ସୋର ୧।୩ : ସୋରରେ ବାର୍ଡ ଫ୍ଲୁ ଆତଙ୍କ । ହଜାର ହଜାର କୁକୁଡା ମଡକ । ରାଜପଥ କଡରେ କୁଢ କୁଢ ମୃତ କୁକୁଡା ପଡିଛନ୍ତି । ଗାଁ ଗହଳି ଓ ସହରରେ ମରୁଥିବା କୁକୁଡା ପାଇଁ ବାର୍ଡ ଫ୍ଲୁ ଆତଙ୍କ ଖେଳି ଯାଇଛି। କୁକୁଡା ମୃତ୍ୟୁକୁ ନେଇ ସ୍ଥାନୀୟ ପଶୁ ବିଭାଗ କାରଣ ସ୍ପଷ୍ଟ କରିନାହିଁ ।
ଦେଶୀ, ବ୍ରୟଲର, ଅଷ୍ଟ୍ରଲିଆ କୁକୁଡା ଏହି ରୋଗରୁ ବାଦ୍ ପଡିନାହାନ୍ତି । କୁକୁଡା ମଡକ ପରେ ବଜାରରେ ଜୀବିତ କୁକୁଡାଙ୍କର କିଲୋ ୫୦ ଟଙ୍କା ତଳକୁ ଖସି ଆସିଛି । ଖବର ପାଇ ପଶୁ ବିଭାଗ ତରଫରୁ ଛାନଭିନ ଆରମ୍ଭ ହୋଇଛି ।