Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଧାରଣ ଜନତାଙ୍କ ପାଇଁ ବଢ଼ିଲା ଚିନ୍ତା : ପିଆଜ କିଲୋ ୧୦୦ ଟଙ୍କା !
  • ||
  • ରାସ୍ତା ଝାଡୁମାରି ପ୍ରଶଂସା ସାଉଁଟିଥିବା ଟ୍ରାଫିକ୍ କନେଷ୍ଟବଳ ଲଳିତ ମୋହନ ରାଉତ ସମ୍ମାନୀତ
  • ||
  • ଲେମ୍ବୁ ପାଣିରେ ସନ୍ଧବ ଲୁଣ ମିଶାଇ ସେବନ କଲେ ନିୟନ୍ତ୍ରଣ ହୋଇଥାଏ ଓଜନ
  • ||
  • ଆକର୍ଷଣୀୟ ଚାକିରୀ: ବିସ୍କୁଟ୍ ଚାଖିବାକୁ ମିଳିବ ୪୦ ଲକ୍ଷ ଟଙ୍କା ଦରମା
  • ||
  • ଭକ୍ତଙ୍କ ପାଇଁ ଖୁସି ଖବର, ପୁରୀ ଶ୍ରୀମନ୍ଦିରରେ ମିଳିବ ମହାପ୍ରସାଦ ମିଳିବ
  • ||
  • ପୂଜା ପାଇଁ କଟକ ସହରରେ ମୁତୟନ ହେବେ ୩୦ପ୍ଲାଟୁନ ପୋଲିସ ଫୋର୍ସ
  • ||
  • ସମ୍ବଲପୁର ପଡିଆବାହଲରେ ଟ୍ରକ୍ ଚାପାରେ ମା’ ଓ ଶିଶୁପୁତ୍ରର ମୃତ୍ୟୁ
  • ||
  • ଅପରାହ୍ନ ୪ଟାରେ ରାଜ୍ୟବାସୀଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବୋଧନ
  • ||
  • ସଞ୍ଜୁ ବାବାଙ୍କ ସ୍ୱାସ୍ଥ୍ୟକୁ ନେଇ ସାମ୍ନାକୁ ଆସିଲା ବଡ ଖବର
  • ||
  • ବ୍ରହ୍ମୋସ୍ ମିସାଇଲ୍ ପରୀକ୍ଷଣରେ ଭିଡିଓ ଜାରି କଲା ଭାରତୀୟ ନୌସେନା
  • ||

ବାରିପଦା ବିଧାନସଭା ପାଇଁ ପ୍ରାର୍ଥୀ ଘୋଷଣା କଲା ବିଜେଡ଼ି , ତଥାପି ଝୁଲିଛି କେନ୍ଦ୍ରାପଡ଼ା

7/04/2019 at 9:23 AM

ଭୁବନେଶ୍ବର ୭/୪: ଘୋଷଣା ହୋଇନଥିବା ୨ଟି ବିଧାନସଭା ଆସନ ମଧ୍ୟରୁ ବିଜେଡ଼ି ଆଜି ଗୋଟିଏ ଆସନ ପାଇଁ ପ୍ରାର୍ଥୀ ଘୋଷଣା କରିଛି। ବାରିପଦା ବିଧାନସଭା ଆସନ ପାଇଁ ଦଳ ସରୋଜିନୀ ହେମ୍ବ୍ରମଙ୍କୁ ପ୍ରାର୍ଥୀ ଘୋଷଣା କରିଛି। ସରୋଜିନୀ ହେମ୍ବ୍ରମ୍ ଦଳର ରାଜ୍ୟସଭା ସାଂସଦ ଥିଲେ। ୨୦୦୯ରୁ ୨୦୧୪ମସିହା ପର୍ଯ୍ୟନ୍ତ ସେ ବାଙ୍ଗିରୀପୋଷିରୁ ବିଧାୟିକା ଥିଲେ। ସେ ୨୦୧୨ମସିହାରେ ହସ୍ତତନ୍ତ ଓ ବୟନ ମନ୍ତ୍ରୀ ମଧ୍ୟ ଥିଲେ। ମୟୁରଭଞ୍ଜର ବିଧାୟକ ସାନନ୍ଦ ମାରାଣ୍ଡିଙ୍କୁ ଟିକଟ ନଦେଇ ସରୋଜିନୀଙ୍କୁ ପ୍ରାର୍ଥୀ କରାଯିବା ଫଳରେ ସାନନ୍ଦ ଅସନ୍ତୁଷ୍ଟ ହୋଇଥିବା ଜଣାପଡ଼ିଛି।

