ଭୁବନେଶ୍ୱର ୮/୪ : ଶେଷରେ ବିଜେଡି ଆଜି କେନ୍ଦ୍ରାପଡ଼ା ଆସନ ପାଇଁ ପାର୍ଥୀ ଘୋଷଣା କରିଛି । ଅର୍ଥମନ୍ତ୍ରୀ ଶଶୀଭୂଷଣ ବେହେରାଙ୍କୁ ବିଜେଡି କେନ୍ଦ୍ରାପଡ଼ାରେ ପ୍ରାର୍ଥୀ କରିଛି । ଫଳରେ କେନ୍ଦ୍ରାପଡ଼ା ଆସନକୁ ନେଇ ଲାଗି ରହିଥିବା ସସ୍ପେନ୍ସର ଅବସାନ ଘଟିଛି । ଆସନ୍ତାକାଲି କେନ୍ଦ୍ରାପଡ଼ା ଆସନ ପାଇଁ ପ୍ରାର୍ଥୀପତ୍ର ଦାଖଲ କରିବାର ଶେଷ ତାରିଖ ହେଉଥିବାରୁ । ଆସନ୍ତାକାଲି ଶଶୀଭୂଷଣ ବେହେରା ତାଙ୍କ ପ୍ରାର୍ଥୀପତ୍ର ଦାଖଲ କରିବେ । ଶଶୀଭୂଷଣଙ୍କୁ ଗତ କିଛିଦିନ ଧରି ବିଜେଡ଼ି କେନ୍ଦ୍ରାପଡ଼ାରୁ ପ୍ରାର୍ଥୀ ହେବା ପାଇଁ କହି ଆସୁଥିଲା । କିନ୍ତୁ ନିଜ ଅଞ୍ଚଳ ଛାଡ଼ି କେନ୍ଦ୍ରାପଡ଼ାରୁ ପ୍ରାର୍ଥୀ ହବାପାଇଁ ଶଶୀଭୂଷଣ ଅମଙ୍ଗ ହେଉଥିଲେ । ଶେଷରେ ଆଜି ଅପରାହ୍ନରେ ତାଙ୍କୁ ମନେଇବାରେ ବିଜେଡି ସକ୍ଷମ ହୋଇଛି । ଶଶୀଭୂଷଣ ଏବେ ଜୟଦେବ ବିଧାନସଭା ନିର୍ବାଚନ ମଣ୍ଡଳୀର ବିଧାୟକ ଅଛନ୍ତି । ଏଥର ମଧ୍ୟ ସେ ଜୟଦେବ ଆସନରୁ ନିର୍ବାଚନ ଲଢିବାପାଇଁ ଆଶାୟୀ ଥିଲେ । କିନ୍ତୁ ଦଳ ତାଙ୍କୁ ଜୟଦେବ ଆସନରୁ ପ୍ରାର୍ଥୀ କରିନଥିଲା । ସେଠାରେ ପୂର୍ବତନ ବିଧାୟକ ଅରବିନ୍ଦ ଢାଲିଙ୍କୁ ପ୍ରାର୍ଥୀ କରାଯାଇଛି ।
ଦ୍ବିତୀୟ ପର୍ଯ୍ୟାୟରେ ୨୪ ହେଭିଓ୍ବେଟ୍ ; ରାହୁଲ, ଥରୁର...
