Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ଭାଉଜ-ଦିଅରର ଅନୈତିକ ସମ୍ପର୍କ ପାଇଁ ବଳି ପଡିଲା ବିଷ୍ଣୁପ୍ରିୟା, ତଣ୍ଟିକାଟି କରାଯାଇଥିଲା ହତ୍ୟା

15/12/2020 at 8:47 AM

ବାଲିଆପାଳ ୧୫/୧୨: ଅବୈଧ ସମ୍ପର୍କରୁ ହତ୍ୟାକାଣ୍ଡ । ଭାଉଜ-ଦିଅରଙ୍କ ଅବୈଧ ସମ୍ପର୍କ ଦେଖିନେବାରୁ ଜଣେ ୭ ବର୍ଷର ନାବାଳିକାକୁ ହତ୍ୟା । ଏହି ଘଟଣା ପରେ ଗ୍ରାମରେ ଉତ୍ତେଜନା ଦେଖିବାକୁ ମିଳିଛି। ଶାନ୍ତି ପ୍ରତିଷ୍ଠା ପାଇଁ ରକ୍ଷ ଗ୍ରାମରେ ୨ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଥିବା ଜଣାପଡିଛି ।

 ସୂଚନାନୁସାରେ, ଦତ ୧୧ ତାରିଖଠୁ ବାଲେଶ୍ୱର ଜିଲ୍ଲା ବାଲିଆପାଳ ଥାନା ଅନ୍ତର୍ଗତ ଜମ୍ଭୀରାଇ ଗ୍ରାମରୁ ନିଖୋଜ ନାବାଳିକା ବିଷ୍ଣୁପ୍ରିୟା (୭)ର ମୃତଦେହ ସୋମବାର ମିଳିଥିଲା ।  ମାମୁଘର ପାଖ ଏକ ପରିତ୍ୟକ୍ତ ହ୍ରଦ (ଏକର ଏକର ପରିମିତ ଖାଲୁଆ ଜମି)ରୁ ଉଦ୍ଧାର କରାଯାଇଥିଲା ମୃତଦେହ । ସୁନ୍ଦରକୁଲି ଗାଁର ବଳରାମ ପାତ୍ରଙ୍କ ଝିଅ ବିଷ୍ଣୁପ୍ରିୟା ଗତ ଶୁକ୍ରବାର ଟିଉସନ ସାରି ଦିନ ୯ ଟାରେ ମାମୁଘର ଜମ୍ଭୀରାଇକୁ ଆସିଥିଲା। ସୁନ୍ଦରକୁଲି ଓ ଜମ୍ଭୀରାଇ ଗାଁ ଲାଗି ରହିଛି। ମାତ୍ର ସେ ସନ୍ଧ୍ୟା ସୁଦ୍ଧା ଘରକୁ ଫେରିନଥିଲା। ବହୁ ଖୋଜାଖୋଜି ପରେ ତାଙ୍କର ସନ୍ଧାନ ମିଳିନଥିଲା।  ରବିବାର ବିଷ୍ଣୁପ୍ରିୟାର ବାପା ବାଲିଆପାଳ ଥାନାର ଦ୍ୱାରସ୍ଥ ହୋଇଥିଲେ। ପୋଲିସ ତଦନ୍ତ ଆରମ୍ଭ କରିଥିଲା । ସନ୍ଦେହରେ ସେହି ଗ୍ରାମର ଦୀପକ ସାହୁ ଓରଫ ନଟକୁ ଥାନାକୁ ଆଣି ପଚରା ଉଚରା କରିଥିଲା । ରାତିରେ ନଟ ପୁଲିସ ଆଗରେ ସମ୍ପର୍କୀୟ ଭାଣିଜୀ ବିଷ୍ଣୁପ୍ରିୟାକୁ ହତ୍ୟା କରିଥିବା ସ୍ୱୀକାର କରିଥିଲା।

ନଟ କହିବା ଅନୁସାରେ, ତା’ର ସେହି ଗ୍ରାମର ସମ୍ପର୍କୀୟ ଭାଉଜ ତଥା ବିଷ୍ଣୁପ୍ରିୟାର ମାଇଁ ବସୁମତୀ ସହିତ ଅନୈତିକ ସମ୍ପର୍କ ରହିଥିଲା । ଶୁକ୍ରବାର ଦିନ ବିଷ୍ଣୁପ୍ରିୟା ଏହା ଦେଖି ନେଇଥିଲା । ପୂର୍ବରୁ ମଧ୍ୟ ସେ କେତେଥର ଉଭୟ ନଟ ଓ ବସୁମତୀଙ୍କ ଅନୈତିକ ସମ୍ପର୍କ ଦେଖିଥିଲା । କାଳେ ସେ ଏହି ଘଟଣା ବାହାରେ ପ୍ରଘଟ କରି ଦେବ ସେଥିପାଇଁ ଦିଅର-ଭାଉଜ ତା’କୁ ରାସ୍ତାରୁ ହଟାଇବା ଲାଗି ଯୋଜନା କରିଥିଲେ। ବିଷ୍ଣୁପ୍ରିୟାକୁ ଏକ କ୍ରିକେଟ୍‌ ବ୍ୟାଟ୍‌ ବନେଇ ଦେବ ବୋଲି କହି ନଟ ପରିତ୍ୟକ୍ତ ହ୍ରଦ ନିକଟକୁ ଡାକି ନେଇଥିଲା। ସେଠାରେ ନଟ ଓ ବସୁମତୀ ମିଶି ଏକ ଧାରୁଆ ଅସ୍ତ୍ରରେ ବିଷ୍ଣୁପ୍ରିୟାର ତଣ୍ଟି କାଟି ହତ୍ୟା କରିଥିବା ସ୍ୱୀକାର କରିଛି ନଟ । ତା’ପରେ ହ୍ରଦ ମଧ୍ୟରେ ଥିବା ବୁଦବୁଦିଆ ଗଛ ମୂଳ କାଦୁଅରେ ବିଷ୍ଣୁପ୍ରିୟାର ମୃତଦେହକୁ ପୋତି ଦେଇଥିଲେ । ତେବେ ପୋଲିସ ଅଭିଯୁକ୍ତ ନଟ ଓ ବସୁମତୀକୁ ଗିରଫ କରି ଅଧିକ ତଦନ୍ତ ଜାରି ରଖିଛି ।

   Related Posts