Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପାରାଦୀପରୁ ଲଢ଼ିବା ପାଇଁ ବିଷ୍ଣୁ ଦାସ ପ୍ରକାଶ କଲେ ଆଗ୍ରହ :୨୦୧୯ରେ ଜଗତସିଂହପୁରର ୪ଟି ଯାକ ନିର୍ବାଚନ ମଣ୍ଡଳୀରେ ବିଜେଡି ହାରିବ କହିଲେ ଦାମ

19/09/2018 at 4:14 PM

ଭୂବନେଶ୍ୱର ୧୯/୦ : ଦିନେ ଦୁଇ ଦିନର ବ୍ୟବଧାନ ପରେ ଆଜି ପୁଣି ପାଲା ମୈଦାନକୁ ଓହ୍ଲାଇଛନ୍ତି ଦାମ ଓ ବିଷ୍ଣୁ | ଦଳରୁ ପାରାଦୀପ ବିଧାୟକ ଦାମୋଦର ରାଉତ ବହିଷ୍କାର ହେବା ପରେ ବିଷ୍ଣୁ ଦାସ ଏବେ ସେହି ଆସନରୁ ପ୍ରାର୍ଥୀ ହେବା ପାଇଁ ଆଗ୍ରହ ପ୍ରକାଶ କରିଛନ୍ତି | ଦଳରୁ ବିତାଡିତ ହେବା ପରେ ଡ. ଦାମୋଦର ରାଉତଙ୍କ ପାରାଦୀପ ନିର୍ବାଚନ ମଣ୍ଡଳୀରେ କୌଣସି ପତିଆରା ଓ ଲୋକପ୍ରିୟତା ନାହିଁ ବୋଲି କହିଛନ୍ତି ବିଷ୍ଣୁ | ତେଣୁ ଯଦି ମୁଖ୍ୟମନ୍ତ୍ରୀ ଚାହାନ୍ତି ତାହେଲେ ସେ ଏହି ଆସନରୁ ପ୍ରାର୍ଥୀ ହେବେ | ଅପରପକ୍ଷରେ ବିଷ୍ଣୁଙ୍କର ଏଭଳି ଆଗ୍ରହକୁ ଦାମ କଟାକ୍ଷ କରିଛନ୍ତି | କହିଛନ୍ତି ଯେ, ପାରାଦୀପ କଣ ଜଗତସିଂହପୁର ଜିଲ୍ଲାର ୪ଟି ନିର୍ବାଚନ ମଣ୍ଡଳୀରେ ଆସନ୍ତା ନିର୍ବାଚନରେ ବିଜେଡି ପରାଜିତ ହେବ | ଏଠି ସହିତ ବିଶୁଙ୍କୁ ଅତି ନଗଣ୍ୟ ବୋଲି ଦର୍ଶାଇ ତାଙ୍କ ସମ୍ପର୍କରେ କୌଣସି ପ୍ରତିକ୍ରିୟା ଦେବାକୁ ସେ ଉଚିତ ମଣୁନଥିବା ମଧ୍ୟ କହିଛନ୍ତି | ଅନ୍ୟ ପକ୍ଷରେ କୋଣାର୍କ, ଶ୍ରୀମନ୍ଦିର ଓ ଓଡିଶା ସମ୍ପର୍କରେ ବିବାଦୀୟ ମନ୍ତବ୍ୟ ପ୍ରସଙ୍ଗରେ ଦାମ କହିଛନ୍ତି ଯେ, ଯେଉଁ ଲୋକ ଏହି ମନ୍ତବ୍ୟ ଦେଇଛନ୍ତି ସେ ଦୋଷୀ | କାର୍ଯ୍ୟାନୁଷ୍ଠାନ ନେବାର ଅଛି ତା ତାଙ୍କ ବିରୋଧରେ ନିଅ | ଅଯଥା ଆଉ କାହାକୁ ତା’ ଭିତରକୁ ଟାଣିବା ଠିକ ନୁହେଁ |

   Related Posts