ନୂଆଦିଲ୍ଲୀ ୭|୧: ଆସନ୍ତାକାଲି ଦିଲ୍ଲୀରେ ବିଜେଡି ଦେବ ଧାରଣା । ଏଥିପାଇଁ ଟିମ୍ ବିଜେଡି ଦିଲ୍ଲୀ ମୁହାଁ ହୋଇଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ସେଠାରେ ପହଞ୍ଚିଛନ୍ତି । ଏମଏସପି ୨୯ଶହ ଟଙ୍କାକୁ ବୃଦ୍ଧି ପାଇଁ ଯେଉଁ ପ୍ରସ୍ତାବ ବିଧାନସଭାରେ ପାରିତ ହୋଇଥିଲା ଏହାକୁ କେନ୍ଦ୍ର ମଞ୍ଜୁରୀ ନଦେବା ପ୍ରତିବାଦରେ ବିଜେଡି ଏହି ଧାରଣା ଦେବ । ଆସନ୍ତାକାଲି ରାଷ୍ଟ୍ରପତିଙ୍କୁ ଭେଟିବ ବିଜେଡି ପ୍ରତିନିଧି ଦଳ । ଚାଷୀମାନଙ୍କୁ ନେଇ ବିଜେଡି ବିଧାୟକ ସାଂସଦ ଓ ନେତାମାନେ ଧାରଣା ଦେବେ । ଆଉ ମୁଖ୍ୟମନ୍ତ୍ରୀ ଏହାର ନେତୃତ୍ବ ନେବେ । ମୁଖ୍ୟମନ୍ତ୍ରୀ କହିଛନ୍ତି ବିଜେପି ୨୦୧୪ ମେନିଫେଷ୍ଟୋରେ ଏମଏସପି ବୃଦ୍ଧି ନେଇ ପ୍ରତିଶ୍ରୁତି ଦେଇଥିବା ବେଳେ ଏହାକୁ କାର୍ଯ୍ୟକାରୀ କରୁନଥିବା ଅଭିଯୋଗ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏପଟେ ବିଜେଡିର କୃଷକ ସମାବେଶ ଉପରେ ପ୍ରତିକ୍ରିୟା ରଖିଛନ୍ତି କେନ୍ଦ୍ରମନ୍ତ୍ରୀ ଜୁଏଲ ଓରାମ । ଦିଲ୍ଲୀରେ ତାମସା କରି ବିଜେଡି ରାଜନୀତି କରୁଛି । କେନ୍ଦ୍ର ସରକାର ଚାଷୀଙ୍କୁ ଏମଏସପି ବାବଦରେ ୧୭ ଶହ ୬୦ଟଙ୍କା ଦେଉଛନ୍ତି, ତାହାକୁ ଆଗ କୃଷକଙ୍କ ବ୍ୟାଙ୍କ ଆକାଉଣ୍ଟକୁ ସିଧାସଳଖ ପଠାନ୍ତୁ ବୋଲି ଦାବି କରିଛନ୍ତି ।
ସୋନପୁର ସମାବେଶ ପରେ ପ୍ରାର୍ଥୀ ଓ କାର୍ଯ୍ୟକର୍ତ୍ତାଙ...