ଭୁବନେଶ୍ବର ୯|୧୦: ମୋ ସରକାର ଏବଂ 5-T ନେଇ ବିଜେଡି ନେତା ଅରୁପ ପଟ୍ଟନାୟକ ସିନେମାର ଉଦାହରଣ ନେଇଛନ୍ତି । ଅରୂପ ପଟ୍ଟନାୟକ ଜଣେ ପୂର୍ବତନ ପୋଲିସ ପ୍ରଶାସକ । ଏକଦା ମୁମ୍ବାଇର ପୋଲିସ କମିଶନର ଥିବା ଅରୂପ ଅବସର ନେବାପରେ ସେ ବିଜେଡିରେ ଯୋଗ ଦେବା ସହ ଭୁବନେଶ୍ବର ଲୋକସଭା ଆସନରୁ ପ୍ରାର୍ଥୀହୋଇ ପରାଜିତ ହୋଇଥିଲେ । ଆଜି ଏହି ନେତା ବିଜେଡି ସରକାରଙ୍କ ମୋ ସରକାର ଏବଂ 5-T ବାବଦରେ ପ୍ରତିକ୍ରୀୟା ରଖିଥିଲେ ।
ସେ କହିଥିଲେ ଯେ, ଥାନାର ସତ କଣ ସେକଥା ଅର୍ଦ୍ଧସତ୍ୟ ଓ ଗଙ୍ଗାଜଲ୍ ସିନେମାରୁ ଜଣାପଡୁଛି ।ଥାନାର ସତ କଣ ସେକଥା ସେ ମଧ୍ୟ ଜଣନ୍ତୁ ବୋଲି କହିଛନ୍ତି । ସବୁ ଅଧିକାରୀଙ୍କୁ ଗଙ୍ଗାଜଲ ସିନେମା ଦେଖିବା କଥା, ତାହେଲେ ଥାନାର ସତ ଜାଣିପାରିବେ ବୋଲି ସେ ପରାମର୍ଶ ଦେଇଛନ୍ତି ।
ସବୁ ଅଧିକାରୀ ଅଜୟ ଦେବଗନଙ୍କ ପରି ହେବା ଦରକାର ।ଥାନାରେ ଭି୍ତ୍ତିଭୂମି ଓ ଅଧିକାରୀ ଅଭାବ ନେଇ ମଧ୍ୟ ପୂର୍ବତନ ପୋଲିସ ପ୍ରସାସକ ତଥା ବିଜେଡି ନେତା ଅରୂପ ପଟ୍ଟନାୟକ ପ୍ରତିକ୍ରୀୟା ରଖିଛନ୍ତି । ଅଧିକାରୀମାନେ ଖାଲି ସାଲୁଟ ନେବେ, ଦାୟିତ୍ବ ନେବେନି ଏମିତି କେମିତି ହେବ ବୋଲି ସେ ପ୍ରଶ୍ନ କରିଛନ୍ତି । ମୋ ସରକାର ଯୋଜନା ଲାଗୁ ନେଇ କଷ୍ଟ ହୋଇପାରେ କିନ୍ତୁ ଅସମ୍ଭବ ନୁହେଁ ବୋଲି ସେ କହିଛନ୍ତି । ସରକାର ଓ ମୁଖ୍ୟମନ୍ତ୍ରୀଙ୍କ ଇଚ୍ଛାଶକ୍ତି ଅଛି, ସବୁ ହୋଇପାରିବ ବୋଲି ସେ ଆଶା ପ୍ରକାଶ କରିଛନ୍ତି
wp:html /wp:html