Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ବିଷାକ୍ତ ମଦ ପିଇ ଅନ୍ଧ ହୋଇଗଲେ ୪ ଯୁବକ, ଏବେସୁଦ୍ଧା ମଲେଣି ୧୬

19/07/2021 at 9:01 AM

ପାଟନା, ୧୯/୦୭ :  ବିଷାକ୍ତ ମଦ ପିଇ ଏବେସୁଦ୍ଧା ୧୬ ମୃତ । ଏହାସହ ଅନ୍ଧ ହୋଇଗଲେ ୪ ଯୁବକ ।ଏପରି ଅଭାବନୀୟ ଘଟଣା ଘଟିଛି ବିହାରର ଚମ୍ପାରଣ ଜିଲ୍ଲାରେ । ପୋଲିସ ମାମଲାର ତଦନ୍ତ ଜାରି ରଖିଛି । ରାଜ୍ୟ ସରକାର ମଦ ଉପରେ ପ୍ରତିବନ୍ଧକ ଲଗାଇଥିବା ବେଳେ କଳାବଜାରୀ ଉପରେ କିନ୍ତୁ ରୋକ୍ ଲାଗୁ ନଥିବାରୁ ଏପରି ଘଟଣା ଘଟିଥିବା କୁହାଯାଉଛି ।

ସୂଚନାନୁସାରେ, ଗତ କିଛିଦିନ ଧରି ଚମ୍ପାରଣରେ ବିଷାକ୍ତ ମଦ କାରବାର ବୃଦ୍ଧି ପାଉଛି । ୭ ଦିନ ମଧ୍ୟରେ ୧୬ ଜଣ ଏହି କାରଣରୁ ପ୍ରାଣ ହରାଇଲେଣି । ତେବେ ରବିବାର ବିଷାକ୍ତ ମଦ ପିଇ ଏଠାରେ ୪ ଜଣ ଦୃଷ୍ଟି ଶକ୍ତି ହରାଇଛନ୍ତି । ଦୃଷ୍ଟିଶକ୍ତି ହରାଇଥିବା ୪୦ ବର୍ଷୀୟ ମହମ୍ମଦ ଇଜାହର କହିଛନ୍ତି ଯେ, ସେ ଗାଁ ବାହାରେ ଦେଶୀ ମଦ ପିଇଥିଲେ । ଏହାପରେ ତାଙ୍କର ସ୍ୱାସ୍ଥ୍ୟାବସ୍ଥା ବିଗିଡି ଯାଇଥିଲା । ଆଖିକୁ ଆଉ କିଛି ଦେଖାଯାଇ ନଥିଲା ।

ଇଜହାରଙ୍କ ଭଳି ରାମନଗର ଥାନା ଅନ୍ତର୍ଗତ ମାଙ୍ଗୁରାହା ଗ୍ରାମର ୫୦ ବର୍ଷୀୟ ସୁଖଲ ମିୟାଁ କହିଛନ୍ତି ଯେ, ସେ ଦୃଷ୍ଟିଶକ୍ତି ହରାଇଛନ୍ତି । ସେ ଗାଁରେ ଥିବା ଭାଟିରେ ମଦ ପିଇଥିଲେ । ଏହାପରେ ସେ ଅନ୍ଧ ହୋଇଯାଇଥିଲେ । ମଦ ପିଇବା ପୂର୍ବରୁ ଆଖିକୁ ଭଲ ଭାବେ ଦେଖାଯାଉଥିଲା ।

ଡରରେ ମୃତଦେହକୁ ପୋତିଦେଲେ

ପଶ୍ଚିମ ଚମ୍ପାରଣରେ ଯେଉଁମାନେ ବିଷାକ୍ତ ମତ ପିଇ ପ୍ରାଣ ହରାଇଛନ୍ତି, ପରିବାର ଲୋକେ ସେମାନଙ୍କ ମୃତଦେହକୁ ଭୟରେ ପୋତି ଦେଇଥିଲେ । ସ୍ଥାନୀୟ ପ୍ରଶାସନ ମଧ୍ୟରେ ଏହାର ଫାଇଦା ଉଠାଇ ବ୍ୟକ୍ତିମାନେ ଅନ୍ୟ କାରଣରୁ ପ୍ରାଣ ହରାଇଥିବା କହୁଥିଲା । କିନ୍ତୁ ମାମଲା ଲୁଚି ରହିନଥିଲା । ସାମ୍ନାକୁ ଆସିଥିଲା ।

ଏହି ଘଟଣାକୁ ନେଇ ତମ୍ପାରଣ ଜେଲ୍ ଡିଆଇଜି ଲଲନ ମୋହନ ପ୍ରସାଦ କହିଛନ୍ତି ଯେ, ବିଷାକ୍ତ ମଦ କାରବାର ଅଭିଯୋଗରେ ଏବେସୁଦ୍ଧା ୧୬ ଜଣ ଗିରଫ ହୋଇଛନ୍ତି । ୧୨ଜଣ ମୃତକଙ୍କ ପରିବାର ଲୋକେ ମଧ୍ୟ ମୃତ୍ୟୁ ପାଇଁ ବିଷାକ୍ତ ମଦକୁ ଦାୟୀ କରିଛନ୍ତି । ମୁଖ୍ୟ ଅଭିଯୁକ୍ତକୁ ଅତିଶୀଘ୍ର ଗିରଫ କରାଯିବ ବୋଲି ସେ କହିଛନ୍ତି ।

   Related Posts