Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଭଦ୍ରକ ଜିଲ୍ଲାରେ ଏଥର ବି ବିଜେଡି ଏକ ନମ୍ବର : କିନ୍ତୁ କମିଛି ପତିଆରା, କାହାକୁ ବି ମିଳିଲାନି ମନ୍ତ୍ରୀପଦ

29/05/2019 at 1:16 PM

ଭଦ୍ରକ ୨୯|୫: ନବୀନଙ୍କ ନୂଆ ମନ୍ତ୍ରିମଣ୍ଡଳରେ ଭଦ୍ରକ ଜିଲ୍ଲାରୁ କାହାକୁ ବି ସ୍ଥାନ ମିଳିନି । ବରଂ ଗତ ଥର ମନ୍ତ୍ରୀ ଥିବା ପ୍ରଫୁଲ୍ଲ ସାମଲ ଏଥର ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କୁ ପରାସ୍ତ କରିଥିଲେ ମଧ୍ୟ ତାଙ୍କୁ ନବୀନ ମନ୍ତ୍ରୀମଣ୍ଡଳକୁ ଫେରାଇ ନହାନ୍ତି ।

ସେହିଭଳି ପୂର୍ବତନ ମନ୍ତ୍ରୀ ତଥା ବାସୁଦେବପୁର ବିଧାୟକ ବିଜୟଶ୍ରୀ ରାଉତରାୟ ଏଥର ନିର୍ବାଚନ ଲଢିନଥିଲେ ମଧ୍ୟ ପୁଅ ବିଷ୍ଣୁବ୍ରତ ରାଉତ ରାୟ ନିର୍ବାଚନ ଲଢି ବିଜୟୀ ହୋଇଛନ୍ତି । ଯେହେତୁ ସେ ପି୍ରଥମ ଥର ପାଇଁ ବିଧାନସଭାକୁ ନିର୍ବାଚିତ ହୋଇଛନ୍ତି ସେ ମନ୍ତ୍ରୀ ହେବାର ସମ୍ଭାବନା ନଥିଲା । କିନ୍ତୁ ସମସ୍ତେ ଆଶା କରୁଥିଲେ ଦ୍ବିତୀୟ ଥର ପାଇଁ ବିଧାନସବାକୁ ନିର୍ବାଚିତ ହୋଇଥିବା ଚାନ୍ଦବାଲି ବିଧାୟକଙ୍କୁ ମନ୍ତ୍କୀ ପଦ ମିଳିପାରେ ବୋଲି । କିନ୍ତୁ ତାହା ମଧ୍ୟ ଗେଲା ନାହିଁ ।

 ସୂଚନାଯୋଗ୍ୟ ଯେ, ଭଦ୍ରକ ଜିଲ୍ଲାରେ ବିଜେଡି ଏଥର ବି ବାଜିମାତ କରିଛି  । ତେବେ  ୨୦୧୪ ନିର୍ବ।ଚନ ଭଳି  ଦଳ ସେମିତି ପ୍ରଦର୍ଶନ କରି ନାହିଁ । ଜିଲ୍ଲାର ୫ଟି ବିଧାନସଭା ନିର୍ବ।ଚନ ମଣ୍ଡଳୀରୁ ଧାମନଗର ବିଧାନସଭା  କ୍ଷେତ୍ରଟି ଦଳ ହାତରୁ ଚାଲିଯାଇଛି । ସେହିପରି ବିଜେଡିର ସାଂସଦ ପ୍ରାର୍ଥୀ ଜିତି ଥିଲେ ବି ବିଜୟ ବ୍ୟବଧାନ ବହୁତ କମିଛି । 

ଭଦ୍ରକ ଜିଲ୍ଲାରେ ଏଥର ବି ବିଜେଡି ଏକ ନମ୍ବର,  କିନ୍ତୁ କମିଛି ପତିଆରା । ସାଂସଦ ଆସନ ସହ ଜିଲ୍ଲାର ୫ଟି ବିଧାନସଭା ଆସନରୁ ଦଳ ୪ ଟି ଆସନରେ ବିଜୟୀ ହୋଇଛି । କିନ୍ତୁ ୨୦୧୪ ନିର୍ବ।ଚନ ତୁଳନାରେ ଦଳର  ସଂଖ୍ୟା ତ କମିଛି , ବିଜୟ ଭୋଟ ବ୍ୟବଧାନ  ବି ଖସିଛି । ୨୦୧୪ ରେ ରେ ବିଜେଡି ପାଂଚରୁ ପାଂଚ ବିଧାୟକ ଏବଂ  ଏମପି ଆସନ ଜିତିଥିଲା ଓ ବିଜୟ ବ୍ୟବଧାନ ବି ଅଧିକ ରହିଥିଲା ।

ଏଥର ବାସୁଦେବପୁର , ଭଦ୍ରକ ଓ ଧାମନଗର ବିଧାନସଭା ଆସନ ସହ ସାଂସଦ ପ୍ରାର୍ଥୀ ମଧ୍ୟ ପରିବର୍ତ୍ତନ କରିଥିଲା ବିଜେଡି । ଚାନ୍ଦବାଲି ବିଧାୟକ ବ୍ୟୋମକେଶ ରାୟ ଓ ଭଣ୍ଡାରୀପୋଖରୀ ବିଧାୟକ ପ୍ରଫୁଲ୍ଲ ସାମଲ  ପୁଣି ପ୍ରାର୍ଥୀ ହୋଇଥିଲେ । ୨୦୧୪ ରେ  ଏହି ଦୁଇ ଆସନରେ ବିଜୟ ବ୍ୟବଧାନ ୨୫ ହଜାରରୁ ଅଧିକ ଥିବା ବେଳେ ଏଥର ତାହା ୮ ହଜାରକୁ ଖସି ଆସିଛି । 

ଭଦ୍ରକରେ ବିଜେଡିର ଭୋଟ୍ ବ୍ୟବଧାନ ସିନା କମିଛି  , କିନ୍ତୁ  ମୂଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲୋକପ୍ରିୟତା କମି ନାହିଁ । ଏକଥା ସାଧାରଣ ଜନତଙ୍କ କଥା  । ଭଦ୍ରକ ଲୋକସଭା ଆସନରେ  ଜଣେ  ମହିଳାଙ୍କୁ ପ୍ରାର୍ଥୀ  କରି ସଫଳ ହୋଇଛି ଦଳ । ବିଜେଡିର ବରିଷ୍ଠ ନେତା ଯୁଗଳ କିଶୋର ପଟ୍ଟନାୟକ ଓ ୮ ଥରର ସାଂସଦ ଅର୍ଜୁନ ସେଠୀଙ୍କ ପୁଅଙ୍କୁ  ଦଳ ଟିକେଟ ନ ଦେଇ ଦଳ ରିସ୍କ ନେଇଥିଲା । କିନ୍ତୁ ବାଜି ମାରିଲା । 

ଦିନ କେଇଟା ପରେ ପୌର ନିର୍ବ।ଚନ ଅନୁଷ୍ଠିତ ହେବ । ପୁଣି ଦଳ ଆଉ ଏକ ଲଢେଇର ସାମ୍ନା କରିବ । ତେବେ ପାର୍ଟିର ତ ଲୋକପ୍ରିୟତା ରହିଛି , ଆଉ ସେମିତି ପ୍ରାର୍ଥୀକୁ ଦଳ ଟିକେଟ ଦେବ, ଯିଏ ଜିତିବେ ।  ଏକଥା  ବିଜେଡି ଏହି ନିର୍ବ।ଚନରେ ବୁଝିଛି ନିଶ୍ଚୟ ।

   Related Posts