପଣାଉଛନ୍ତି । ଟିକେଟରୁ ବଞ୍ଚିତ ହେବା ଆଶଙ୍କା କରି ମୟୁରଭଞ୍ଜ ସଭାପତି ମୋରଡା ବିଧାୟକ ପ୍ରବୀଣ ଭଞ୍ଜଦେଓ ଦଳ ଛାଡିଛନ୍ତି । ଏପଟେ ସିପ୍ରା ମଲ୍ଲିକ ଓ ଅମରେନ୍ଦ୍ର ଦାସଙ୍କ ସମର୍ଥକମାନେ ନବୀନ ନିବାସ ଆଗରେ ବିକ୍ଷୋଭ କରିଛନ୍ତି । …

{"id":99156}

ଛିଣ୍ଡୁନି ବିଜେଡି ଟିକେଟ ଅଙ୍କ । ତୃତୀୟ ପର୍ଯ୍ୟାୟ ନିର୍ବାଚନ ପାଇଁ ପ୍ରାର୍ଥିପତ୍ର ଦାଖଲ ୪ ତାରିଖରେ ସରିବାକୁ ଥିବାବେଳେ ଆଶାୟୀ ଏବେବି ଟିକେଟ ପାଇଁ ନବୀନ ନିବାସ ଆଗରେ ଚକ୍କର କାଟୁଛନ୍ତି । ସେହିଭଳି ଚତୁର୍ଥ ପର୍ଯ୍ୟାୟ ନିର୍ବାଚନ ପାଇଁ ଆବେଦନ ତାରିଖ ଦୁଇଦିନ ସରିଯାଇଥିଲେ ବି କିଛି ପ୍ରାର୍ଥୀ ବି ଅନ୍ଧାରରେ । ଅର୍ଥାତ ତୃତୀୟ ଓ ଚତୁର୍ଥ ପର୍ଯ୍ୟାୟର ଯେଉଁ ୧୯ ବିଧାନସଭା ଓ ୩ ଲୋକସଭା ସିଟ ପାଇଁ ବିଜେଡି ଟିକେଟ ଘୋଷଣା କରିନି ସେଠି ବଡ କସରତ କରିବାକୁ ପଡୁଛି । ଜୟଦେବ ନିର୍ବାଚନ ମଣ୍ଡଳୀ- ମନ୍ତ୍ରୀ ଶଶି ଭୂଷଣ ବେହେରା ନା ଆଉ କାହାକୁ ଦଳ ଟିକେଟ୍ ଦେବ ତାହା ଝୁଲି ରହିଛି । ଟିକେଟ କଥା ବୁଝିବାପାଇଁ ଶଶି ନବୀନ ନିବାସରେ ପଶି ବାହାରି ଆସିବା ପରେ ଅନ୍ୟତମ ଦାବିଦାର ଅରବିନ୍ଦ ଢାଲି ନବୀନଙ୍କ ସହ ଭେଟିଥିଲେ । ସେହିଭଳି କୋରେଇ ବିଧାୟକ ଆକାଶଦାସ ନାୟକ ଏପର୍ଯ୍ୟନ୍ତ ଟିକେଟ ପାଇଁ ଗ୍ରିନ ସିଗନାଲ ପାଇନଥିବାରୁ ନବୀନ ନିବାସ ଯାଇ ଦାବି ଜଣାଇଛନ୍ତି ।

{"id":99157}

ବିଜେଡି ଟିକେଟ କସରତର ଆଉ ଏକ ଦୃଶ୍ୟ ସାମ୍ନାକୁ ଆସିଛି କେନ୍ଦ୍ରାପଡାରୁ । ଆଶାୟୀ ପ୍ରାର୍ଥି ପୂର୍ବତନ ବିଧାୟିକା ସିପ୍ରା ମଲ୍ଲିକଙ୍କ ସମର୍ଥକ ମାନେ ସିପ୍ରାଙ୍କ ପାଇଁ ଟିକେଟ ଦାବିକରି ନବୀନ ନିବାସ ବାହାରେ ନାରାବାଜି କରିଛନ୍ତି । ସେପଟେ ଖୋଦ୍ ସିପ୍ରା ମଲ୍ଲିକ ଭିତରେ ନବୀନଙ୍କୁ ଭେଟି ନିଜର ଟିକେଟ ଦାବି କରିଛନ୍ତି ।

{"id":99158}

ପୂର୍ବତନ ମନ୍ତ୍ରୀ ତଥା ଆଠମଲ୍ଲିକ ବିଧାୟକ ସଂଜୀବ ସାହୁ ଏବେ ବି ସନ୍ଦେହରେ ଅଛନ୍ତି । ଆଉ ଯେଉଁମାନଙ୍କ ନାଁ ଘୋଷଣା ହୋଇଥିଲା ସେମାନଙ୍କ ଭିତରୁ ଦାମ ରାଉତଙ୍କ ପୁଅ ସମ୍ବିତ ରାଉତ ଟିକେଟ ଧରି ଆସିବା ପରେ କହିଛନ୍ତି ସେ ବାପାଙ୍କ ପାଇଁ ପ୍ରଚାରକୁ ଯିବେନି କି ବାପା ତାଙ୍କ ପାଇଁ ପ୍ରଚାର କରିବେନି । ସେପଟେ ଜଗତସିଂହ ପୁର ଆସନରୁ ଟିକେଟ ପାଇଥିବା ପ୍ରଶାନ୍ତ ମୁଦୁଲିଙ୍କୁ ବିରୋଧକରି ଯୁବ ବିଜେଡି ସଭାପତି ଅମରେନ୍ଦ୍ର ଦାସଙ୍କ ସମର୍ଥକ ନବୀନ ନିବାସ ଆଗରେ ବିଶାଳ ରାଲି କରିଥିଲେ ।

{"id":99161}

ଆଶାୟିଙ୍କ ମନ ଥୟ ଧରୁନି । ଯେଉଁମାନେ ନିରାଶ ହେଉଛନ୍ତି ସେମାନେ ସିଧା ବାଟ କାଟୁଛନ୍ତି । କାଲି ରଘୁ ମହାନ୍ତିଙ୍କ ପରେ ଆଜି ମୟୁରଭଞ୍ଜ ଜିଲ୍ଲା ସଭାପତି ତଥା ପୂର୍ବତନ ମନ୍ତ୍ରୀ ପ୍ରବୀଣ ଭଞ୍ଜଦେଓ ଦଳରୁ ଇସ୍ତଫା ଦେଇଛନ୍ତି । କେଉଁଝର ସାଂସଦ ସକୁନ୍ତଳା ଲାଗୁରି ଏବଂ ତାଙ୍କ ସ୍ବାମୀ ଯଶୋବନ୍ତ ଲାଗୁରୀ ମଧ୍ୟ ଦଳ ଛାଡିବା ନେଇ ଚର୍ଚା ଜୋର ଧରିଛି ।….