Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରେ ଅଧିକ ପ୍ରଭାବିତ ୧୦୦ ଜିଲ୍ଲାର କଲେକ୍ଟରଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||
  • ଶ୍ରୀମନ୍ଦିର ବନ୍ଦ, ସେବାୟତ ପରିବାରଙ୍କୁ ୧୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କଲା ଶ୍ରୀ ମନ୍ଦିର ପ୍ରଶାସନ
  • ||
  • କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ରହିବ ୧୨ ରୁ ୧୬ ସପ୍ତାହ, ପ୍ରସ୍ତାବକୁ ସ୍ଵୀକାର କଲେ କେନ୍ଦ୍ର ସରକାର
  • ||
  • କରୋନା ଲଢେଇରେ ମିଳିଲା ତୃତୀୟ ଅସ୍ତ୍ର ! ଆଗାମୀ ସପ୍ତାହରେ ବଜାରରେ ମିଳିବ ସ୍ପୁଟନିକ୍-ଭି, ଜୁଲାଇରେ ଦେଶରେ ଆରମ୍ଭ ହେବ ଉତ୍ପାଦନ
  • ||
  • ପାଟନା : ମେ’ ୨୫ ଯାଏଁ ରାଜ୍ୟରେ ବଢିଲା ଲକ୍‌ଡାଉନ୍, ବିହାର ମୁଖ୍ୟମନ୍ତ୍ରୀ କଲେ ଘୋଷଣା
  • ||
  • ମୁମ୍ବାଇ : ଟିଭି ଅଭିନେତା ରାଜୀବ ପାଲ୍ କରୋନା ସଂକ୍ରମିତ, ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ବାଜା, ବାଣ, ବରଯାତ୍ରୀ ବିନା ବାହାଘର, ବାଇକ୍‌ରେ କନ୍ୟାକୁ ସାଙ୍ଗରେ ନେଇ ଘରକୁ ଫେରିଲେ ବର
  • ||
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||

ଗଣଶିକ୍ଷା ମନ୍ତ୍ରୀ ସମୀରଙ୍କୁ ପ୍ରଦୀପ ମହାରଥୀ କହିଲେ- ‘ଛୁଆ ଜନ୍ମ କରି ବାଞ୍ଝ ଦୋଷ ଦୂର କରିଦେଲେ ଚଳିବନି’… ଜାଣନ୍ତୁ ପୂରା ଘଟଣା

20/11/2019 at 1:29 PM

ଭୁବନେଶ୍ବର ୨୦।୧୧: ଆଜି ମଧ୍ୟ ଆଟାକିଂ ମୁଡ୍ ରେ ପ୍ରଦୀପ ମହାରଥୀ । ଆଜି ମହାରଥୀଙ୍କ ଶିକାର ହୋଇଥିଲେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ । ଗୃହରେ ବିଭିନ୍ନ ବିଭାଗ ଉପରେ ଆଲୋଚନା ଚାଲିଛି । ବିଭିନ୍ନ ପ୍ରଶ୍ନର ଉତ୍ତର ରଖୁଛନ୍ତି ବିଭିନ୍ନ ବିଭାଗର ମନ୍ତ୍ରୀ । ଗୃହରେ ବିଦ୍ୟାଳୟ ଓ ଗଣଶିକ୍ଷା ବିଭାଗର ପ୍ରଶ୍ନତ୍ତୋର କାଳରେ ବିଭାଗୀୟ ମନ୍ତ୍ରୀ ସମୀର ଦାଶ ସ୍କୁଲଗୁଡିକରେ ପାଇଖାନା ନିର୍ମାଣ ନେଇ ସୂଚନା ଦେଇଥିଲେ ।

ମନ୍ତ୍ରୀ କହିଥିଲେ ଯେ, କେନ୍ଦ୍ର ଓ ରାଜ୍ୟ ସରକାରଙ୍କ ସହଭାଗିତାରେ ରାଜ୍ୟରେ ୧୬ ହଜାର ୧୧୭ଟି ମଧ୍ୟ ଇଂରାଜୀ ବିଦ୍ୟାଳୟରେ ପାଇଖାନା ନିର୍ମିତ ହୋଇଛି । ୨୮୮ଟି ସରକାରୀ ଉଚ୍ଚ ବାଳିକା ବିଦ୍ୟାଳୟରେ ପାଇଖାନା ତିଆରି ହୋଇଛି । କେବଳ କେନ୍ଦ୍ରାପଡାର ଗୋଟିଏ ବାଳିକା ଉଚ୍ଚ ବିଦ୍ୟାଳୟରେ ପାଇଖାନା ନାହିଁ ।

ସେହିପରି ୧୧ଟି ସରକାରୀ ଅନୁଦାନପ୍ରାପ୍ତ ବାଳିକା ଉଚ୍ଚ ବିଦ୍ୟାଳୟରେ ପାଇଖାନା ନାହିଁ । ସ୍ଥାନ ଅସୁବିଧା ଯୋଗୁଁ ଏହା ସମ୍ଭବ ହୋଇପାରିନି । ବିଭାଗ ଏଥିପାଇଁ ପଦକ୍ଷେପ ନେଉଛି ବୋଲି ମନ୍ତ୍ରୀ କହିଛନ୍ତି ।

