Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

ମୋତେ ନଦେଲେ ପୁଅକୁ ଦିଅ ! ବିଜେଡିରେ ବରିଷ୍ଠ ନେତାଙ୍କ ଲବି ମୁଖିଆଙ୍କ ପାଇଁ ମୁଣ୍ଡବିନ୍ଧା

19/03/2019 at 6:25 PM

ଭୁବନେଶ୍ବର୧୯|୩: ପ୍ରଥମ ଦୁଇ ପର୍ଯ୍ୟାୟରୁ ଆଉ ୯ ବିଧାନସଭା ଟିକେଟ ଟେନସନ ଛିଣ୍ଡିନଥିବା ବେଳେ ବାକି ଦୁଇ ପର୍ଯ୍ୟାୟ ପାଇଁ ଆଶାୟିଙ୍କ ଲମ୍ବା ଲାଇନ ମୁଖିଆଙ୍କ ମୁଣ୍ଡ ବିନ୍ଧା ବଢାଇ ଦେଇଛି । ଏତିକି ବେଳେ ଦଳର ପୁରୁଖା ନେତା ପୁଅ ମାନଙ୍କ ପାଇଁ ଲବି ଆରମ୍ଭ କରିଦେଇଛନ୍ତି । ଆଉ କିଛି ବରିଷ୍ଠ ତ ଏକପ୍ରକାର ଯିଦି କରୁଛନ୍ତି ଟିକେଟ ନେବାକୁ । ଯାହାକୁ ନେଇ ବିଜେଡି ରାଜନୀତି ସରଗରମ ହୋଇଛି ।…

ମୋତେ ନଦେଲେ ପୁଅକୁ ଦିଅ । ବୟସ ପାଇଁ ଆଉ ନିର୍ବାଚନ ଲଢ଼ିପାରିବେନି ଭାବୁଥିବା ନେତା ବିଧାୟକମାନେ ଏବେ ପୁଅ ପାଇଁ ଲବି କରୁଛନ୍ତି । ପ୍ରଥମ ଦୁଇ ପର୍ଯ୍ୟାୟ ଟିକେଟ ବଣ୍ଟା ଏକ ପ୍ରକାର ସରିଥିଲା ବେଳେ ବାକି ଦୁଇ ପର୍ଯ୍ୟାୟ ପାଇଁ ଲବି ଯୋରଦାର ହେବାରେ ଲାଗିଛି । ଯେହେତୁ ପ୍ରଥମ ଓ ଦ୍ବୀତୀୟ ପର୍ଯ୍ୟାୟ ଟିକେଟ ବଣ୍ଟାରୁ ସ୍ପଷ୍ଟ ହୋଇଛି  ଯେ ୨୦୧୪ରେ ଲଢିଥିବା ପାଖାପାଖି ୫୦ ପ୍ରତିଶତ ବିଧାୟକଙ୍କ ଟିକେଟ କଟିଛି ସେଥିପାଇଁ ୩ୟ ଓ ୪ର୍ଥ ପର୍ଯ୍ୟାୟରେ ଥିବା ଆଶାୟୀଙ୍କ ଲବି ଜୋରଦାର ହୋଇଛି ।ସେପଟେ ବରିଷ୍ଠ ବିଜେଡି ନେତାମାନେ ଏବେ ନିଜ ପୁଅଙ୍କ ପାଇଁ ଲବି କରିବାକୁ ାସୁଥିବା ଦେଖିବାକୁ ମିଳିଛି । ବିଜୟଶ୍ରୀ ରାଉତରାୟ, ସୁରେନ୍ଦ୍ରନାଥ ନାୟକଙ୍କଭଳି କିଛି ନେକାଙ୍କୁ ଆଜି ନବୀନ ନିବାସ ସାମ୍ନାରେ ଦେଖିବାକୁ ମିଳିଛି ।  

କିଛି ବରିଷ୍ଠ ନେତା ଏବେବି ଅଡି ରହିଛନ୍ତି ।  ବାଲିକୁଦା ଏରସମାରୁ ବରିଷ୍ଠ ନେତା ଉମେଶ ସ୍ବାଇଁ ଟିକେଟ ନେବାକୁ ହକଦାର ବୋଲି ଦାବି କରିଛନ୍ତି । ସେହିଭଳି ମାହାଙ୍ଗାରୁ ବିକ୍ରମ ବର୍ମା ପ୍ରାର୍ଥୀ ହେବା ଆଶାରେ ନବୀନ ନିବାସରେ ପହଞ୍ଚିଛନ୍ତି ଆଉ ବଖାଣିଛନ୍ତି ବର୍ତ୍ତମାନ ବିଧାୟକ ପିସି ନେଉଥିବାରୁ ଲୋକେ ଚାହୁଁଛନ୍ତି ସେ ପ୍ରାର୍ଥୀ ହୁଅନ୍ତୁ। ସେପଟେ ରମେଶଚନ୍ଦ୍ର ଚ୍ୟାଉପଟନାୟକଙ୍କ ଭଳି ନେତା ଯିଏ ଟିକେଟ ପାଇଲେନି ସିଏ ମନବୁଝେଇ କହୁଛନ୍ତି ଦଳ ତାଙ୍କୁ କେଉଁଠି ନା କେଉଁଠି ଥଇଥାନ କରିବ ।

ସେପଟେ ପ୍ରଥମ ଦୁଇ ପର୍ଯ୍ୟାୟରୁ ବାକିଥିବା ୯ ବିଧାନସଭା ସିଟ ପାଇଁ ବି କିଛି କମ୍ ଲବି ହେଉନି । ଯେହେତୁ ସେଠି ଟିକେଟ ନମିଳିଲେ ଆଶାୟି ମାନେ ଦଳ ଛାଡିଯିବାଭଳି ସ୍ଥିତି ଅଛି ସେଥିପାଇଁ କସରତ ଟିକେ ଟାଇଟ ହେଉଛି । ଲାଞ୍ଚିଗଡ ଆସନରୁ ଆଶାୟି ବଳଭଦ୍ର ମାଝି ଓ ବ୍ରଜରାଜ ନଗରରୁ ଆଶାୟି ଅନୁପ ସାଏ ଆଜି ନବୀନ ନିବାସ ଆସି ଟିକେଟ ଖବର ବୁଝିଛନ୍ତି । ଆଜି ନହେଲେ କାଲି ସନ୍ଧ୍ୟା ସୁଧା ଏହି ୯ ସିଟର ଟିକେଟ ଘୋଷଣା ହେବାକୁ ଥିବାରୁ ଆଶାୟୀମାନେ ପୁରା କଳବଳ ଲଗାଇଛନ୍ତି ।

ଗ୍ରାଉଣ୍ଡ ରିପୋର୍ଟ ଆଧାରରେ ବିଜେଡି ପ୍ରାର୍ଥିଙ୍କୁ ଟିକେଟ ଦେଉଛି । କିନ୍ତୁ ସବୁ ଆଶାୟୀ ଏଥିରେ ସନ୍ତୁଷ୍ଟ ହେଉନାହାଁନ୍ତି । ଆଗଭଳି ଚୁପ୍  ବସିବା ସ୍ଥିତିରେ ବି ନାହାଁନ୍ତି ।

   Related Posts