Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେଷ୍ଟ ପରେ ଓ୍ବାନ୍‌ ଡେ’ ସିରିଜ୍‌ କବ୍‌ଜା କଲା ଦକ୍ଷିଣ ଆଫ୍ରିକା, ଦ୍ବିତୀୟ ଦିନିକିଆରେ ଟିମ୍‌ ଇଣ୍ଡିଆ ୭ ଓ୍ବିକେଟରେ ଧରାଶୟୀ, ଭାରତ ୨୮୭/୬(୫୦ ଓଭର), ଦକ୍ଷିଣ ଆଫ୍ରିକା ୨୮୮/୩ (୪୮.୧ଓଭର)
  • ||
  • ରାଜ୍ୟରେ ଶୁକ୍ରବାର ସୁସ୍ଥହେଲେ ୧୦,୩୯୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୬୧୦ଜଣ ଡିସଚାର୍ଜ
  • ||
  • ହରଭଜନ ସିଂହ କରୋନା ଆକ୍ରାନ୍ତ, ନିଜକୁ କଲେ ଆଇସୋଲେଟ୍‌
  • ||
  • ଚୋରା ବାଲି କାରବାରରୁ ହତ୍ୟା, ଶ୍ରମିକଙ୍କ ଉପରେ ଚଢାଇଦେଲେ ଟ୍ରାକ୍ଟର !
  • ||
  • ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୯୮୩୩ କୋଭିଡ୍ ପଜିଟିଭ୍, ୧୧୮୭୨୯୫ରେ ପହଞ୍ଚିଲା ସଂଖ୍ୟା
  • ||
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

୧୮ ଲୋକସଭା ଆସନ ପାଇଁ ପ୍ରାର୍ଥୀ ଘୋଷଣା କରିସାରିଛି ବିଜେଡି, କାହିଁକି ଝୁଲିଲା କେନ୍ଦୁଝର, କଟକ ଓ ଢେଙ୍କାନାଳ ନିଷ୍ପତ୍ତି

28/03/2019 at 12:25 PM

ଭୁବନେଶ୍ବର ୨୮|୩ :  ବିଜେଡିର ତୃତୀୟ ଓ ଚତୁର୍ଥ ପର୍ଯ୍ୟାୟ ପାଇଁ ୯ ଲୋକସଭା ଓ ୩୬ ବିଧାନସଭା ଆସନ ପାଇଁ ପ୍ରାର୍ଥୀ ତାଲିକା ଘୋଷଣା ପରେ ଏବେ ଜୋର ଧରିଛି ରାଜନୈତିକ ଚର୍ଚ୍ଚା । ଖାସକରି ବିଜେଡି ଚତୁର୍ଥ ପର୍ଯ୍ୟାୟରେ ହେବାକୁ ଥିବା ୬ଟି ଲୋକସଭା ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିଥିବା ବେଳେ ତୃତୀୟ ପର୍ଯ୍ୟାୟରେ ହେବାକୁ ଥିବା ନିର୍ବାଚନ ପାଇଁ ୩ଟି ଆସନରେ ପ୍ରାର୍ଥୀ ଘୋଷଣା କରିନାହିଁ ।

ବିଜେଡି କେନ୍ଦ୍ରାପଡା ଭଳି ଆସନ ପାଇଁ ପ୍ରାର୍ଥୀ ଘୋଷଣା କରିଥିବା ବେଳେ ତୃତୀୟ ପର୍ଯ୍ୟାୟରେ ହେବାକୁ ଥିବା କଟକ, କେନ୍ଦୁଝର ଓ ଢେଙ୍କାନାଳ ପାଇଁ ପ୍ରାର୍ଥୀ ତାଲିକା ଘୋଷଣା କରିନି । କେନ୍ଦୁଝର, କଟକ ଓ ଢେଙ୍କାନାଳ ପାଇଁ ନବୀନଙ୍କ ଷ୍ଟ୍ରାଟେଜି କଣ ?

