Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||
  • ନଭେମ୍ବରରୁ ପର୍ଯ୍ୟଟକଙ୍କ ପାଇଁ ଖୋଲିବ ଶିମିଳିପାଳ ବ୍ୟାଘ୍ର ପ୍ରକଳ୍ପ
  • ||

ମୋଦିଙ୍କ ଭାଷଣର ମୋବାଇଲ୍ ଲାଇଭ୍ କୁ ନେଇ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ଫେରାଦ ହେଲା ବିଜେଡି

2/04/2019 at 10:01 PM

ଭୁବନେଶ୍ବର ୨|୪ : ନିର୍ବାଚନୀ ପ୍ରଚାରରେ ଆଜି ଭବାନୀପାଟଣା ଆସିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ  ଭାଷଣକୁ  ମୋବାଇଲ୍  ଭଏସ୍  ମେସେଜ୍  ଜରିଆରେ  ଲାଇଭ୍  ପ୍ରସାରଣ  କରିଛି ବିଜେପି । ନିର୍ବାଚନ ବିଜ୍ଞାପନ ପରିଧି ଭିତରେ ଆସୁଥିବା ଏହି ବ୍ୟବସ୍ଥା ପାଇଁ ମିଡ଼ିଆ ସାର୍ଟିଫିକେସନ୍ ଆଣ୍ଡ  ମନିଟରିଂ  କମିଟି  ଦ୍ବାରା ପ୍ରି-ସାର୍ଟିଫିକେସନ୍  ନିହାତି  ଆବଶ୍ୟକ ।  ମାତ୍ର ବିଜେପି ଏହି  ନିୟମ ମାନିନାହିଁ । ନିର୍ବାଚନ ଗାଇଡଲାଇନ୍ ଉଲ୍ଲଂଘନ କରିଥିବା ବିଜେପି ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ସହ ଏ ବାବଦରେ ହୋଇଥିବା ଖର୍ଚ୍ଚକୁ କଳହାଣ୍ଡି ଲୋକସଭା ଆସନ ଓ ଭବାନୀପାଟଣା ବିଧାନସଭା ପ୍ରାର୍ଥୀଙ୍କ ଖର୍ଚ୍ଚରେ ମିଶାଇବାକୁ ମୁଖ୍ୟ ନିର୍ବାଚନ ଅଧିକାରୀଙ୍କ ପାଖରେ ଫେରାଦ ହୋଇଛି ବିଜେଡି ।

ବିଜେଡ଼ି      ପକ୍ଷରୁ   ଦର୍ଶାଯାଇଛି,  ନିର୍ବାଚନ  ଗାଇଡ଼ଲାଇନ୍   ଧାରା    ୨୧.୨.୧୩ରେ  ବଲକ୍ ଏସ୍ଏମ୍ଏସ୍ ଏବଂ ଭଏସ୍ ମେସେଜ୍ ଜରିଆରେ ନିର୍ବାଚନ ପ୍ରଚାର ପାଇଁ ସ୍ପଷ୍ଟ ନିର୍ଦ୍ଦେଶାବଳୀ ରହିଛି । ଫୋନ୍ ରେ ଟେଲିଫୋନିକ୍ ମେସେଜିଂ ଜରିଆରେ ନିର୍ବାଚନ ପ୍ରଚାର, ଟିଭି ଚାନେଲ/କେବୁଲ୍ ନେଟ୍ୱର୍କ ଏବଂ ରେଡିଓ ବିଜ୍ଞାପନଠାରୁ  ଭିନ୍ନ ନୁହେଁ । ଏଥିପାଇଁ ମିଡ଼ିଆ  ସାର୍ଟିଫିକେସନ୍  ଆଣ୍ଡ ମନିଟରିଂ କମିଟି (ଏମ୍ସିଏମ୍ସି)ର ପ୍ରି-ସାର୍ଟିଫିକେସନ୍ ଜରୁରୀ ।

ମାତ୍ର ବିନା ଅନୁମୋଦନରେ   ବିଜେପି ଆଜି ପ୍ରଧାନମନ୍ତ୍ରୀ  ମୋଦିଙ୍କ  ଭାଷଣକୁ  ମୋବାଇଲ  ନଂ  ୯୩୪୫୦୧୪୫୦୧ରୁ ଭଏସ୍  ମେସେଜିଂ  କଲ୍ ଦ୍ୱାରା  ଲାଇଭ୍  ପ୍ରସାରଣ  କରିଥିଲା ।  ଏହି  ନମ୍ବରକୁ  କେହି  କଲ୍  କଲେ  ମୋଦିଙ୍କ  ଲାଇଭ୍  ଭାଷଣ ଶୁଭୁଥିଲା ।  ମୁଖ୍ୟ  ନିର୍ବାଚନ  ଅଧିକାରୀ  ଏହାକୁ  ଗୁରୁତ୍ବର  ସହ  ବିଚାର  କରିବାକୁ  ବିଜେଡ଼ି  ପକ୍ଷରୁ ଅନୁରୋଧ କରାଯାଇଛି ।

   Related Posts