Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||
  • ପଞ୍ଜାବର ବିଜୟ ଅଭିଯାନ ଜାରି, ୮ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଜଗି ଓ ବୈଜୟନ୍ତଙ୍କୁ ମୁହଁତୋଡ ଜବାବ ଦେଲେ ବିଜେଡି ସାଂସଦ, ‘କିପରି ଜଣେ ମହିଳା ସାଂସଦଙ୍କ ଚରିତ୍ର ସଂହାରକାରୀଙ୍କୁ ସୁରକ୍ଷା ଦେଉଛ ? ପ୍ରଭୂ ଜଗନ୍ନାଥଙ୍କ ରାଜ୍ୟ ଓ ସଂସ୍କୃତିକୁ ଅପମାନିତ କରୁଥିବା ବ୍ୟକ୍ତିମାନେ ପାକିସ୍ତାନ ଚାଲିଯାଆନ୍ତୁ’

18/10/2020 at 2:48 PM

ଭୁବନେଶ୍ୱର, ୧୮୧୦:  ‘ଓଡ଼ିଶାରେ ପାକିସ୍ତାନ ଭଳି ଶାସନ ଚାଲିଛି ‘।  କେନ୍ଦ୍ରାପଡ଼ାର ପୂର୍ବତନ ସାଂସଦ ତଥା ବିଜେପି ନେତା ବୈଜୟନ୍ତ ପଣ୍ଡାଙ୍କ ଏହି ଟ୍ବିଟକୁ ନେଇ ଦେଖାଦେଇଛି ରାଜନୈତିକ ବୟାନବାଜି। ଆଜି ଟ୍ବିଟ କରି ବୈଜୟନ୍ତ ଓଡ଼ିଶା ଓ ମହାରାଷ୍ଟ୍ରର ଶାସନକୁ ତୁଳନା କରିଥିଲେ। ଯାହାକୁ ନେଇ ଆରମ୍ଭ ହୋଇଯାଇଛି ବିବାଦ ।

ଏହି ଟ୍ୱିଟରେ ବୈଜୟନ୍ତ  ଲେଖିଥିଲେ ଯେ, ମହାରାଷ୍ଟ୍ର ଓ ଓଡ଼ିଶାରେ ଯେଉଁଭଳି ଭାବେ ପୋଲିସ ହେପାଜତରେ ଜେରା, ସାମ୍ବାଦିକଙ୍କୁ ଆକ୍ରମଣ ଚାଲିଛି ଏ ସବୁ କିଛି ପାକିସ୍ତାନ ଭଳି ଚାଲିଛି ।  ତେବେ ବିଜୁ ଜନତା ଦଳର ୩ ଜଣ ସାଂସଦ ବୈଜୟନ୍ତଙ୍କୁ କଡା ସମାଲୋଚନା କରିଛନ୍ତି ।

କଥା କେବଳ ସୋସିଆଲ ମିଡିଆରେ ସୀମୀତ ରହିନାହିଁ । ଏହାକୁ ନେଇ ବୟାନବାଜି ଜୋର ଧରିଛି। ସେହିପରି କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି ଟ୍ବିଟ କରି ଲେଖିଛନ୍ତି ଯଦି କେନ୍ଦ୍ରାପଡ଼ାକୁ ପାକିସ୍ତାନର ଅଂଶ ବୋଲି ସେ ଭାବୁଛନ୍ତି ତେଣୁ ସେ କେନ୍ଦ୍ରାପଡ଼ା ଓଡ଼ିଶା ଛାଡ଼ିଦେବାକୁ ତାଙ୍କୁ ଚ୍ୟାଲେଞ୍ଜ ଦେଇଛନ୍ତି ଅନୁଭବ।  ମହାପ୍ରଭୁ ଜଗନ୍ନାଥଙ୍କ ପବିତ୍ର ମାଟିକୁ କିପରି ପାକିସ୍ତାନ ସହ ତୁଳନା କଲେ ତାହା ମଧ୍ୟ ଅନୁଭବ ପ୍ରଶ୍ନ କରିଛନ୍ତି ।

ସେହିପରି ରାଜ୍ୟସଭା ସାଂସଦ ଅମର ପଟ୍ଟନାୟକ ଟ୍ୱିଟ୍ କରି କହିଛନ୍ତି ଯେ, ବୈଜୟନ୍ତ ପଣ୍ଡା ଓ ତାଙ୍କ ପତ୍ନୀ ଜଗି ପଣ୍ଡା ଜଣେ ମହିଳା ସାଂସଦଙ୍କୁ ଅପମାନିତ କରିଛନ୍ତି । ଏପରିକି ଜଣେ ସାମ୍ବାଦିକଙ୍କୁ ଘଣ୍ଟ ଘୋଡାଉଛନ୍ତି  ଯିଏ ସର୍ବକନିଷ୍ଠ ସାଂସଦଙ୍କ ମର୍ଯ୍ୟାଦା ହାନି କରିଛନ୍ତି ।

ସେହିପରି ସାଂସଦ ସସ୍ମିତ ପାତ୍ର କହିଛନ୍ତି ଯେ, ବୈଜୟନ୍ତ ସେହି ରାଜ୍ୟକୁ ପାକିସ୍ତାନ ସହ ତୁଳନା କରିଛନ୍ତି ଯେଉଁ ରାଜ୍ୟ ତାଙ୍କୁ ସାଂସଦ କରିଥିଲା । ସେହି କେନ୍ଦ୍ରାପଡାବାସୀ, ସମାନ ତୁଳସୀ କ୍ଷେତ୍ରରୁ ସେ ସାଂସଦ ହୋଇଥିଲେ । ପାକିସ୍ତାନ କହି ସେ ସମସ୍ତ ଓଡିଆ ଓ ଓଡିଶାର ସଂସ୍କୃତିକୁ ଅପମାନିତ କରିଛନ୍ତି । ବୈଜୟନ୍ତ ଓ ଜଗି ସେହି ରିପୋର୍ଟଙ୍କୁ ସୁରକ୍ଷା ଦେଉଛନ୍ତି ଯିଏ ଜଣେ ସାଂସଦଙ୍କ ମିଛ ଓ ଅଶ୍ଲୀଳ ଭିଡିଓ ଭାଇରାଲ କରିଥିଲେ । ବାକ୍ ସ୍ୱାଧିନତାର ଅର୍ଥ ମିଛ ଖବର ପ୍ରସାରଣ କରିବା ନୁହେଁ ।

କେବଳ ବିଜେଡିର ସାଂସଦ ନୁହେଁ ବୈଜୟନ୍ତଙ୍କ ଟ୍ୱିଟକୁ ଅନେକ ବ୍ୟକ୍ତି ସମାଲୋଚନା କରିବା ସହ ଟ୍ରୋଲ୍ ମଧ୍ୟ କରିଛନ୍ତି ।

   Related Posts