ଭଦ୍ରକ,୧୧/୦୭: ଭଦ୍ରକ ଜିଲ୍ଲା ବରପଦା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ବିଶ୍ୱ ଜନସଂଖ୍ୟା ଦିବସ ପାଳିତ ହୋଇଯାଇଛି । ପ୍ରତ୍ୟକ ବର୍ଷ ଜୁଲାଇ ମାସ ୧୧ ତାରିଖକୁ ବିଶ୍ୱ ଜନସଂଖ୍ୟା ଦିବସ ଭାବେ ପାଳିତ କରାଯାଏ ।
ଏହି କାର୍ଯ୍ୟକ୍ରମକୁ ଅତିରିକ୍ତ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଶିବାଶିଷ ମହାରଣା ପତାକା ଦେଖାଇ ଶୁଭାରମ୍ବ କରିଥିଲେ । ତେବେ ଜୁନ ୨୭ରୁ ଜୁଲାଇ ୧୦ ଯାଏଁ ଜନସଂଖ୍ୟା ଦିବସ ବାବଦରେ ଲୋକଙ୍କୁ ସଚେତନ କରାଯାଇଛି । ସଚେତନତା ଗାଡି ଗାଁ ଗାଁ ବୁଲି ଜନସଂଖ୍ୟା ବୃଦ୍ଧିର ଅପକାରିତା ଓ ଜନସଂଖ୍ୟା ବୃଦ୍ଧିକୁ ବନ୍ଦ କରିବା ନେଇ ସଚେତନତା ସୃଷ୍ଟି କରିଥିଲା ବୋଲି କହିଛନ୍ତି ଅତିରିକ୍ତ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ।