Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ପାଇଁ ଗ୍ଲୋବାଲ୍‌ ଟେଣ୍ଡର: ୧୯ ସଦସ୍ୟଙ୍କୁ ନେଇ ଗଠନ ହେଲା କମିଟି
  • ||
  • ଭୁବନେଶ୍ବରରେ ବଢୁଛି ସଂକ୍ରମଣ, ୨୪ ଘଣ୍ଟାରେ ୯୬୨ ଆକ୍ରାନ୍ତ ଚିହ୍ନଟ
  • ||
  • ନୂଆଦିଲ୍ଲୀ : କରୋନାର ସାମାନ୍ୟ ଲକ୍ଷଣ ଥିବା ରୋଗୀଙ୍କ ପାଇଁ ଉପଯୋଗୀ ଆୟୁଷ-୬୪, ଏହି କେନ୍ଦ୍ରରେ ମିଳୁଛି ମାଗଣାରେ
  • ||
  • ଶାମଲୀ : ଲଜ୍ଜାଜନକ ଦୃଶ୍ୟ, ଅଳିଆ ବୁହା ଗାଡିରେ ଶ୍ମଶାନଘାଟ ଗଲା ମହିଳାଙ୍କ ମୃତଦେହ
  • ||
  • ଟିକା ପାଇଁ ହେବ ଗ୍ଲୋବାଲ୍‌ ଟେଣ୍ଡର, ରାଜ୍ୟ କ୍ୟାବିନେଟ୍ ବୈଠକରେ ନିଷ୍ପତ୍ତି
  • ||
  • ନୂଆଦିଲ୍ଲୀ : ରାହୁଲ ଭୋରାଙ୍କ ମୃତ୍ୟୁ ପରେ ପତ୍ନୀ ସେୟାର କଲେ ଯନ୍ତ୍ରଣାଦାୟକ ଭିଡିଓ… କେମିତି ଅକ୍ସିଜେନ୍ ଟିକିଏ ପାଇଁ ହେଉଥିଲେ ଛଟପଟ
  • ||
  • ମଥୁରା : କରୋନାରେ ହେମାମାଳିନୀଙ୍କ ବ୍ୟକ୍ତିଗତ ସଚିବଙ୍କ ମୃତ୍ୟୁ, ଟ୍ବିଟ୍ କରି ଅଭିନେତ୍ରୀ ଦେଲେ ଶ୍ରଦ୍ଧାଞ୍ଜଳି
  • ||
  • ଭୁବନ : ଦୀର୍ଘ ୭ଘଣ୍ଟା ବନ୍ଦ ଘରେ ପଡିରହିଲା ମୃତଦେହ, କରୋନା ସଂକ୍ରମଣ ଆଶଙ୍କାରେ ପାଖ ମାଡିଲେନି ପରିବାର
  • ||
  • ବଲାଙ୍ଗୀର : ରୋଗୀଙ୍କୁ ଲାଞ୍ଚ ମାଗିବା ପଡିଲା ମହଙ୍ଗା, SDMOଙ୍କୁ ସୋ-କଜ୍ ନୋଟିସ୍ ପରେ ପଠାଗଲା ଡେପୁଟେସନରେ, ସ୍ବାସ୍ଥ୍ୟକର୍ମୀ ସସ୍‌ପେଣ୍ଡ
  • ||
  • ହାଇଦ୍ରାବାଦ : ଅକ୍ସିଜେନ୍ ଟ୍ୟାଙ୍କର ଡ୍ରାଇଭର ଭୁଲିଗଲା ହସ୍ପିଟାଲ ରାସ୍ତା, ଅକ୍ସିଜେନ୍ ଅଭାବରୁ ଚାଲିଗଲା ୭ କରୋନା ରୋଗୀଙ୍କ ଜୀବନ
  • ||

ବାହାଘରର ବର୍ଷେ ପରେ ଭାଙ୍ଗିଗଲା ସ୍ୱପ୍ନ ! ଏକାଠି ବିଷ ପିଇଲେ ଦମ୍ପତି, ସ୍ୱାମୀ ମୃତ, ସ୍ତ୍ରୀ ଗୁରୁତର

2/11/2020 at 1:02 PM

ଭୋଗରାଇ ୦୨।୧୧: ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ ମନ୍ଦାରସାହି କାଳାହୀ ଗାଁରେ ଅଘଟଣ । ପାରିବାରିକ ବିବାଦ ନେଇ ବିଷ ପିଇଲେ ଦମ୍ପତ୍ତି ।  ବିବାହକୁ ମାତ୍ର ବର୍ଷେ ପୂରିଥିବା ବେଳେ ଜୀବନ ଉପରୁ ମୋହ ତୁଟାଇଦେଲେ ଦମ୍ପତ୍ତି । ଘରର କବାଟ ଦେଇ ବିଷ ପିଇଲେ ସ୍ୱାମୀ-ସ୍ତ୍ରୀ । ଚିକିତ୍ସୀଧୀନ ଅବସ୍ଥାରେ ସ୍ୱାମୀଙ୍କ ମୃତ୍ୟୁ ହୋଇଥିବା ବେଳେ ସ୍ତ୍ରୀ ଏବେ ଏକ ଘରୋଇ ମେଡିକାଲରେ ଚିକିତ୍ସିତ ହେଉଛନ୍ତି ।

