Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପିରେ ବଡ ଧରଣର ଦୁର୍ଘଟଣା, ଖେରୀ ଘାଘରା ନଦୀରେ ଓଲଟିଲା ଡଙ୍ଗା, ୧୦୦ ଭାସିଗଲେ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୯ କୋଭିଡ୍ ପଜିଟିଭ୍
  • ||
  • ଓ୍ୱାର୍ମ ଅପ୍ ମ୍ୟାଚରେ ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ, କଙ୍ଗାରୁ ବାହିନୀକୁ ମାତ୍ ଦେବାକୁ ତୟାର ବିରାଟ ଏଣ୍ଡ କୋ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୧୯୭ ମୃତ
  • ||
  • ଆଜି କୁମାର ପୂର୍ଣ୍ଣିମା : ମା’ ବୃନ୍ଦାବତୀଙ୍କ ନିକଟରେ ଆଞ୍ଜୁଳି ଟେକିଲେ କୁମାରୀ
  • ||
  • ପୁରୀ : ଦାଦାବଟିକୁ କେନ୍ଦ୍ରକରି ମହିଳାଙ୍କୁ ଗୁଳିମାଡ଼, ପୂର୍ବରୁ ମିଳିଥିଲା ଧମକ
  • ||
  • ଜଗତସିଂହପୁର : କେନାଲର ଭାସୁଛି ଏକ ଗଳିତ ମୃତଦେହ, ୩ ଅଭିଯୁକ୍ତ ଅଟକ
  • ||

ବିମାନ ଇଞ୍ଜିନରେ ମାଡହେଲା ପକ୍ଷୀ, ଭାଙ୍ଗିଲା ବ୍ଲେଡ୍‌ : ପାଇଲଟଙ୍କ ଉପସ୍ଥିତ ବୁଦ୍ଧି ଯୋଗୁ ଅଳ୍ପକେ ବର୍ତ୍ତିଲେ ଯାତ୍ରୀ

7/09/2021 at 9:46 PM

ଗୌହାଟୀ ୦୭/୦୯ : ଗୌହାଟୀରୁ ଦିଲ୍ଲୀ ଯାଉଥିବା ଇଣ୍ଡିଗୋ ବିମାନ ବଡ ଧରଣର ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଛି । ବିମାନର ଇଞ୍ଜିନ୍‌ରେ ପକ୍ଷୀ ମାଡ ହେବାରୁ ବ୍ଲେଡ୍‌ କ୍ଷତିଗ୍ରସ୍ତ ହୋଇଥିଲା । ପାଇଲଟ୍‌ ବାଧ୍ୟ ହୋଇ ବିମାନକୁ ଜରୁରୀ ଅବତରଣ କରିଥିଲେ । ଯାହା ଫଲରେ ୯୯ ଜଣ ଯାତ୍ରୀ ଏବଂ ୬ ଜଣ କ୍ରୁ ମେମ୍ବର ଅଳ୍ପକେ ବର୍ତ୍ତି ଯାଇଥିବା ସୂଚନା ମିଳିଛି ।

ସୂଚନା ଅନୁସାରେ, ଗୌହାଟୀରୁ ଦିଲ୍ଲୀ ଯାଉଥିବା 6E-2329 ଇଣ୍ଡିଗୋ ବିମାନ ଉଡାଣ ଭରିବାର କିଛି ସମୟ ପରେ ସେଥିରେ ଏକ ପକ୍ଷୀ ମାଡ ହୋଇଥିଲା । ପକ୍ଷୀ ମାଡ ହେବାପରେ ବିମାନ ଇଞ୍ଜିନର ଫ୍ୟାନ୍‌ ବ୍ଲେଡ୍‌ କ୍ଷତିଗ୍ରସ୍ତ ହୋଇଥିଲା । ଏବିଏସନ୍‌ ଏକ୍ସପର୍ଟଙ୍କ କହିବାନୁସାରେ, ପାଇଲଟଙ୍କ ଉପସ୍ଥିତ ବୁଦ୍ଧି ଯୋଗୁଁ ବିମାନର ଜରୁରୀ ଅବତରଣ କରି ଯାତ୍ରୀଙ୍କ ଜୀବନ ବଞ୍ଚାଇଥିଲେ । ବିମାନଟି ମଧ୍ୟ ଅଧିକ କ୍ଷତିଗ୍ରସ୍ତ ହୋଇନଥିବା ଜଣାପଡିଛି । ଇଣ୍ଡିଗୋ ପକ୍ଷରୁ ଏକ ବୟାନ ଜାରି କରି ଏ ନେଇ ସୂଚନା ଦିଆଯାଇଛି । ବିମାନରେ ପକ୍ଷୀ ମାଡ ହେବାଯୋଗୁଁ ଜରୁରୀ ଅବତରଣ କରିବାକୁ ପଡିଥିଲା । ଏହାପରେ ଯାତ୍ରୀଙ୍କୁ ଅନ୍ୟ ଏକ ବିମାନ​‌ରେ ଦିଲ୍ଲୀ ପଠାଯାଇଥିଲା ।

ସୂଚନାଯୋଗ୍ୟ, ଏହା ପୂର୍ବରୁ ପାଟନା​‌ରେ ମଧ୍ୟ ଏଭଳି ଏକ ଘଟଣା ଘଟିଥିଲା । ଇଣ୍ଡିଗୋ ବିମାନରେ ଏକ ପକ୍ଷୀ ମାଡ ହେବାଯୋଗୁଁ ବିମାନ ଇଞ୍ଜିନ୍‌ର ୩ଟି ବ୍ଲେଡ୍‌ କ୍ଷତିଗ୍ରସ୍ତ ହୋଇଥିଲା । ଯାହାଫଳରେ ବିମାନକୁ ଜରୁରୀ ଅବତରଣ କରିବାକୁ ପଡିଥିଲା । ପାଟନାରୁ ଦିଲ୍ଲୀ ଯାଉଥିବା ବିମାନ ଅଳ୍ପକେ ଏକ ବଡଧରଣର ଦୁର୍ଘଟଣାରୁ ବର୍ତ୍ତିଯାଇଥିଲା ।

   Related Posts