Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ରାଜ୍ୟସଭାକୁ ବିଜେଡି କାହାକୁ ପଠାଇବ ? ଏହାକୁ ନେଇ ଚର୍ଚ୍ଚା

22/02/2020 at 9:46 PM

ଭୁବନେଶ୍ୱର ୨୨।୦୨ -ଜିଲ୍ଲା ସିଭାପତି ପରେ ରଜ୍ୟସଭା ସିଟକୁ ନେଇ ବିଜେଡିରେ ଚର୍ଚ୍ଚା। ରାଜ୍ୟସଭା କିଏ ଯିବ କାହାକୁ ନବୀନ ପଠାଇବେ। ତକୁ ନେଇ ସସପେନସ ଜାରି ରହିଛି। ୪ଟି ସିଟ୍‌ ପାଇଁ ଏଥର ଆଶାୟୀ ପ୍ରବଳ। ସାଧରଣ ନିର୍ବାଚନ ବେଳେ ଟିକେଟରୁ ବଞ୍ଚିତ କିଛି ନେତାଙ୍କୁ ରାଜ୍ୟସଭା ପଠାଇବା ପାଇଁ ନବୀନ ପ୍ରତିଶ୍ରୁତି ଦେଇଥିଲେ । ଏପଟେ ନିର୍ବାଚନରେ ହାରିଥିବା କିଛି ନେତା ଯେଉଁମାନେ ସଙ୍ଗଠନ ସମ୍ଭାଳିବେ ସେମାନେ ମଧ୍ୟ ରାଜ୍ୟସଭା ପାଇଁ ଲବି ଚଳାଇଛନ୍ତି ।

ରାଜ୍ୟସଭାକୁ ବିଜେଡି କାହାକୁ ପଠାଇବ  ? କାହା ଉପରେ ନବୀନଙ୍କ କୃପା ଦୃଷ୍ଟି ପଡିବ ? ଜିଲ୍ଲାସଭାପତି ଚୟନ ପରେ ଏବେ ରାଜ୍ୟସଭା ସିଟ୍‌କୁ ନେଇ ଲାଗିଛି ଏପରି ଚର୍ଚ୍ଚା।  ଏପ୍ରିଲ ମାସ​‌ରେ ଖାଲି ହେଉଛି ରାଜ୍ୟସଭାର ୪ସିଟ। ଅଙ୍କ କହୁଛି ୪ଟି ଯାକ ରାଜ୍ୟସଭା ସିଟ ହାତେଇବରେ ସକ୍ଷମ ବିଜେଡି। ନିର୍ବାଚନ ବେଳେ ରମେଶ ଚନ୍ଦ୍ର ଚ୍ୟାଉପଟ୍ଟନାୟକ, ପ୍ରସନ୍ନ ପଟ୍ଟଶାଣୀଙ୍କୁ ରାଜ୍ୟସଭା ପଠାଇବା ପାଇଁ କୁଆଡେ ନବୀନ ପ୍ରତିଶ୍ରୁତି ଦେଇଥିବା ଶୁଣିବାକୁ ମିଳିଥିଲା । କିନ୍ତୁ ଏବେ ଗଞ୍ଜାମ ଜିଲ୍ଲା ସଭାପତି ଦାୟିତ୍ବ ରମେଶ ଚନ୍ଦ୍ର ଚ୍ୟାଉପଟ୍ଟନାୟକଙ୍କ କାନ୍ଧରେ । ହେଲେ ବି ସେ ରାଜ୍ୟସଭା ଆଶା ଛାଡିନାହାନ୍ତି । ଏପଟେ ବାଲିଙ୍ଗିର ଜିଲ୍ଲା ରାଜନୀତିରୁ ରାଜ ପରିବାରକୁ ଆଉଟ କରିଛନ୍ତି ନବୀନ । ତେଣୁ  ଅନଙ୍ଗ ଉଦୟ ସିଂହ ଦେଓ ଏବଂ  କଳିକେଶ ସିଂହ ଦେଓଙ୍କ ମଧ୍ୟରୁ କାହାକୁ ବି ନବୀନ ଥଇଥାନ କରିପାରନ୍ତି। ଆଉ ଏବେ ବି ପ୍ରସନ୍ନ ପାଟ୍ଟଶାଣୀ  ରାଜ୍ୟସଭା ଯିବା ପାଇଁ ଆଶା ରଖିଛନ୍ତି।

ରାଜ୍ୟସଭା ନିର୍ବାଚନ ଯେତିକି ପାଖେଇ ଆସୁଛି। ବିଜେଡି ନେତାଙ୍କ ଭିତରେ ସେତିକି ଛକାପଞ୍ଚା ବଢ଼ିବାରେ ଲାଗିଛି। ପାର୍ଟି ଭିତରେ ରାଜ୍ୟସଭା ପାଇଁ ଲବି ମଧ୍ୟ ଜୋର ହେଲାଣି। ପ୍ରତିଦିନ ନୂଆ ନୂଆ ଚେହେରା ସମ୍ନାକୁ ଆସୁଛି। ସଞ୍ଜୟ ଦାସର୍ବମା, ପୁଷ୍ପେନ୍ଦ୍ର ସିଂହ ଦେଓ, ହିନ୍ଦି ଫିଲ୍ମରେ କାମ କରିଥିବା ଜଣେ ଓଡିଆ ଅଭିନେତ୍ରୀଙ୍କ ନାମ ମଧ୍ୟ ଚର୍ଚ୍ଚା ହେଉଛି। ଏପରିକି ଦିଲ୍ଲୀପ ରାୟଙ୍କ ନାଁ ମଧ୍ୟ ଚର୍ଚ୍ଚା ପରିସରକୁ ଆସିଛି । ସେପଟେ ଦୀର୍ଘ ଦିନ ଧରି ପାଓ୍ବାର କରିଡର  ବାହାରେ ଥିବା ପ୍ରଫୁଲ୍ଲ ଘଡେଇ ମଧ୍ୟ ଲବିରେ ଅଛନ୍ତି। କିନ୍ତୁ ପ୍ରଫୁଲ୍ଲ ଘଡେଇ ସଫେଇ ଦେଇଛନ୍ତି ମୁଖ୍ୟମନ୍ତ୍ରୀ ଯାହା ନିଷ୍ପତ୍ତି ନେବେ ତାହା ଫଇନାଲ୍‌ ।

ବିଧାନ ସଭା ଟିକେଟ ହେଉ କି ରାଜ୍ୟସଭା , ସବୁଥିରେ ନବୀନ ସସପେନ୍ସ ରଖିଥାନ୍ତି । କାହା ମୁଣ୍ଡରେ ହାତୀ କଳସ ଢ଼ାଳିବ ଶେଷ ଦିନ ପର୍ଯ୍ୟନ୍ତ ବି କେହି ଜାଣି ନଥାନ୍ତି । ହେଲେ ବି ଏଥର ନବୀନ ରାଜସଭାରେ କାହାକୁ ଥଇଥାନ କରିବେ ତାହା ତାଙ୍କ ପାଇଁ ବଡ ଚ୍ୟାଲେଞ୍ଜ ହେବ ନିଶ୍ଚିତ।

   Related Posts