ଖବର ଅନୁଯାୟୀ, କାଳାହୀ ଗ୍ରାମର ରବୀନ୍ଦ୍ର ଜେନାଙ୍କ ଦୁଇ ପୁଅ କେରଳରେ ରହି କାମ କରନ୍ତି । ବଡ଼ପୁଅ ଜୟନ୍ତ (୨୯) ପ୍ରାୟ ବର୍ଷେ ପୂର୍ବେ ଭୋଗରାଇ ବ୍ଲକ କୁମ୍ଭାରମୂଳି ପଞ୍ଚାୟତ ହାଣ୍ଡିପଡ଼ା ଗାଁର ସର୍ବେଶ୍ୱର ବେହେରାଙ୍କ ଝିଅ ଅର୍ଚ୍ଚନା (୨୨)ଙ୍କୁ ବୈଦିକ ରୀତିରେ ବିବାହ କରିଥିଲେ । ବିବାହ ପରେ ଅର୍ଚ୍ଚନା ଶାଶୂ-ଶ୍ୱଶୁରଙ୍କ ସହ ଗାଁରେ ରହୁଥିଲା ବେଳେ ଜୟନ୍ତ କାମ କରିବାକୁ  କେରଳରେ ରହୁଥିଲେ । ତେବେ ଗୁରୁବାର ଦିନ ଜୟନ୍ତ ଘରକୁ ଫେରିଥିଲେ । କିନ୍ତୁ ଶନିବାର ସଂଧ୍ୟାରେ ଜୟନ୍ତ ଓ ଅର୍ଚ୍ଚନାଙ୍କ ମଧ୍ୟରେ କୌଣସି କାରଣକୁ ନେଇ ପାଟିତୁଣ୍ଡ ହୋଇଥିଲା । ଯାହାଫଳରେ କି ଉଭୟ ଚରମ ନିଷ୍ପତ୍ତି ନେବାକୁ ବାଧ୍ୟ ହୋଇଥିଲେ ।  ରାତି ପ୍ରାୟ ୯ଟାରେ ସମୟରେ ଘର କବାଟ ଦେଇ ଉଭୟ ବିଷ ପିଇ ଦେଇଥିଲେ । ଘର କବାଟ ବନ୍ଦ ଥିବାବେଳେ ଭିତରୁ ବିଷର ଉତ୍କଟ ଗନ୍ଧ ବାରି ଜୟନ୍ତଙ୍କ ବାପା-ମାଆ କବାଟ ବାଡ଼େଇ ଡାକିଥିଲେ । ହେଲେ ଭିତରୁ କୌଣସି ଉତ୍ତର ମିଳିନଥିଲା ।

ଶେଷରେ ପରିବାର ଲୋକେ ବ୍ୟସ୍ତ ହୋଇ ପଡୋଶୀଙ୍କୁ ଜଣାଇଥିଲେ । ପଡ଼ୋଶୀ ଲୋକଙ୍କ ସହାୟତାରେ କବାଟ ଭଙ୍ଗା ଯାଇଥିଲା ।କବାଟ ଭାଙ୍ଗିବା ମାତ୍ରେ ଦେଖିବାକୁ ମିଳେକି, ଉଭୟ ଅଚେତ ଅବସ୍ଥାରେ ପଡିରହିଛନ୍ତି । ଜୟନ୍ତ, ଅର୍ଚ୍ଚନାକୁ ଗୁରୁତର ଅବସ୍ଥାରେ ଉଦ୍ଧାର କରି ସ୍ଥାନୀୟ ଜଳେଶ୍ୱରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ । କିନ୍ତୁ ସେମାନଙ୍କ ଅବସ୍ଥା ସଂକଟାପନ୍ନ ଥିବାରୁ ତାଙ୍କୁ ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ସେଠାରେ ରବିବାର ଦିନ ଚିକିତ୍ସାଧୀନ ଅବସ୍ଥାରେ ଜୟନ୍ତଙ୍କ ମୃତ୍ୟୁ ହୋଇଥିଲା । ସେପଟେ ଅର୍ଚ୍ଚନାଙ୍କ ସ୍ୱାସ୍ଥ୍ୟବସ୍ଥା ଗୁରୁତର ରହିଛି । ସେ ମେଡିକାଲରେ ଚିକିତ୍ସାଧୀନ ଅଛନ୍ତି ।

   Related Posts