କଟକରୁ ବିଜେପି ପୂର୍ବତନ ଡିଜିପି ପ୍ରକାଶ ମିଶ୍ରଙ୍କୁ ପ୍ରାର୍ଥୀ କରିବା ପରେ ବିଜେଡି ଶିବିରରେ ମାନସମନ୍ଥନ ଚାଲିଛି । ଏପରିକି ଦଳ କଟକରୁ ଏବେ ସାଂସଦ ଥିବା ଭର୍ତ୍ତୃହରିଙ୍କୁ ନେଇ ଦ୍ୱନ୍ଦରେ ରହିଛି ଦଳ । ଭର୍ତ୍ତୃହରିଙ୍କୁ ପୁଣିଥରେ ମୈଦାନକୁ ଓହ୍ଲାଇବ ନା ପ୍ରକାଶଙ୍କ ବିରୋଧରେ ନୂଆ ମୁହଁଙ୍କୁ ସାମ୍ନାକୁ ଆଣିବ ତାକୁ ନେଇ ଦଳ ନିଷ୍ପତ୍ତି ନେଇପାରୁନାହିଁ । ଭର୍ତ୍ତୃହରିଙ୍କ ବିରୋଧରେ ରହିଥିବା ଆଣ୍ଟି ଇନକମ୍ବେନ୍ସି ଦଳ ପାଇଁ ଘାତକ ସାବ୍ୟସ୍ତ ହୋଇପାରେ ବୋଲି ମଧ୍ୟ ଚର୍ଚ୍ଚା ହେଉଛି । ଏଭଳି କ୍ଷେତ୍ରରେ ରାଜ୍ୟସଭାରୁ ସୌମ୍ୟରଞ୍ଜନ ପଟ୍ଟନାୟକଙ୍କୁ ଆଣି ଏଠାରୁ ପ୍ରାର୍ଥୀ କରିବା ଲାଗି ଗୋଟିଏ ଗୋଷ୍ଠୀ ପରାମର୍ଶ ଦେଉଛନ୍ତି । କୌଣସି କାରଣରୁ ପ୍ରକାଶ ଯଦି କଟକ ଆସନରୁ ବିଜୟୀ ହୁଅନ୍ତି ତାହାଲେ ଏହା ଦଳ ଗାଲରେ ଚାପୁଡା ହେବ ବୋଲି ବିବେଚନା କରାଯାଉଛି । ଏ ଦୃଷ୍ଟିରୁ କଟକ ଆସନ ସଂପର୍କରେ ନିଷ୍ପତ୍ତି ପ୍ରସଙ୍ଗ ବେଳକୁ ବେଳ ସ୍ପର୍ଶକାତରେ ହେବାରେ ଲାଗିଛି ।

ସେହିଭଳି ଢେଙ୍କାନାଳ ସାଂସଦ ତଥାଗତ ଶତପଥୀ ନିର୍ବାଚନ ଲଢିବାକୁ ମନା କରିବା ପରେ ଦଳ ଏଠାରେ ଦଶ କାହାକୁ ପ୍ରାର୍ଥୀ କରିବ ତାକୁ ନେଇ କନଫ୍ୟୁଜନରେ ପଡିଛି । ଦଳ ଏଠାରେ ଜଣେ ଯୋଗ୍ୟ ପ୍ରାର୍ଥୀଙ୍କୁ ମୈଦାନକୁ ଓହ୍ଲାଇବାକୁ ଅଙ୍କ କଷୁଛି । ବିଜେଡି ବର୍ତ୍ତମାନ ସୁଦ୍ଧା ୧୮ଆସନରୁ ୬ଟିରେ ମହିଳା ପ୍ରାର୍ଥୀ ଦେଇଛି । ୩୩ପ୍ରତିଶତ ପ୍ରାର୍ଥୀ ଦେବା ପ୍ରତିଶ୍ରୁତି ରକ୍ଷା କରିବାକୁ ହେଲେ ଏହି ତିନି ଆସନ ଭିତରୁ ଅନ୍ୟୁନ ଗୋଟିଏ ଆସନରେ ମହିଳା ପ୍ରାର୍ଥୀ ଦେବା ଆବଶ୍ୟକ । ତେଣୁ ସମ୍ଭବତଃ ଢେଙ୍କାନାଳରେ ଦଳ ଜଣେ ମହିଳା ପ୍ରାର୍ଥୀଙ୍କ କଥା ମଧ୍ୟ ବିଚାରକୁ ନେଇପାରେ । କାରଣ କେନ୍ଦୁଝର ସାଂସଦ ଶକୁନ୍ତଳା ଲାଗୁରୀଙ୍କୁ ପରିବର୍ତ୍ତନ କରିବାକୁ ଚିନ୍ତା କରୁଛି । ସେଥିପାଇଁ ଢେଙ୍କାନାଳ ଗଣିତ ମଧ୍ୟ ସମାଧାନ ହୋଇପାରୁନାହିଁ ।

ଅନ୍ୟପଟେ କେଉଁଝରରେ  ନବୀନ  ମହିଳା କାର୍ଡ ଖେଳିପାରନ୍ତି ବୋଲି ଚର୍ଚ୍ଚା ହେଉଛି । ବର୍ତ୍ତମାନ ସାଂସଦ ଥିବା ଶକୁନ୍ତଳା ଲାଗୁରୀଙ୍କ ସ୍ଥାନରେ ଦଳ ଏଠାରେ ନୂଆ ମୁହଁକୁ ସୁଯୋଗ ଦେଇପାରେ । ଯେଉଁଥିପାଇଁ କେନ୍ଦୁଝର ଅଙ୍କ ଛିଣ୍ଡୁନଥିବା ଚର୍ଚ୍ଚା ହେଉଛି । ସେହିପରି ୪୬ଟି ବିଧାନସଭା ଆସନରେ ପ୍ରାର୍ଥୀ ଘୋଷଣା ବାକି ରହିଛି ।

   Related Posts