ସରୋଜିନୀ ହେମ୍ବ୍ରମଙ୍କୁ ମିଶାଇ ବର୍ତ୍ତମାନ ସୁଦ୍ଧା ବିଜେଡ଼ି ୬ଜଣ ରାଜ୍ୟସଭା ସାଂସଦଙ୍କୁ ଚଳିତ ନିର୍ବାଚନରେ ମଇଦାନକୁ ଉତାରିଛି। ଏହି ୬ଜଣଙ୍କ ମଧ୍ୟରୁ ୩ଜଣ ଲୋକସଭା ପାଇଁ ନିର୍ବାଚନ ଲଢ଼ୁଥିବାବେଳେ ୩ଜଣ ବିଧାନସଭା ପାଇଁ ନିର୍ବାଚନ ଲଢ଼ୁଛନ୍ତି। ରାଜ୍ୟସଭା ଛାଡ଼ି ନିର୍ବାଚନୀ ମଇଦାନକୁ ଓଡ୍ଲାଇଥିବା ନେତାମା‌ନେ ହେଲେ ପ୍ରସନ୍ନ ଆଚାର୍ଯ୍ୟ,ଅଚ୍ୟୁତ ସାମନ୍ତ,ସୈାମ୍ୟ ରଞ୍ଜନ ପଟ୍ଟନାୟକ,ପ୍ରତାପ କେଶରୀ ଦେବ,ଅନୁଭବ ମହାନ୍ତି,ସରୋଜିନୀ ହେମ୍ବ୍ରମ୍। ଏମାନଙ୍କ ମଧ୍ୟରୁ ପ୍ରସନ୍ନ ଆଚାର୍ଯ୍ୟ ବରଗଡ଼ ଲୋକସଭା ଆସନ ପାଇଁ ନିର୍ବାଚନ ଲଢ଼ୁଥିବାବେଳେ ଅଚ୍ୟୁତ ସାମନ୍ତ ଫୁଲବାଣୀ ଲୋକସଭା ଆସନ ଓ ଅନୁଭବ ମହାନ୍ତି କେନ୍ଦ୍ରାପଡ଼ା ଲୋକସଭା ଆସନ ପାଇଁ ପ୍ରାର୍ଥୀ ହୋଇଛନ୍ତି। ସେହିଭଳି ପ୍ରତାପ ଦେବ ଆଳି ବିଧାନସଭା ଆସନରୁ ,ସୈାମ୍ୟ ରଞ୍ଜନ ଖଣ୍ଡପଡ଼ା ବିଧାନସଭା ଆସନରୁ ନିର୍ବାଚନ ଲଢ଼ୁଛନ୍ତି।

ବିଜେଡ଼ି ବର୍ତ୍ତମାନ ସୁଦ୍ଧା ୨୧ଟି ଲୋକସଭା ଆସନ ପାଇଁ ପ୍ରାର୍ଥୀ ଘୋଷଣା କରିଥିବାବେଳେ ଆଜି ଘୋଷଣା କରିଥିବା ବାରିପଦା ବିଧାନସଭା ଆସନ ସମେତ ସମୁଦାୟ ୧୪୬ଟି ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରିସାରିଛି। ତେବେ ଏବେ ମଧ୍ୟ କେନ୍ଦ୍ରାପଡ଼ା ବିଧାନସଭା ଆସନ ପାଇଁ ସସପେନ୍ସ ଲାଗି ରହିଛି। ବିଜେପି ମଧ୍ୟ କେନ୍ଦ୍ରାପଡ଼ା ଆସନ ପ୍ରାର୍ଥୀ ଗତକାଲି ପର୍ଯ୍ୟନ୍ତ ଘୋଷଣା କରିନଥିଲା। ଗତକାଲି ବିଜେପି କେନ୍ଦାପଡ଼ା ଆସନରୁ ସୁନାକର ବେହେରାଙ୍କୁ ପ୍ରାର୍ଥୀ କରିଥିବା ଘୋଷଣା କରିଛି।

   Related Posts