Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ଆଜି ଭିତରକନିକାରେ ଚାଲିଛି ପକ୍ଷୀ ଗଣନା : ଏବର୍ଷ ଚିଲିକାକୁ ଆସିଛନ୍ତି ୧୮୪ ପ୍ରଜାତିର ୧୧ ଲକ୍ଷରୁ ଅଧିକ ପକ୍ଷୀ

6/01/2020 at 9:53 AM

କେନ୍ଦ୍ରାପଡ଼ା ୬/୧: ଆଜି ଭିତରକନିକାରେ ପକ୍ଷୀ ଗଣନା ଚାଲିଛି । ସକାଳ ୬ଟାରୁ ବିଶ୍ବପ୍ରସିଦ୍ଧ ଭିତରକନିକା ଜାତୀୟ ଉଦ୍ୟାନରେ  ପକ୍ଷୀ ଗଣନା ଆରମ୍ଭ ହୋଇଯାଇଛି । ଏହି ଗଣନା ଦିନ ୧୨ଟା ପର୍ଯ୍ୟନ୍ତ ଚାଲିବ । ଗଣନାରେ ୧୬ଟି ଟିମ୍ ନିୟୋଜିତ ଥିବା ବେଳେ ପ୍ରତି ଟିମ୍ ରେ ୪ରୁ ୫ ଜଣ ସଦସ୍ୟ ଅଛନ୍ତି ।

ବମ୍ବେ ନେଚୁରାଲ ହିଷ୍ଟ୍ରି ସୋସାଇଟର ଡେପୁଡି ଡାଇରେକ୍ଟର ଡକ୍ଟର ଏସ ବାଲଚନ୍ଦ୍ରନଙ୍କ ନେତୃତ୍ବ ରେ ଏହି ଗଣନା କରାଯାଉଛି । ମଠଆଡିଆ, ଗହିରମଥା, ସାତଭାୟା, ସମୁଦ୍ର ଉପକୂଳ ଓ ବିଭିନ୍ନ ଜଳାଶୟ ମାନଙ୍କରେ ଏହି ପକ୍ଷୀଗଣନା ଚାଲିଛି । 

ଚିଲିକାରେ ଏବର୍ଷ ବଢ଼ିଛି ପକ୍ଷୀ ସଂଖ୍ୟା । ଏସିଆ ମହାଦେଶର ସର୍ବବୃହତ୍ତ ଲୁଣି ହ୍ରଦରେ ୧୮୪ ପ୍ରଜାତିର ୧୧ ଲକ୍ଷରୁ ଅଧିକ ପକ୍ଷୀ ଆସିଛନ୍ତି । ଏହି ବିଶାଳ ହ୍ରଦରେ ଏବର୍ଷ ୧୧ ଲକ୍ଷ ୫ ହଜାର ୪୦ଟି ବିଦେଶାଗତ ପକ୍ଷୀଙ୍କର ସମାଗମ ହୋଇଛି। ଗତ ବର୍ଷ ଚିଲିକାକୁ ୧୦ ଲକ୍ଷ ୪୭ ହଜାର ୯୬୮ ପକ୍ଷୀ ଆସିଥିଲେ । ଏବର୍ଷ ଚିଲିକାର ନଳବଣରେ ସର୍ବାଧିକ ୧୦୨ ପ୍ରଜାତିର ୪ ଲକ୍ଷ ୬ ହଜାର ୩୦୮ ପକ୍ଷୀ ଆସିଛନ୍ତି ।

ସବୁଠାରୁ ସୁନ୍ଦର ଓ ଆକର୍ଷଣୀୟ ପକ୍ଷୀ ଫ୍ଲେମିଂଗୋଙ୍କ ସଂଖ୍ୟା ଏବର୍ଷ ୧୩ଶହ ୫୦ ଥିବା ବେଳେ ସର୍ବାଧିକ ଗଡ଼ୱାଲ ପକ୍ଷୀ ୨ ଲକ୍ଷ ୫ ହଜାର ୮୮୩ ଅଛନ୍ତି। ତା’ ତଳକୁ ନର୍ଦନ ଟ୍ରିନଟେଲ ୧ ଲକ୍ଷ ୮୨ ହଜାର ୧୭୭ଟି ଅଛନ୍ତି । ସେହିପରି ଓୱିଜନ ପକ୍ଷୀ ୧ ଲକ୍ଷ ୪୩ ହଜାର ୪୧୮ ଥିବା ପକ୍ଷୀଗଣନା ରିପୋର୍ଟରୁ ଜଣାପଡ଼ିଛି ।  ଚିଲିକା ବନ୍ୟପ୍ରାଣୀ ବିଭାଗ ଚିଲିକା ଡିଭିଜନ ପକ୍ଷରୁ ଯେଉଁ ୫ଟି ରେଞ୍ଜରେ ପକ୍ଷୀ ଗଣନା କରାଯାଉଥିଲା ତାହାର ରିପୋର୍ଟ ଚିଲିକା ବନ୍ୟାପ୍ରାଣୀ DFO ପ୍ରକାଶିତ କରିଛନ୍ତି । ଏହି ପକ୍ଷୀଗଣନା କାର୍ଯ୍ୟରେ ୨୧ଟି ଦଳରେ ୧୫୦ ଜଣ ସଦସ୍ୟ ନିୟୋଜିତ ହୋଇଥିଲେ। ବାଲୁଗାଁ, ଟାଙ୍ଗୀ, ଚିଲିକା, ରମ୍ଭା ଓ ସାତପଡ଼ାରେ ଏହି ଗଣନା କାର୍ଯ୍ୟ ହୋଇଥିଲା ।…

   Related Posts