ଭୁବନେଶ୍ବର୨୯|୮: ମୁହାଁମୁହିଁ ବିଜେପି- ବିଜେଡି । ରଣକ୍ଷେତ୍ର ପାଲଟିଲା ବ୍ରହ୍ମଗିରି ବ୍ଲକ ଅଫିସ । ୩ ଦିନ ହେଲା ବ୍ଲକ ଆଗରେ ବିଜେପି ପ୍ରତିନିଧି ଚଳାଇଥିଲେ ଆନ୍ଦୋଳନ । ଜିଲ୍ଲା ପ୍ରଶାସନ ପକ୍ଷରୁ ଆନ୍ଦୋଳନର ସମାଧାନ ଲାଗି ଉଦ୍ୟମ  ବେଳେ ବିଜେଡି କର୍ମୀଙ୍କ ସହ ମୁହାଁମୁହିଁ ହୋଇଥିଲେ ବିଜେପି କର୍ମୀ । ସେପଟେ ଖୋର୍ଦ୍ଧା ବେଗୁନିଆରେ ବି ବିଜେଡିର ଦୁଇ ଗୋଷ୍ଠୀଙ୍କ ମଧ୍ୟରେ ସଂଘର୍ଷ ଘଟିଛି । ଉଭୟ ସ୍ଥାନରେ ୧୪୪ ଧାରା ଜାରି କରାଯାଇଛି । … ରଣକ୍ଷେତ୍ର ପାଲଟିଲା ବ୍ରହ୍ମଗିରି ବ୍ଲକ ଅଫିସ । କାହାର ମୁଣ୍ଡ ଫାଟିଛି ତ କାହାର ନାକ । ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ନିର୍ବାଚନତ ଜନ ପ୍ରତିନିଧିଙ୍କୁ ନଜଣାଇ କାର୍ଯ୍ୟକ୍ରମ ହୋଇଥିଲା । ଏହାର ପ୍ରତିବାଦରେ ବ୍ଲକ କାର୍ଯ୍ୟାଳୟ ଆଗରେ୩ ଦିନ ହେଲା ଧାରଣା ଦେଇଥିଲେ ବିଜେପିର ଜନ ପ୍ରତିନିଧି । ଜିଲ୍ଲା ପ୍ରଶାସନ ପକ୍ଷରୁ ଆନ୍ଦୋଳନର ସମାଧାନ ଲାଗି ଉଦ୍ୟମ ଚାଲିଥିବା ବେଳେ ସେଠାକୁ ଧସେଇ ପସିଥିଲେ ବିଜେଡି କର୍ମୀ । ଆରମ୍ଭ ହୋଇଥିଲା ମାଡପିଟ । ଚେୟାରମ୍ୟାନଙ୍କ ଅଫିସ ଭାଙ୍ଗିବା ସହ ଆକ୍ରମଣ ପ୍ରତିଆକ୍ରମଣ ହୋଇଥିଲା । ଏଥିରେ ୪ ଜଣ ଆହତ ହୋଇଛନ୍ତି ।ଉତ୍ତେଜନା ଲାଗି ରହିଥିବାରୁ ବ୍ଲକ ପରିସରରେ ୧୪୪ ଧାରା ଜାରି କରାଯାଇଛି। ବ୍ଲକ ପରିସରରେ ପୋଲିସ ଫୋର୍ସ ମୁତୟନ କରାଯାଇଛି । ସେପଟେ ଖୋର୍ଦ୍ଧା ବେଗୁନିଆ କୁଶପଲ୍ଲା ପଡିଆ ବି ପାଲଟିଛି ରଣକ୍ଷେତ୍ର । ଏଠି ମୁହାଁମୁହିଁ ହୋଇଥିଲେ ବିଜେଡିର ଦୁଇ ଗୋଷ୍ଠୀ । ବିଧାୟକ ପ୍ରଶାନ୍ତ ଜଗଦେବଙ୍କ ସପକ୍ଷଗୋଷ୍ଠୀ ଓ ବିପକ୍ଷ ଗୋଷ୍ଠୀଙ୍କ ମଧ୍ୟରେ ସଂଘର୍ଷ ହୋଇଛି । ବିଧାୟକଙ୍କ ବିରୋଧୀ ଗୋଷ୍ଠୀ ବାଇକ୍ ରାଲି ଆୟୋଜନ କରିଥିଲେ । ଯାହାକୁ ଅନୁମିତ ମିଳିନଥିଲା । କୁଶପଲା ପଡିଆରେ ବିଧାୟକଙ୍କ ବିରୋଧୀ ଗୋଷ୍ଠୀ ଏକାଠି ହୋଇଥିବା ବେଳେ ସପକ୍ଷବାଦୀ ପହଞ୍ଚି ଏହାକୁ ବିରୋଧ କରିଥିଲେ । ଏହାକୁ ନେଇ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଥିଲା । ବିଧାୟକଙ୍କ ଉପରକୁ ଚେୟାର ଫୋପଡା ଫିଙ୍ଗା ସହ ପାଣି ପାଉଚ୍ ମାଡ ହୋଇଥିଲା । ସେଠାରେ ଜିଲ୍ଲା ପ୍ରଶାସନ ୧୪୪ ଧାରା ଜାରି କରିବା ସତ୍ବେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଛି ।