Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନବୀନଙ୍କ ପଞ୍ଚମ ପାଳିର ପ୍ରଥମ ବର୍ଷ ପୂର୍ତ୍ତି : ତିନି ପ୍ରମୁଖ ଚ୍ୟାଲେଞ୍ଜକୁ ସାମ୍ନା କରିଛି ବିଜେଡି ସରକାର, ଲୋକପ୍ରିୟତା ଅକ୍ଷୁର୍ଣ୍ଣ

29/05/2020 at 1:53 PM

ଭୁବନେଶ୍ବର ୨୯।୫: ପଞ୍ଚମ ପାଳିର ପ୍ରଥମ ବର୍ଷ ପୂର୍ଣ୍ଣ କରିଛି ବିଜେଡି ସରକାର । ପଞ୍ଚମ ପାଳିର କାର୍ଯ୍ୟ ଆରମ୍ଭରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟରେ ତିନୋଟି ଚ୍ୟାଲେଞ୍ଜ ରହିଥିଲା ।

୪ ଟର୍ମରେ ଶାସନ ପରେ ମୁଖ୍ୟମନ୍ତ୍ରୀ ନବୀନ ଗତ ବର୍ଷ କ୍ରମାଗତ ପଞ୍ଚମ ଥର ପାଇଁ ନିର୍ବାଚିତ ହୋଇଥିଲେ । ତାଙ୍କର ନିଷ୍ଠା ଏବଂ ଦକ୍ଷତା ସର୍ବୋପରି ଉତ୍ସର୍ଗୀକୃତ କାର୍ଯ୍ୟ ଲାଗି ଓଡିଶାର ଲୋକମାନେ ତାଙ୍କ ଉପରେ ବିଶ୍ବାସ ରଖିଆସିଛନ୍ତି ।

ଲଗାତର ୫ମ ବିଜୟ ସହ ସିଧାସଳଖ ଲୋକଙ୍କ ସହ ଯୋଡିହେବା ପାଇଁ ‘ମୋ ସରକାର’ ଏବଂ ‘5-T’ ଆରମ୍ଭ କରିଥିଲେ।

ମୁଖ୍ୟମନ୍ତ୍ରୀ ‘5-T’ ର ସୁପର ଭିଜନ ଦାୟିତ୍ବ ତାଙ୍କ ସଚିବ ତଥା ଆଇଏଏସ ଅଫିସର ଭି.କେ. ପାଣ୍ଡିଆନଙ୍କୁ ଦେଇଥିଲେ ଏବଂ ଏହି ଯୋଜନାଗୁଡିକର ସଠିକ୍ କାର୍ଯ୍ୟକାରିତା ବିଷୟରେ ମତାମତ ଜାଣିବା ପାଇଁ ତୃଣମୂଳ ସ୍ତରରେ ରାଜ୍ୟର ବିଭିନ୍ନ ଯୋଜନା ହିତାଧିକାରୀଙ୍କଠାରୁ ମଧ୍ୟ ତଥ୍ୟ ସଂଗ୍ରହ ଆରମ୍ଭ କରିଥିଲେ।

ଜାତୀୟ ସ୍ତରରେ ଦ୍ବିତୀୟ ଥର ପାଇଁ କ୍ଷମତାକୁ ଆସିଥିବା ବିଜେପି ଏବଂ ଅନ୍ୟ ଦଳଗୁଡିକ ଓଡିଶାରେ ପଞ୍ଚାୟତ ନିର୍ବାଚନରେ ​​ନିଜର ପ୍ରଦର୍ଶନକୁ ଉନ୍ନତ କରିଥିବାବେଳେ ଗତ ବର୍ଷ ପଞ୍ଚମ ଥର ପାଇଁ ନବୀନ ପଟ୍ଟନାୟକ କ୍ଷମତାକୁ ଆସିଥିଲେ ।

ନବୀନଙ୍କ ନେତୃତ୍ବରେ ବିଜୁ ଜନତା ଦଳ ରାଜ୍ୟର ୧୪୭ ବିଧାନସଭା ଆସନ ମଧ୍ୟରୁ ୧୧୨ ଟି ଆସନରେ ଜିତିଥିଲା । ଲୋକଙ୍କ ସମର୍ଥନ ତାଙ୍କର ସର୍ବଶ୍ରେଷ୍ଠ ଶକ୍ତି ଥିଲା ଏବଂ ଏହି ନବୀନ ହୃଦୟଙ୍ଗମ କରି ତାଙ୍କ ପଞ୍ଚମ କାର୍ଯ୍ୟକାଳରେ ‘ମୋ ସାରକାର’ ଏବଂ ‘5-T’ ଲଞ୍ଚ କରି ଲୋକଙ୍କ ନିକଟତର ହେବାକୁ ପଦକ୍ଷେପ ଆରମ୍ଭ କରିଛନ୍ତି ।

ଅବଶ୍ୟ, କୋଭିଡ୍-୧୯ ମହାମାରୀ ଏବଂ କ୍ରମାଗତ ଦୁଇଟି ପ୍ରାକୃତିକ ବିପର୍ଯ୍ୟୟ ଫନି ଏବଂ ଅମ୍ଫାନ୍ ନବୀନଙ୍କ ଆଗରେ ଚ୍ୟାଲେଞ୍ଜ ଭାବରେ ଉଭା ହୋଇଥିଲା | କିନ୍ତୁ ଏହି ବିପର୍ଯ୍ୟୟର ସଫଳ ପରିଚାଳନା ପାଇଁ ତାଙ୍କ ରାଜନୈତିକ ପ୍ରତିଦ୍ବନ୍ଦ୍ବୀ ବିଜେପି ସମେତ ବିଭିନ୍ନ ମହଲରୁ ପ୍ରଶଂସା ଲାଭ କରିଛନ୍ତି।

   Related Posts