Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜଳେଶ୍ୱର : ଭାରସାମ୍ୟ ହରାଇ ରାସ୍ତାକଡ଼କୁ ଓଲଟିଲା ଯାତ୍ରୀବାହୀ ବସ୍‌, ଗାଡିରେ ଥିଲେ ୫୦ରୁ ଅଧିକ ଲୋକ
  • ||
  • ନୂଆଦିଲ୍ଲୀ : ଦେଶ ପାଳୁଛି ୭୨ତମ ସାଧାରଣତନ୍ତ୍ର ଦିବସ
  • ||
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||

କେନ୍ଦୁଝରରୁ ଚନ୍ଦ୍ରାଣୀ ଓ ଢେଙ୍କାନାଳରୁ ମହେଶଙ୍କୁ ପ୍ରାର୍ଥୀ କରିବା ସହ ବିଜେଡିର ସମସ୍ତ ଲୋକସଭା ଆସନ ପାଇଁ ସରିଲା ପ୍ରାର୍ଥୀ ଘୋଷଣା, ଜାଣନ୍ତୁ କିଏ କେଉଁଠୁ…

2/04/2019 at 6:05 PM

ଭୁବନେଶ୍ବର ୨|୪ : ବିଜେଡି ଆଜି ଅଷ୍ଟମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିବାପରେ ବିଜେଡିର ୨୧ଟି ଲୋକସଭା ଆସନ ପାଇଁ ପ୍ରାର୍ଥୀ ତାଲିକା ଘୋଷଣା ସମାପ୍ତ ହୋଇଛି । କେନ୍ଦୁଝରରୁ ଚନ୍ଦ୍ରାଣୀ ମୁର୍ମୁଙ୍କୁ ପ୍ରାର୍ଥୀ କରାଯାଇଥିବାବେଳେ ଢେଙ୍କାନାଳରୁ ମହେଶ ସାହୁଙ୍କୁ ପ୍ରାର୍ଥୀ କରାଯାଇଛି ।

ଚନ୍ଦ୍ରାଣୀ ମୁର୍ମୁ ଗତକାଲି ବିଜେଡିରେ ଯୋଗଦେଇଥିଲେ ।ଚନ୍ଦ୍ରାଣୀ ମୁର୍ମୁ ହେଉଛନ୍ତି କେନ୍ଦୁଝରର ପୂର୍ବତନ କଂଗ୍ରେସ ସାଂସଦ ହରିହର ସୋରେନଙ୍କ ନାତୁଣୀ । ତେବେ ଚନ୍ଦ୍ରାଣୀ ରାଜନୀତିରେ ସମ୍ପୂର୍ଣ୍ଣ ନୂଆ । ଚନ୍ଦ୍ରାଣୀଙ୍କୁ ପ୍ରାର୍ଥୀ କରିବା ଫଳରେ କେନ୍ଦୁଝର ସାଂସଦ ଶକୁନ୍ତଳା ଲାଗୁରୀଙ୍କ ଟିକେଟ କଟିଛି । ଟିକେଟ ନମିଳିବା ଆଶଂକା ଯୋଗୁଁ ଶକୁନ୍ତଳା ବିଜେଡି ଛାଡିବେ ବୋଲି ମଧ୍ୟ ଆଲୋଚନା ହେଉଥିଲା ।

ସେହିଭଳି ଢେଂକାନାଳ ସାଂସଦ ତଥାଗତ ଶତପଥୀ ଏଥର ନିର୍ବାଚନ ଲଢିବେ ନାହିଁ ବୋଲି ଘୋଷଣା କରିବା ପରେ ଢେଂକାନାଳରୁ ଦଳ କାହାକୁ ପ୍ରାର୍ଥୀ କରିବ ତାକୁ ନେଇ ଚିନ୍ତାରେ ପଡିଥିଲା । ତେବେ ପାଲଲହଡା ବିଧାୟକ ମହେଶ ସାହୁଙ୍କୁ ଢେଙ୍କାନାଳ ପ୍ରାର୍ଥୀ କରି ଲୋକସଭା ପ୍ରାର୍ଥୀ ତାଲିକାରେ ମୁଣ୍ଡି ମାରିଛି । ବିଜେପି ଢେଙ୍କାନାଳ ଲୋକସଭା ପାଇଁ ରୁଦ୍ର ନାରାୟଣ ପାଣିଙ୍କୁ ପ୍ରାର୍ଥୀ କରିଛି ।

ବିଜେଡିର ୨୧ଜଣ ଲୋକସଭା ପ୍ରାର୍ଥୀ ହେଲେ- ବ୍ରହ୍ମପୁରରୁ ଚନ୍ଦ୍ରଶେଖର ସାହୁ, ନବରଙ୍ଗପୁରରୁ ରମେଶ ମାଝୀ, କୋରାପୁଟରୁ କୌଶଲ୍ୟା ହିକକା,କଳାହାଣ୍ଡିରୁ ପୁଷ୍ପନ୍ଦ୍ର ସିଂ ଦେଓ, କନ୍ଧମାଳରୁ ଅଚ୍ୟୁତ ସାମନ୍ତ, ଆସିକାର ପ୍ରମିଳା ବିଶୋଇ, ବଲାଙ୍ଗୀରରୁ କଳିକେଶ ନାରାୟଣ ସିଂ ଦେଓ, ବରଗଡରୁ ପ୍ରସନ୍ନ ଆଚାର୍ଯ୍ୟ, ସୁନ୍ଦରଗଡରୁ ସୁନୀତା ବିଶ୍ବାଳ, କେନ୍ଦ୍ରାପଡାରୁ ଅନୁଭବ ମହାନ୍ତି, ଭୁବନେଶ୍ବରରୁ ଅରୂପ ପଟ୍ଟନାୟକ, କଟକରୁ ଭର୍ତ୍ତୃହରି ମହତାବ, ପୁରୀରୁ ପିନାକୀ ମିଶ୍ର, ବାଲେଶ୍ବରରୁ ରବୀନ୍ଦ୍ର ଜେନା, ଭଦ୍ରକରୁ ମଞ୍ଜୁଲତା ମଣ୍ଡଳ, ମୟୂରଭଂଜରୁ ଦେବାଶିଷ ମାରାଣ୍ଡ, ଜଗତସିଂହପୁରରୁ ରାଜଶ୍ରୀ ମଲ୍ଲିକ, ସମ୍ବଲପୁରରୁ ନଳିନୀକାନ୍ତ ପ୍ରଧାନ, ଯାଜପୁର ସସ୍ମିତା ସେଠୀ, କେନ୍ଦୁଝରରୁ ଚନ୍ଦ୍ରାଣୀ ମୁର୍ମୁ, ଢେଂକାନାଳ ମହେଶ ସାହୁ ପ୍ରର୍ଥୀ ହୋଇଛନ୍ତି ।  

   Related Posts