ମନ୍ତ୍ରୀ ସମୀର ଦାଶଙ୍କ ଉତ୍ତର ପରେ ତାଙ୍କୁ ଆଜି ଟାର୍ଗେଟ୍ କରିଥିଲେ ଶାସକ ଦଳର ବିଧାୟକ ପ୍ରଦୀପ ମହାରଥୀ । ମନ୍ତ୍ରୀଙ୍କୁ ମହାରଥୀ କହିଥିଲେ ଯେ, ଖାଲି ଛୁଆ ଜନ୍ମ କରି ବାଞ୍ଝ ଦୋଷ କାଟିଦେଲେ ହେବନି । ପାଇଖାନା କଲେ କ’ଣ ହେବ? ପାଣିର ବନ୍ଦୋବସ୍ତ କରିଛନ୍ତି କି ବୋଲି ମହାରଥୀ ତୀର୍ଯକ ପ୍ରଶ୍ନ କରିଥିଲେ । ଏଥିସହ ପାଇଖାନା ସଫା କରିବାକୁ ସୁଇପର୍ ରଖିଛ କି ବୋଲି ମଧ୍ୟ ପ୍ରଶ୍ନ କରିଥିଲେ ।

ମହାରଥୀଙ୍କ ଏଭଳି ପ୍ରଶ୍ନର ଉତ୍ତର ରଖି ମନ୍ତ୍ରୀ ସମୀର ଦାଶ କହିଥିଲେ ଯେ, ପାଣି ବ୍ୟବସ୍ଥା ଅଛି କିନ୍ତୁ ସୁଇପର୍ ପାଇଁ ସରକାରଙ୍କର କିଛି ମଞ୍ଜୁରୀ ନାହିଁ ।

ଗତକାଲି ମଧ୍ୟ ବିଧାନସଭାରେ ପ୍ରଦୀପ ମହାରଥୀ ଦୁଇ ଦୁଇ ଜଣ ବରିଷ୍ଠ ମନ୍ତ୍ରୀଙ୍କୁ ପ୍ରଶ୍ନବାଣ ଏବଂ କଟାକ୍ଷରେ ଘାଇଲା କରିଥିଲେ । ପଞ୍ଚାୟତିରାଜ ମନ୍ତ୍ରୀ ପ୍ରତାପ ଜେନାଙ୍କୁ ପ୍ରଦୀପ ମହାରଥୀ ପାନୀୟ ଜଳ ଯୋଗାଣ ସଂପର୍କରେ ପ୍ରଶ୍ନ ପଚାରିଥିଲେ । ପ୍ରତି ଘରକୁ ୨୦୨୦ ସୁଦ୍ଧା ପାନୀୟ ଜଳ ଯୋଗାଇ ଦିଆଯିବ ବୋଲି ନିକଟ ଅତୀତରେ ମନ୍ତ୍ରୀ ଏକ ସାମ୍ବାଦିକ ସମ୍ମିଳନୀରେ ଦେଇଥିବା ବିବୃତ୍ତିକୁ ଉଦ୍ଧାର କରି ପ୍ରଦୀପ ମହାରଥୀ ମନ୍ତ୍ରୀ ପ୍ରତାପ ଜେନାଙ୍କୁ ଟାର୍ଗେଟ୍ କରିଥିଲେ । ତେବେ ମନ୍ତ୍ରୀ ଜେନା ସ୍ପଷ୍ଟ କରିଥିଲେ ଯେ, ୨୦୨୪-୨୫ସୁଦ୍ଧା ସବୁ ଘରକୁ ପାନୀୟ ଜଳ ଯୋଗାଣ କରାଯିବ ।

ସେହିଭଳି ମନ୍ତ୍ରୀ ଶ୍ରୀ ଜେନାଙ୍କ ପାଖରେ ବସିଥିବା କୃଷି ମନ୍ତ୍ରୀଙ୍କୁ ମଧ୍ୟ ମହାରଥୀ କଟାକ୍ଷ କରିଥିଲେ । କୃଷି ମନ୍ତ୍ରୀ ଅରୁଣ ସାହୁଙ୍କୁ ସେ ବିଶ୍ବ କଳାକାର ବୋଲି କହିଥିଲେ । ସୂଚନାଯୋଗ୍ୟ ଯେ, ଚଳିତ ମନ୍ତ୍ରୀମଣ୍ଡଳରେ ପ୍ରଦୀପ ମହାରଥୀ ସ୍ଥାନ ପାଇନାହାନ୍ତି । ଫଳରେ ସେ ଗୃହରେ ଅନ୍ୟ ମନ୍ତ୍ରୀମାନଙ୍କୁ ହରଡଘଣାରେ ପକାଉଛନ୍ତି ।

   Related Posts