Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ତୈଳଦର ବୃଦ୍ଧି ପ୍ରତିବାଦରେ ରାସ୍ତାକୁ ଓହ୍ଲାଇଛି ବିଜେଡି ; ପେଟ୍ରେଲ ପମ୍ପ ଆଗରେ ପିକେଟିଂ

8/09/2018 at 12:01 PM

ଭୁବନେଶ୍ବର ୮|୯: ଭୁବନେଶ୍ବରରେ ପେଟ୍ରୋଲ ୭୯ ଟଙ୍କା ଟପିଲା । ଗତକାଲି ତୁଳନାରେ ଆଜି ୩୯ ପଇସା ମହଙ୍ଗା ହୋଇଛି ପେଟ୍ରୋଲ । ସେହିପରି ଡିଜେଲ ଦର ମଧ୍ୟ ୭୭ ଟଙ୍କା ୮୦ ପଇସା ହୋଇଛି । ଆଜି ଡିଜେଲ ୪୭ ପଇସା ବଢିଛି । ସେପଟେ ବ୍ରହ୍ମପୁର ୮୦ ଟଙ୍କା ଡେଇଁଲା ପେଟ୍ରୋଲ ଦର । ଚଳିତ ମାସର ୮ ଦିନ ଭିତରେ ପେଟ୍ରୋଲ ୧ ଟଙ୍କା ୬୯ ପଇସା ଓ ଡିଜେଲ ୨ ଟଙ୍କା ୨୫ ପଇସା ବଢିଛି । ଯାହା ଖାଉଟିଙ୍କ ପକେଟ ଉପରେ ବୋଝ ପକାଇଛି । ଯାହାକୁ ନେଇ ଜନଅସନ୍ତୋଷ ମଧ୍ୟ ତେଜିବାରେ ଲାଗିଛି । ତେଲ ଦର ବୃଦ୍ଧି ପାଇଁ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଅନ୍ତର୍ଜାତୀୟ ସ୍ତରର ରାଜନୈତିକ ଓ ଅର୍ଥନୈତିକ କାରଣକୁ ଦାୟୀ କରିଛନ୍ତି । କେବଳ କେନ୍ଦ୍ର ଟିକସ କମାଇଦେଲେ ଏହି ସମସ୍ୟାର ସମାଧାନ ହୋଇଯିବ ନାହିଁ । ରାଜ୍ୟ ଟିକସ କମାଇଲେ ପେଟ୍ରୋଲ ଏବଂ ଡିଜେଲ ଦରବୃଦ୍ଧି ପ୍ରଭାବରୁ ଖାଉଟିଙ୍କୁ ଆଶ୍ବସ୍ତି ମିଳିବ ବୋଲି ସେ କହିଛନ୍ତି । ଏପଟେ ତୈଳଦର ବୃଦ୍ଧି ପ୍ରତିବାଦରେ ରାସ୍ତାକୁ ଓହ୍ଲାଇଛି ବିଜେଡି । ଗତକାଲିଠାରୁ ପେଟ୍ରେଲ ପମ୍ପ ଆଗରେ ପିକେଟିଂ କରୁଛି ।

   Related Posts